SAXAAFADDA DENMARK OO SOO BANDHIGAY DHIBAATADA  QAXOOTIGA HAYSTA

• Qoraalki iyo isku soo dubaridiid:
  Ibraahim Saalax Aaden | SomaliTalk Yurub
  Email: ibra88@hotmail.com

  ---

Qaxootiyada ku nool xeryaha Denmark ayaa xaaladdooda nololeed ka sii daraysa marba marka ka danbeysa. Sannado badan ayay ku jiraan xeryaha dalka ku yaala, iyagoon la siinin shaciga oggolaanshaha degganaasnho iyo iyagoo la soo gudboonaada xaalado adag oo caafimaad iyo mid nafsiyeed-ba.

Taleefishinka koowaad ee ka soo baxa Denmark DR1 ayaa fiidkii caawa (saacadda Denmark) soo bandhigay qoys ciraaq ka soo jeeda. Waa aabe iyo hooyo iyo 7 caruur ah. Waxay dhammaantood ku wada nool yihiin hal qol oo qudha.

“waa nolol dhimmasho ah, kuma noolaan karno nolshaan aan ku jirno, saamayn xun oo nafsi ayay noloshaan nagu reebtay” ayuu yiri odayga qoyskan lagu magacaabo Isho oo aan iyagu muslimiin ahayn.

“shan sannadood waxaynu degganayn qolkaan cidhiidhiga ah, daaqado aan hawada ka qaadano ma lihin, dhammaantayada waynu xanuunsanaynaa, siiba aabahay iyo hooyaday oo xaaladdan adag ay dhaxalsiiyeen nolol aad u adag oo nafisiyeed” ayay tiri gabar 12 jir ah oo si wacan ugu hadlaysay luqadda deenishka.

Xaggaagii sannadkii hore ayay ahayd, markaan xerada Sandholm ee caasimadda Denmark ee Copenhagen waqooyigeeda ku booqday qoysas soomaaliyeed oo sannado badan ku sugnaa xeryaha Denmark, iyagoo loo doodiyay codsiyadooda laajinimo ee ay dowladda ka dalbadeen.

Qoysaskii aan booqday ayaa ka mid ahaa hooyo Sahro Xuseen oo ah hooyo wadatay  6 caruur, waxayna sharci la'aan ku sugnaayeen Denmark 4-tii sanno ee ugu danbeeyay.

"kama sheekeen karo dhibaatada nagu haysata xeryaha dalka, waxaan anniga iyo caruurtaydaba ku noolnahay nolol adag, caafimaad iyo waxbarasho fiican toona kuma haysano halkaan" ayay tiri Sahro oo waqtigaas ii sheegtay inay iyada iyo caruurteedaba ay ku nool yihiin hal qol oo aan lahayn jiko iyo mustaqbal toona.

Waxaa isku soo dubaridey
Ibraahim Saalax 
ibra88@hotmail.com
SomaliTalk | Odense | Denmark

Faafin: SomaliTalk.com | Apr 21, 2006

---

DENMARK: QAXOOTI SOOMAALIYEED OO CUNTADA KA SOOMAY

Albaabka weyn ee lagagalo Xerada Sandholm

Dhisamaha ay ubadanyihiin qoysaska soomaaliyeed

Saacadda markay ahayd shanta galabnimo ayaan soo gaaray albaabka weyn ee laga galo xerada weyn Sandholm, ee lagu qaabilo qaxootiga cusub ee dalka Denmark ka codsada laajinimada. "yaad booqanaysaa iyo fadlan dokumantigaaga i sii" ayay isu-kay raacisay gabar deenish ahayd oo igala hadlaysay muraadayadda gadaasheeda xafiiskii ay ku jirtay. Waxaan u sheegay inaan doonayo inaan soo booqdo soomaalida ku sugan xerada, dabadeedna waxay iga koobiyaysatay dokumantagaygii, sidiina ayaan u soo dhaafay gudaha xerada weyn ee Sandholm ee ku taalla waqooyiga Copenhagen xarunta dalka Denmark. Akhri...