|
BAAQ
AY WAXGARADKA SOOMAALIDA DENMARK KA SOO SAAREEN SIYAASADDA CUSUB EE
SOOMAALIYA
Kulan ay isugu yimaadeen qaybo ka mid ah
odayaasha, culumada, aqoonyahanada, ganacsatada iyo dhalinyarada ka tirsan
Jaaliyadda Soomaalida denmark ayaa looga dooday arrimo la xiriira isbeddelka
siyaasadeed ee ka socda Soomaaliya, iyo dhinaca kale dadaalada loogu jiro
sidii loo soo nooleyn lahaa Qarannimadii Soomaaliyeed.
Shirweynahan oo ay soo qabanqaabiyeen,
iskuna soo dubarideen Golaha wadatashiga iyo iskaashiga soomaaliyeed ayaa
laga soo saaray qodobo dhowr ah, kuwaasoo ku saabsanaa sidii xal waarta
looga gaari lahaa mad-madowga iyo khilaafka isa soo taraya ee laga dhex
dareemayo DFKMG iyo Maxaamikta islaamiga.
Abdirashid Artan |
Xooghayaha Golaha wadatashiga iyo
iskaashiga soomaaliyeed Abdirashid Artan ayaa ii xaqiijiyay in danta iyo
ulajeeddada shirkooda ku salaysan yahay sidii nabad iyo dhexdhexaadin dhab
ah loo dhexdhigi lahaa DFKMG iyo Golaha Maxaakimta islaamiga oo xilliyadii
ugu danbeeyay iyagu gacanta ku dhigay magaalooyin dhowr ah.
”Baaqeenu waa nabad iyo islaaxin, waxaan ku
rajo weynnahay is-faham iyo wada shaqayn walaaltinimo oo ka dhex dhacda
Dowladda iyo Maxaakiimta islaamiga, dhinaca kalena hal-meel looga soo wada
jeesto ka sidii looga hortagi lahaa faragelinta qaawan ee Itoobiya ay ku
hayso dalkeena Soomaaliya” ayuu yiri Abdirashid Artan oo isagu ah xooghayaha
Golaha wadtashiga iyo iskaashiga soomaaliyeed, sidoo kalena madax ka ah
ururka ugu weyn ee mideeya dhalinyarada soomaaliyeed ee ku dhaqan dalka
Denmark.
”rajo wanaagsan ayaan ka qabnaa inuu gaaro
baaqeenaan dhammaan maxaakiimta iyo dowladdaba, waxaana jeclahay in
maamlamaha soo socda uu qabsoomo dhamaystirka shirkan aan billownay” ayuu
markale raaciyay Abdirashid Artan oo qiyaastii da'diisu ahayd 6 jir markii
musbiibadii dagaalladii sokeeye ka qarxay Soomaaliya.
Ugu danbeyntii shirkan oo si wanaagsan
dadkii ka soo qaybgalay ay aad ugu riyaaqeen ayaa baaqii ka soo baxay u
qornaa sidatan:
Waxan ugu baaqaynnaa Midowga Maxkamadaha
Islaamiga ah (MMI) iyo Dowladda Federaalka Kumeel gaarka ahba in ay sii
wadaan wada hadalkii u bilowday 22 Juun 2006. Si loo soo celiyo Qarannimadii
iyo Midnimadii ummadda Soomaaliyeed. iyadoo wixii khilaaf ah lagu
dhammaynayo wada xaajood iyo is afgarad.
Waxaan annagoo ka duuleyna madax bannaanida
iyo Qarannimada Soomaaliyeed si adag uga soo horjeednaa kana digeynnaa fara
galinta shisheeyuhu ku hayo dalka noocay doontaba ha ahaatee. Gaar ahaanna
waddanka Itoobiya oo ciidamadeedu si sharci darro ah had iyo goor ugu soo
tallaabaan gudaha dalka Soomaaliya. Iyo waddamada kale sida Eriteriya. Taas
oo meel kadhac weyn ku ah madax bannaanida iyo qarannimada Soomaaliyeed.
Sidoo kalena aa dhib mooyaane wax dan ihin ugu jirin dalka iyo dadka
Soomaaliyeed.
Waxan ugu baaqaynaa dhammaan shacabka
Soomaaliyeed meel kasta oo ay joogaanba in ay taageeraan isna garab taagaan
dib u heshiisiinta. Islamarkaasna ay mahad balaaran u celiyaan Ciddii
keentay Isbadalka nabadeed ee ka dhacay Magaalada Muqdisho iyo nawaaxigeeda.
Waxaan ku boorinaynaa Jaaliyaadka
Soomaaliyeed ee dibaddu in ay ka qayb qaataan dib u heshiisiinta iyo dib u
dhiska dalkii hooyo
Gunaanad.
Waxaan guud ahaan Ummadda
Soomaalioyeed,gaar ahaana Midoowga Maxaakiimta Islaamiga ah Doowladda ku
meel gaarka ah iyo ugu yeereeynaa in ay ku shaqeeyaan:
Mabda’a aas aasiga u ah ummadda
Soomaaliyeed ee Diinta Islaamka.
Waddaninimo.
Soomaalinimo.
Dulqaad iyo
xilkasnimo.
Isu tanaasul wixii aan ka hor imanayn
mabaadii’da Islaamka. Sidoo klaena in laga fogaado wixii Ummadda kala
fogeeynaya.
Wa Billahi toowfiiq.
 Waxaa isku soo dubaridey
Ibraahim Saalax
ibra88@hotmail.com
SomaliTalk | DENMARK
Faafin: SomaliTalk.com | Aug 15, 2006
QORAALDII SAWIR-GACMEEDYADII LAGU
AFLAGADEEYEY RASUULKA NNKH:
01 |
02 |
03 |
04 |
05 |
07 |
08 |
09 |
10 |
11 |
12 |
13 |
14 |
15 |
16 |
17 |
18 |
19 |
20 |
21 |
22 |
23 |
24 |
25 |
26 |
27 |
28 |
29 |
30 |
31 |
SOOMAALIDA EURO-AMERICAN: SANNADO BADAN AYAAN KU LUMINAY YURUB
SOOMAALIDA
MINNESOTA: Safarkii Ibraahim Saalax... Guji |
