2. MASHRUUCII JASIIRADDII CUSBADA
( Il Progetto dell'Isola di Sale)
Bartamihii sanadihii siddeetameeyada ayaa Faransiiska iyo Maraykanaku ka
shaqeeyeen mashruuca loogu magac daray "Jasiiraddii Cusbada". Ujeeddada laga
lahaa mashruucan baa ahayd in la qorsheeyo raadinta iyo helidda, marka hore,
meelo lagu kaydiyo sunta iyo qashinka haraaga Nuclear-ka ee ka timaadda
warshadaha waddamadaas iyo kuwa kalaba2. Wajiga
labaad oo mashruucani wuxuu ahaa in, marka goobahaas la helo, la karantiilo oo
laga go'doomiyo degaanka ku xeeran bad iyo berriba deednna aad loo ilaaliyo
haddii loo baahdana la difaaco xitaa militari ahaan.
2
Qashinka suntaa ayaa guud ahaan waxaa loo qaybin karaa laba qaybood oo
kala ah: Qayb kala-hufid iyo nadiifin dheer oodhib badan kaddib degaanka
dabiiciga ahi dib u qaadan karo (recycled) iyo qaybta labaad oo ah mid aan lala
hormari karin dariiqadaha kala duwan ee hoos loogu dhigo heerka iyo awoodda
suntaas (physco-chemical and biological treatments) oo markaas xalka kaliya oo
bannan uu yahay in si laga-taxadaray loo xifdiyo. Sunta haraaga nukliyeerka
ayaa qaybtan soo hoos-galaya.
Famiglia Cristiana (FC) oo ah joornaal toddobaadle ah oo si gaar ah
arrimahan muhimmad u siiya ayaa wuxuu ka soo xigtay dad muhiima oo la xiriira
degaanada sirdoonka reer galbeedka oo aan doonayan in la magacaabo in aakhirtu
Maraykanka iyo Faransiisku ay ogolaadeen taabbagalka mashruuca oo ay siiyeen "green
light" si loo hirgaliyo kaddib markuu ku gudbay "feasibility exams-kii".
Su'aashu waxay tahay, haddaba, maxaa magacan logu doortay? JASIIRADDA
CUSBADA oo loogu magacdarayse waa tuma? Xaggeese ku taal jasiiraddaasu? Inkasta
oo magaca ay soo hoosgalayeen meelo badan oo mashruucu u gartay fulinta
hawshaas haddana site-ka ugu weyn oo magacana laga qaatay, jasiiradda cusbada
ee la sheegayaa waa XAAFUUN oo ka tirsan Gobolka Bari oo sida lagu
sheego inay tahay halka laga helo kaydka adduunka ugu baaxadda weyn ee cusbada
ama milixda taasoo sida la ogyahay tusaale ahaan qarnigan dhammaaday bilowgisii
u dhoofinjirtay Hindiya cusbo aad u fara badan (Mauro Merosi; 1995).
Sida uu qabo Mr. Aldo Anghese oo ah nin la shaqeeya Hay'adda Sirdoonka
Talyaaniga, Xaafuun waxyaalaha lagu doortay waxaa ka mid ahaa dabeecaddeeda
juqraafiyeed: Waxay ku taal buu yiri meel lama degaana, dadka iyo duunyadubana
ama ku yaryihiin ama aanay joogin.
Waa meel si dabiici ah go'doon u ah buu yiri oo xagga badda maahee aan berri
looga iman karin (u fiirso
khariiradda Soomaaliya halka Xaafuun ku taal). Waxyaalaha lagu doortay
Xaafuun waxaa ka mid ahaa tiiyoo ay adagtahay xataa in xagga cirka laga arko
xitaa haddii diyaarad lagu dulmaro. Si kastaba ha ahaatee, FC wuxuu xaqiijiyey
in documents-kii gabagabada ee mashruucaas, lagu codsanayey in la aasaaso meelo
qalcadaa (punti di osservazione) oo loogu talogalay ilaalada iyo
dhisidda difaac adag oo xagga hawada ah ama "Air Defence Shield".
Meelaha kale ee Gobollada Woqooyi-Bari ka mid ah ee la sheegay in qashinkaas
sanadihii sideetamaadyadii lagu qubay ayaa waxaa ka mid ah Caluula iyo Waddada
u dhaxaysa Garoowe iyo Boossaaso (fiiri
khariiradda sunta).
FC wuxuu sheegay in meelaha kale ee mashruucan ka mida ay ku jirto meel ku
taal woqooyiga Hobyo (Mudug) oo magaalada u jirta 10km xeebtana 5km.
Suxufiyiinta FC oo maray dhammaan Somalia (laga bilaabo Hargeysa ilaa Kismanyo)
dhammaadkii sannadkii 1998-kii waxay diyaarad ku aadeen, siday sheegeen
magaalada Hobyo si ay bal site-kan (goobtan) indhohooda ogu soo arkaan hase
yeeshee waa u suuroobi weyday kaddib markii ninkii Pilot-ka ahaa baqdin awgeed
diiday inuu halkaas ku dego. Sida ay qabaan site-kan Hobyood oo ay ku jirto sun
aad halis u ah iyo qaar waliba radioactive ah waxaa ilaaliya ciidan
Ajnabi ah. Waliba intii hadda (1998) hal sanaa si aada ayaa loo ilaaliyaa buu
yiri ninkii suxufiyiintaas waday waana nala soo ridayaa (anti-air)
haddaan dulmarro.
Akhri Bogga Xiga....
Qore: Bashir Sh. Mohamed
PhD / Researcher
Email: shakiib@hotmail.com
Guji Halkan