Xukuumadda Ereteriya oo Aqoonsatay Dawladda Federaalka Soomaaliya ee uu
Hogaamiyo Xasan Shiikh
In ka badan Labaatan Sano ayaa markii u Horeeyay Xukuumadda Eritireeya waxa
ay si Buuxda u aqoonsatay Dawladda Federaalka Soomaaliya.Wakiilk Joogtada ee
Xukuumadda Eritereya u fadhiya Qaramada Midoobay ayaa halkaa ka sheegay in
Xukuumaddiisu ay Aqoonsatay DawladdaFfederaalka Soomaaliya.
Wakiilka ayaa ugu horenba Qaramada Midoobay ka sheegay in Dalkiisu aqoonsan
yahay isla markaana la shaqaynayo Dawladda Federaalka Soomaaliya.
Wakiilka ayaa soo hadal qaaday sida ay lagama Maarmaanka u tahay Dalalka ku
yaala Gobolka a ay ugu wada Noolaan lahaayeen si nabad ah isagoona Mushkiladda
Soomaaliya ku sheegay in dhankooda in ay Diyaar u yihiin in ay ka qayb qaataan
sidii xal looga gaari lahaa.
“Ereteriya way ka soo hor jeedaa in Gobolku noqodo meel ay Colaaduhu ku soo noq
noqdaan” ayuu si kulul u yiri Wakiilka isagoona dhankooda ballan qaaday in ay
diyaar u yihiin sidii Gobolka oo dhan ay Nabadi uga Islaaxi lahayd.
Xukuumadda Ereteriya ayaa weligeedba ka soo hor jeeday aqoonsiga Dawladihii ku
meel gaarka ee Soomaaliya soo maray iyadoona mar walbana ku andacoon jirtay in
haba yaraatee aysan Aqoonsanayn Dawlad Soomaaliyeed oo Soomaaliya ka jirta.
Eretiriya ayaa lagu eedeeyn jiray weligeen in ay qayb ka ahayd Dhibaatada
Soomaaliya iyadoo taageero Military iyo mid Dhaqaalaba u fidin jirtay Xarakada
Shabaab oo la dagaalanta Dawladda Federaalka Soomaaliya,iyadoo Sanadkii hore
ayay ahayd markii Eretetiraya ay shaaca ka qaadday in aysan wax taageera ah u
fidin Shabaab waxaana eedeeyntaan u soo jeediyey Guddoga Dabagalka Cunaqabteyn
Hubka Soomaaliya
W/D Amiin Yuusuf Khasaaro
E-Mail amiinkhasaaro@yahoo.co.uk
E-Mail amiinkhasaaro@yahoo.co.uk
WARSAXAAFADEED
Kampala, 04 August 2013 - Madaxweynaha Jamhuuriyadda Federaalka Soomaaliya
Mudane Xasan Sheekh Maxamud iyo wafdi heer sare ah oo uu hoggaaminayo oo shalay
iyo maanta ku sugnaa Kampala ayaa kulan la qaatay dhigiisa Kenya, Ethiopia iyo
Uganda ka hor shirkii madaxda waddamada ay ciidamada ka joogaan Soomaaliya.
Shirkan ay wada yeesheen Xasan Sheikh Maxamud, Uhuru Kenyatta, Hailemariam
Desalegn iyo Yoweri Museveni ayaa diiradda lagu saaray sidii shirka Kampala uu u
noqon lahaa mid miro dhal ah. SII AKHRI
Wararka naga soo gaaraya Magaalada Kamala ee dalka Ugandha ayaa sheegaya in
Madaxweynaha Uganda Musavini uu u kala dab qaadayo Madaxweyne Xasan Shiikh
Maxamuud iyo Madaxweynaha Kenya Uhuro Kenyatta kuwaa oo si aad ah isugu qabtay
Xaaladda Magaalada Kismaayo. Iyo qaabka Ciidamada Kenya ee qaybta ka ah Amisom
ay uga hawl galayaan Soomaaliya kaddib markii Dagaalo dhawaan ka dhacay Kismaayo
ay garab siiyeen Ciidamadii Raaskaambooni oo uu hoggaaminayay Axmed Madoobe.
SII AKHRI...
Puntland oo ka soo Horjeestay Heshiiskii Dhex Maray Dawladda Federaalka iyo
Shirkadda Atlantic Marine And Offshore Group.
 Eng.
Siciid Maxamed Raage oo ah Wasiirka Dekadaha, Gaadiidka Badda iyo la Dagaalanka
Burcad Badeedka ee Maamulka Puntland ayaa xafiiskiisa ka soo saaray
Warsaxaafadeed si aad uga hadlaya Heshiis dhex maray 30kii Bishii ina soo
dhaaftay ee Luuliyo dhex maray Dawladda Federaalka Soomaaliya gaar ahaan
Wasiirka Gaashaandhigga Cabdixakiim Xaaji Maxamuud fiqi iyo Shirkad laga
leeyahay dalka Holland oo lagu magacaabo Atlantic Marine And Offshore Group.
Warsaxaafadeedkan ka soo baxay Xafiiska Wasiirka Dekadaha iyo Gaadiidka Badda
iyo la Dagaalanka Burcad Badeedka ee Maamulka la magac Puntland ayaa lagu
sheegay in Puntland ay u Madaxbanaan tahay ilaalinta Xeebaheeda isla markaana
aanay Mas’uul ka ahayn Dawladda Federaalka Soomaaliya gaar ahaan marka ay
timaado dhinaca Ilaalinta Xeebaha.
Warsaxaafadeedka ayaa ku tilmaantay Heshiiskii dhex maray Wasiirka
Gaashaandhigga Xukuumadda Federaalka Soomaaliya iyo Shirkadda Atlantic Marine
And Offshore Group ee laga leeyahay Waddanka Holland inuu yahay mid ka hor
imaanaya Heshiisyadii hore u dhex maray Xukuumadda Federaalka iyo Maamul
Goboleedyada ee ku aaddanaaa Ilaalinta Madaxbanaanida Dhulka iyo Biyaha Dalka
Soomaaliya.
Warsaxaafadeedka ayaa lagu soo Gabagabeeyay in Puntland ay sii wadi doonto
inay ilaalsato Biyaheeda iyo in ay Tababarato Ciidamadeeda ilaaliya Xeebaha isla
markaana ay ka hor tegi doonto wax walba oo ay u aragto inuu ka horimaanayo
Madaxbanaanida amniga, Kheyraadka Dalka , iyadoo sidoo kale war Saxaafadeedkan
lagu sheegay in Puntland aysan ogolaan doonin Heshiis kasta oo ay Dawladda
Soomaaliya la gasho Dawlad aysan iyadu ogeyn ama Shirkad gaar loo leeyahay.
Halkan ka akhri Warsaxaafadeedka oo Ingiriisi ah
W/D AmIin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | Aug 4, 2013
| 
Daabaco
Boggan | Print
