|
Sh. Cabdikariim Raaligelin haka bixiyo
aflagaadadiisa!
Waan salaamay akhristayaasha sharafta leh!
Intaa dabadeed, anniga oo akhrinaya qoraal ku saabsanaa dilkii loo geystay
nin dhalinyaro ah oo ka soo jeeda beesha Gabooye, laguna dilay Hargeysa,
Somalialand baan waxaan la yaabay siduu u hadlay nin lagu sheegay Shiikh oo
magaciisa la yiraahdo Cabdikariim Yuusuf.
Marka u horaysa waan ka xumahay dilkii gardarrada ahaa, waana taageersanahay
in cidii ka dambaysay maxkamad la soo hortaago, waana uga tacsiyeynayaa
qaraabadiisii dhibka soo gaaray. Iyadoo aan laga leexanayn u doodidda
xuquuqda dhibanaha, baa haddana waxaa muhiim ah inaan wax loo dhimin ama la
aflagaadeyn sharafta iyo magaca dad tiro badan bilaa dambina ah. Taas waa
mida aan kaga amakaagay labada sadar ee Cabdikariim yiri ee aan hoos ku soo
minguuriyey, maxaase ka yeersiiyay Sh. Cabdikariim hadal noocaas ah?
"Waxaa Somaliland u sugnaatay taariikh mugdi ah, kol haddii ay xirayaan,
kufsanayaan, ama dilayaan qofkii aan ka dhalan labada qabiil ee Isaaq iyo
Gudabiirse ee maamula dowlad goboleedkaas." Sheekh Cabdikariim Yuusuf,
hogaamiyaha dallada culumo,udiinka Soomaaliyeed ee Yurub.
Dad badan baan kala saari karin dambi ama dhaliil qof ahaaneed iyo mid guud
ahaaneed ama mid maamul, halkaas ayuuna ku hungoobay shiiku oo isagoo
waxtoosi isleh caytamay.
Waase guuldarro weyn in hoggaamiyaha wadaada soomaaliyeed ee Yurub(sidii
qoraalka lagu xusay) ay ka hadal wanaagsanaato, gabadha lagu sheego gaalada
ee Ayaan Xirsi Magan!.
Ugu dambayntii waxaan kula talinayaa Shiikh Cabdikariim Yuusuf inuu
aflagaadadiisa raaligelin ka bixiyo, uuna aayatiinka ka fiirsado siduu u
hadlayo.
Xigasho: somalitalk.com, may 20,2005 (Nin u dhashay Beesha
Gabooyaha....)
Liibaan Guuleed
liibaan145@hotmail.com
Afeef: Aragtida qoraalkan waxaa leh qoraaga ku
saxiixan
Faafin: SomaliTalk.com | May 21, 2005
Waraysi:
Garaadka Beesha Gabooyaha
Nin u Dhashay Beesha
Gabooyaha ayaa Hargeysa Lagu Diley, Dadkii Arintaas Ka
Mudaharaadayna Xabsi ayaa la dhigay, waxaana arintaas ka waraysanay
Garaad Axmed Diiriye Geylan...
Guji...
| 
Daabaco
Boggan | Print
