MA DALKA MAREEKANKA AYAA DUNIDA NABADDEEDA KHATAR KU HAYA
MASE CIRAAQ, MASE KUURIYADA WOQOOYI?
tarjumadii: Ibraahim Saalax | SomaliTalk Yurub | Jan 20, 2003

Wargayska caanka ah ee Times ee ka soo baxa dalka Mareekanka ayaa isagoo sameynaya tirakoob weydiiyay aqristayaashiisa su'aashan "dalkee baa dunida khatar weyn ku haya, ma Ciraaq baa mise Kuuriyada Waqooyi mise dalka Mareekanka??". 

Natiijadii ka soo baxday cod-bixintaas waxay noqotay inuu dalka Mareekanka yahay dalka khatarta weyn ku haya nabadda adduunka. Dadkii codkooda bixiyay waxay 82.5% ay sheegeen inuu Mareekanka khatar ku hayo caalamka intiisa kale, iyadoo sidaasi meesha uga saartay cabsidii lagu sheegayay dalalka Kuuriyada waqooyi iyo Ciraaq-ba. [Eeg halkan]

Tirakoobkan ayaa mar dhow lagu soo daabacay Wargayska Times qaybtiisa lagu soo daabaco Yurub. Aqristayaasha shabakadda Times waxay xuseen in 9.4% ay Ciraaq khatar ku tahay nabadda adduunka, sidoo kale 8.2% ayeey Kuuriyada waqooyi ku sheegeen inay halis ku tahay nabadda dunida. Dadyoow badan ayeey la yaab ku noqotay baaritaankaan ka soo yeeray wargayska mareekanka ee Times, iyadoo sida la ogsoon yahay uu dalka maamulka Mareekanka u kala qaybiyay dunida kuwo iyaga shar-badanayaal ah iyo kuwo saaxiibayaal ah.

Inkastoo natiijada ka soo baxday baaritaankaan ay ka madax bannaan tahay aragtida maamulka wargayska, haddana waxay dad badani u fahmeen iyadoo laga fahmayo sida ilaa xadka ah ee uu wargayska aqristayaashiisa ugu fasaxayay xorriyadda fikradahooda gaar ahaaneed. Maalmihii ugu danbeeyay waxaa dunida meelo badan oo ka mid ah laga dhigayay bannaanbaxyo looga soo horjeedo dagaalka laga yaabo inuu Mareekanka ku qaado Ciraaq, iyadoo xujjada uu u cuskanayo ay tahay inay Ciraaq haysato hubka sida daran wax u gummaada.

Wargayska Times ayaa si jees-jees leh u soo bandhigay markuu yiri "Ciraaq iyo Kuuriyada waqooyi ayaa dabcan soo galaya dowladaha khatarta dunida ku hayo waa sida ay qabaan madaxweynaha Bush iyo Ra'iisal wasaaraha England ee Tony Blair kadib markii ay ku adkeysteen inay haystaan caddeymo cad-cad oo tusinaya beenta uu sheegayo Saddam Hussein ee ku saabsan inuu haysto hubka sida ba'an wax u gummaada, iyadoo ay jirto inay Ciraaq soo gudbiyeen 12 000 bog oo ay ku sharxayaan mowqifkooda ku aaddan hubka niyuukleerka...".

ISHA: Bogga codbixinta Times: http://www.time.com/time/europe/gdml/peace2003.html

WAXAA ISKU SOO DUBARIDEY:
 Ibraahim Saalax | ibra88@hotmail.com  [SomaliTalk Yurub]
STOCKHOLM, SWEDEN

SOMALITALK.COM | Jan 20, 2003 

Bannaanbaxyo Dhan Ka ah Dagaal Ciraaq
Sabtidii waxaa Dunida  Hareeyeen Banaanbaxyo lagu diidan yahay Dagaal lagu qaado dalka Ciraaq. Dalalkii laga mudaharaaday.. GUJI...

Kadhig SomaliTalk bogga u horeeya oo kuusoobaxa markaad Internetka gashid

Choose kaah for confidence, convenience & competitive, rapid, reliable & responsive

HALIS CAAFIMAAD: SOOMAALIDA MARAYKANKA: Dhadhtar ka tirsan cisbitaal kamida cisbitaalada ugu weyn Maraykanka ayaa sheegay in Soomaalida uu kusoo badanayo cudurka kaadi-sonkorowgu, warbixintaas iyo calaamadaha lagugarto kaadi-Sonkorowga
KA AKHRI HALKAN GUJI.... | a

WARARKII SOOMAALIDA SWSWEDEN

@Spam!

MAXBUUSADDII AY HOREY U XIREEN TAALIBAAN OO ISLAAMTAY ..GUJI.... 5/9/02