Madaxweynaha
Puntland oo Markii Ugu Horeysey Sheegay In Shirkado Kale
Imaan Karaan Puntland - Hadalkaas oo Khilaafsan Heshiiskii
ay Puntland La Gashay Shirkadda "Consort ltd".
Waraysi
uu Radio Dalmar la Yeeshay madaxweyne Cadde Muuse:
ka Dhegeyso Halkan ama
Halkan
Sawirka: Radio
Dalmar.
Sidoo kale:
Halkan ka dhegeyso Hadalkii uu Cadde Muuse ka
jeediyey kulankii Jaaliyada Holland...
|
Dr. Ilka-Dahab |
Georgi Parvanov |
Safiirka Soomaaliya
u fadhiya
dalka Libya iyo ururka ay ku bahoobeen 23-ka
dowladood ee la isku yiraahdo Saaxil Wasaxaraa, Dr
Maxamed Xuseen Maxamed (Ilka-Dahab), ayaa mar uu
booqasho ku tegey dalka Bulgaria (bishii
8aad ee 2002) oo uu la kulmay madaxweynaha
Bugaariya, Georgi Parvanov, waxa ay ka wada hadleen
in shirkaddii Geomin ee ka shaqayn jirtey
mashruucii
Majeyahan iyo Dhalan ee baarista macdanta
dib loo soo celiyo, lagana dhiso halkaas wershed
samaysa crystals-ka(qaruuradaha),iyo in dekadaha,
garoomada diyaaradaha, iyo isgaarsiinba ay wax ka
qabato; gaar ahaan garoomada iyo dekedaha waaweyn ee
dalka sida kuwa Muqdishu, Kismaayo Berbera,
Boosaaso..Iwm. Dr. Ilkadahab waxaa lagala xiriiri
karaa:
ILKADAHAB@HOTMAIL.COM
|
Jay Park |
Thomas
Valentine |
|
Jay Park iyo Thomas
Valentine waa qareeno reer Canada ah oo ay DFKMG u
shaqaalaysiisay in ay kala taliyaan sharci u
samaynta khayraadka Soomaaliya. {Eeg
halkan...] |
- Heshiiska hore waxa
uu dhigayey in Xuquuqda Baaritanka Dhulka Puntland ay
leedahay Shirkada "Consort ltd".....
Madaxweynaha Dowlad
Goboleedka Puntland (DGPL), Gen. Maxamuud Muuse Xirsi Boqor
(Gen. Cadde) ayaa safar gaaban ku tegey dalka Netherlands (magaalada
Hague) iyo dalka Belgium (magaalada Brussels), halkaas oo uu
kulamo kula yeeshay qaar kamid ah jaaliyadaha reer Puntland
ee ku dhaqan labadaas dal.
Gen. Cadde Muuse kulamadaas
uu la yeeshay jaaliyadaha waxa uu ugu horayn ka war bixiyey
xaaladda guud ee Puntland iyo in nabad gelyo ay ka jirto
degaanka Puntland. Kaddib waxa uu ka hadlay arrimo la
xiriira macdanta/Khayraadka Puntland. Waxana uu sheegay in "Hayadaha
waaweyn ay diideen in ay khayraadka soo saaraan ama maal
gashadaan sababtoo ah waxa ay yiraahdeen nabad ma ahan, qaar
kalena waxa ay yiraahdeen waxay yiraahdeen waxay qaadaneysaa
in aan shidaal soo saarno muddo 70-75 sano ah,
markii dambe waxaan helay shirkadan taas oo sheegtay in ay
15 sano ku qaadaneyso in ay soo saari doonto, laakiin taas
waa ka diidney waxaana kuniri ku hawl gala sagaashan (90)
ilaa 120 maalmood, waxaana markii dambe ku heshiiney in ay
macdanta soo saaraan kaddibna aan xisaabtano. Waxana uu
sheegay in ay jiraan dalal hor taagan in khayraadka laga soo
saaro Soomaaliya in kasta oo uusan dalalkaas magacaabin.
Madaxweyne Cadde Muuse oo
weli ka hadlaya arrimaha shirkadaha ayaa waxa uu markii ugu
horeysey xaqiijiyey hadal si weyn uga hor imanaya heshiiskii
ay hore u wada galeen shirkadda "Consort ltd", hadalkaas oo
ah in uu madaxweynuhu sheegay "in aan Khayraadka Puntland la
siin hal shirkad oo keliya, balse (Puntland) loo qaybiyey
qaab ah Blocs, ama qayb-qayb", waxana uu sheegay in ay
shirkado kale imaan karaan.
Hadalkaasi waxa uu si toos
ah uga hor imanaya heshiiskii hore u dhex maray madaxda sare
ee DGPL iyo shirkadda "Consort ltd", heshiiskaas oo ahaa in
ay shirkadaasi leedahay xuquuqda baaritaanka iyo qodista
macdanta/shidaalka ee gebi ahaan inta maamusho DGPL.
Waxa kale oo uu
madaxweynuhu waraysi uu siiyey idaacada Radio Dalmar ee
Holland uu qiray in dalka lagu dhiqi doono xeerkii macdanta
ee dawladii hore ee Soomaaliya "Mineral Code", waxana uu
xaqiijiyey in ay Dowladda
Federaalku ay kiraysatay Qareeno sharci macdaneed samaynaya.
Waxana uu carrabka ku adkeeyey "Sheydaan Ilcad haddii uu
yimaado Puntland ninkii wax noo soo saaraya ayaan rabnaa.".
Gen. Cadde Muuse waxa uu ku
celceliyey in ay Puntland rabto in macdan laga soo saaro,
waxaase dad badan oo taariikhda Soomaaliya yaqaan is
weydiiyaan waxa uu madaxweynuhu u xusi waayey in hore
Puntland macdan aad u farabadan laga soo saaray sanadihii
toddobaataneeyadii iyo horaantii sanadihii siteemaadkii,
xilligaas oo shirkad Reer Bulgaria ah ay macdan ka qodi
jirtey Majayahay iyo Dhalan. Xilligaas macdantii ay
shirkadaasi soo saartay aan looga faa'iidayn dadka degaanka.
Magaalada Boosaaso ayaa doonyo looga raray shixnado ah
macdantii laga soo saaray Majayhay iyo Dhalan, lacagtii ka
soo baxdayna wax horumarin ah laguma samayn dadka deegaanka
iyo guud ahaan gobolka Bari.
Waxaa taas u dhiganta in
ilaa hadda la sheegay in DGPL arrimaha la xiriira macdan
qodista awgeed lagu siiyey lacag dhan
3 million oo doolar, taa soo sida warbixinadu sheegeen
aan ku dhicin khasnadda Dowladda, halkaas weeye meesha ay
DGPL fahmi la' dahay in ay keentay aamin darrada ay shacabku
ka muujiyeen arrimaha baaritanka Macdanta, marka laga soo
tago shirkada "Consort ltd' oo ah shirkad macmal ah oo uu
Terry iyo qaar ka mid ah wasiirada Puntland kusoo asaaseen
jasiiradaha Maldives ee badweynata Hindiya. (Waxaana la
xusuustaa in madaxweyne Cadde markii la doortay
hadaladii ugu
horeeyey ee uu sheegay ay ahaayeen in uu la dagaaladmi
doono musuq-maasuqa.)
Waxaa xusid mudan in
Shirkadda 'Consort ltd' markii ay heshay xuquuqda macdan iyo
shidaal qodista Puntland ay saamiyada badankooda ka sii
iibisey "Range Resources" oo reer Australia ah.
Weli wax jawaab ah oo ku
saabsan hadalka cusub ee madaxweynaha kama soo bixin
shirkadda Range Resources.
Ilaa markii uu ra'iisul
wasaaraha DFKMG, Cali Maxamed Geedi, warqada u diray
Puntland intii ka dambeysey waxaa hoos u dhac ku yimid
saamiyada ay shirkada Range Resources ee suuqa Ganacsiga ee
dalka Australia (ASX), eeg shaxda hoose oo muujineysa
saamiyada shirkadaas ee Bishan June 1 ilaa June 8, 2006.
Dabayaaqadii Bishii April
ee sannadkan 2006 ayey ahayd markii ay magaalada Jakarta ay
kulan ku yeesheen koox ah lataliyayaal ka socdey
madaxweynaah DFKMG, Cabdullaahi Yuusuf Axmed iyo qareen reer
Canada ah oo magaciisa la yiraahdo J. Jay Park, kulankaas oo
ku saabsanaa sidii sharci loogu samayn lahaa khayraadka
dabiiciga ah ee Soomaaliya [Eeh
Halkan].
Kulan ay magaalada Boosaaso
ku yeesheen wafti uu hoggaaminayey guddoomiyaha Baarlamaanka
DFKMG, Shariif Xasan, iyo maamulka Puntland oo uu
hogaaminayey Madaxweyne Cadde Muuse ayaa May 30, 2006 lagu
kala saxiixday qodobo uu ka mid ahaa: In meeshiisa laga wado
barnaamijka baarista, soo saarista macaadinta iyo shidaalka
Puntland, lana xurmeeyo wixii heshiisyo ahaa ee labada
dhinac horay u wada gaareen kuna saabsan arrintan, iyadoo
aan arrintaasi cidna loo xirayn lagana dhigayo qaab Blocks
ah (ama qayb-qayb). [Eeg halkan].
MO'OGTAHAY: Ka hor
intii aysan dhicin xukuumadii Maxamed Siyaad Barre, 1991,
warbaahinta Soomaaliya sida raadiyaha, TV-ga iyo joornaalada
waxaa gacanta ku hayey xukuumada. Waxaa dalka ka soo bixi
jirey hal joornaal oo lagu magacaabi jirey Xiddigta
Oktoobar, joornaalkaas oo ku soo bixi jirey luqadaha
Soomaaliga, Igirisiis, Carabi iyo Talyaani, waxana ay toos u
hoos imaan jireen wasaaraddii Warfaafinta. Xilligaas dalka
Soomaaliya waxaa ka jirey hal hay'ad oo war-faafineed oo
lagu magacaabi jirey SONNA (Somali National News Agency)
taas oo wixii war ah oo dalka Soomaaliya laga faafinayo u
qaybin jirtey wakaaladaha wararka ee adduunka.
Soomaaliya xilligaas
waxa ay lahayd laba Raadiye oo kala ahaa Raadiye Muqdisho
iyo Hargeysa. Raadiyaha Muqdisho waxa uu laba saacadood soo
deyn jirey barnaamijyo ku baxa luqadaha
Afar, Amharic, Arabic,
English, French, Italian, Oromo, and Swahili.
Telefishankii Muqdisho oo
hoos iman jirey wasaaradda Warfaafinta waxaa la furay
sannadkii 1983, waxana uu hawada ku jiri jirey laba
saacadood maalin kasta, waxana uu gaari jirey magaalada
Muqdisho oo keliya.
Mase ogtahay in maamulada
hadda ka jira Soomaaliya ay dadaal ugu jiraan soo celinta
nidaam u dhigma kii
war-baahinta ee xukuumadii Siyaad Barre, si ay u xakameeyaan
warka gaaraya shacabka, aana dowladda loola xisaabtamin,
waxa ay rabto oo keliyana warbaahintu baahiso.
Faafin: SomaliTalk.com |
June 9, 2006
| 
Daabaco
Boggan | Print