Dhinaca kale, taageeradii ay dowladda Sweden ku bixin jirtay madaarista iyo dugsiyada khaaska ah ee ay leeyihiin muslimiinta ayaan iyagana la jarin dhaqaalihii la siin jiray ama-ba aan gebi ahaanba albaabada loo xirin, sida ka dhacday qaar ka mid ah magaalooyin ku yaalla dalka Denmark.

Dowladda Sweden waxay si rasmi ah u aqoonsan tahay diinta islaamka, siday u aqoonsan tahay oo kale diimaha kirishtaanka iyo tan yahuudda, halka dalal badan oo ay ku jirto Denmark aan laga aqoonsanayn diinta islaamka.

Shacabka Sweden oo tiradooda dhaafin 8 malyuun, ayaa dhab ahaantii dunida meel sarreysa uga jira dhinaca nolol-wanaagga, hodontanimada iyo siyaasad wanaagga marka laga eego guud ahaan dowladaha caalamka.

Maadaama ay diinta islaamka iyo muslimiintaba aan sidaas looga aqoon hadda kahor carriga Sweden, haddana waxaa hubanti ah in waqtigan xaadirka ah in badan oo ka mid ah shacabka reer Sweden ay xiiso ba'ani ugu qabaan inay wax ka ogaadaan diinta islaamka. Muslimiintii ugu horeeyay ee u soo haajira dalka Sweden waxay intooda badan yimaadeen billowgii 60-maadkii qarnigii tagay, iyagoo muslimiintaasina ay badankooda ka kala yimaadeen dalalka Turkiya iyo dalkii horey la isku oran jiray Yuguslaafiyadii hore.

Billowgii 80-maadkii ee qarnigii tagay waxaa dalka Sweden laga aasaasay xarunta xiriirka islaamka ee Sweden (Raabiddada islaamka ee Sweden), oo guud ahaan magaalooyinka waaweyn uu dalka ka kooban yahay intooda badan ku leh laamo kala duwan. Dadaalkii lixaadka lahaa ee ay muujiyeen xubnaha firfircoon ee Raabiddada Islaamka wuxuu si weyn wax uga beddelay xiriirkii hore ee dowladda Sweden ay ka haysatay jaaliyadaha muslimiinta ee dalkeeda ku dhaqan, iyo sidoo kale midnimadii ay muujiyeen xarumihii iyo masaajiddadii la bahoobay Raabiddada islaamka.

Muslimiinta reer Sweden oo maanta sii caga-cageenaya 400,000 ayaa waxay rajo weyn ku abuurtay xisbiyada dalka ka jira, iyagoo dhammaantood isku dayaya inay wanaajiyaan xiriirka ay la leeyihiin iyaga, bal si ay codad uga helaan xilliga lagu jiro doorashada dalka.

Sidii aan horey u sheegnay, wixii ka danbeeyay 11-kii sibteembar waxaa soo shaac baxayay xiisaha ay shacabka reer Sweden ugu qabaan barashada diinta islaamka. Wasiiradda arrimaha dibadda ee Sweden Anna Lind ayaa go'aansatay inay wasaaradda daabacdo kitaab si waafi ah uga hadlaya diinta islaamka, iyadoo sababta sidaas ku kelliftay ka hadlaysana waxay tiri "waa inay ardayda reer Sweden ay oggaadaan inay leeyihiin arday saaxiibadood ah oo muslimiin ah, diinta ay wataana ka soo jeedda xadaarad fog iyo saamixaad weyn", hadalkaas ayuu ahaa kii lagu daabacy isla kitaabkaas oo tirada laga daabacay gaarayay ilaa 300,000 nuqul.

Dr. Jan Samuelsen oo isagu ku takhasusay falsafadda iyo cilmiga diimaha ayaa soo saaray kitaab uu ugu magac daray " islaamka iyo Sweden". Dr. Samuelsen wuxuu kitaabkiisa ku sharxay guud ahaan waajibaadka iyo tiirarka uu islaamka ka kooban yahay. Wuxuu kaloo ku xusay kitaabkiisa tirada xarumaha islaamka ee faraha badan ee ku yaalla dalka Sweden, kuwaasoo intooda badan dowladda ka hela kaalmo dhaqaale.

Haddaba, ugu danbeyntii ma laga yaabaa dhaqankaas suubban iyo tilmaantaas wanaagsan ee dowladda Sweden kula qaabishay jaaliyadda muslimiinta ee dalkeeda ku dhaqan inay kaga daydaan dalalka kale ee EU-da, iyadoo dalka Sweden aan horey aqoon dheeraad ugu lahayn guud ahaan shucuubta muslimiinta iyo islaamkaba sida dalalka Ingiriiska iyo Faransiiska oo iyaga soo isticmaarsaday dalal badan oo ka mid ah dunida islaamka??.

Ibraahim Saalax | ibra88@hotmail.com  [SomaliTalk Yurub]
STOCKHOLM, SWEDEN

SOMALITALK.COM | December 26, 2002 

Kadhig SomaliTalk bogga u horeeya oo kuusoobaxa markaad Internetka gashid

Choose kaah for confidence, convenience & competitive, rapid, reliable & responsive

HALIS CAAFIMAAD: SOOMAALIDA MARAYKANKA: Dhadhtar ka tirsan cisbitaal kamida cisbitaalada ugu weyn Maraykanka ayaa sheegay in Soomaalida uu kusoo badanayo cudurka kaadi-sonkorowgu, warbixintaas iyo calaamadaha lagugarto kaadi-Sonkorowga
KA AKHRI HALKAN GUJI.... | anti@Spam!