Jawaab: Abdulwaaxid Khaliif “JABALJAAN”
by: Nuur Suufi
email: nuur_suufi@hotmail.com

Ilaah baa mahadleh. Nabadgelyo iyo naxariis Nabi Muxamed korkiisa ha ahaato
Walaal Cabdulwaaxid marka u horeyso raali ka ahoow cinwaanka qoraalkeyga waxaan ula dan leeyahay ula jeedo aan rajeynaayo in aad garan doontid markaad dhammeysid aqrinta qoraalkaan.
Walaal aad iyo aad ayaan u jeclahay in aan aqristo qoraaladaada waxaana ka helaa sida aad iskuugu xirtid ula jeedada qoraalkaada iyo sheeko xariirta aad ka hormarisid.

Qoraalkaada u dambeeyay oo ahaa cinwaankiisa “Alhu-Sun Wal-Jabaljaan” markaan aqriyaay kama helin waxi aan filaayi aad iyo aadna waan ka xumaaday wax yaalo badan ku jira waxaana jeclahay in aan halkaan kuugu soo gudbiyo.

Sideeda markii qoraal la qoro waxuu xambaanrsanyahay fariin oo u socoto in la gaarsiiyo aqristaha, fariinta waxeey noqon kartaa aragti ku saleysan wax aad ka hadleysid ama fariin wax u sheegid ama fariin ah aqoon kororsi oo ah cilmaani ama diineed.

Qoraalkaadi waxuu ku saleysnaa sheeko maalmihii la soo dhaafay socotay oo laysku haystay arrin diineed oo ka dhax dhalatay go’aamadii u dambeeyay uu soo jeediyaay Maxamed Dheere, kuwaaso ka soo horjeestay culuma’udiin kuwa kalena ku raaceen Maxamed Dheere.

Markaan arkay qoraalkaada oo ka hadlaayo arrintaas socotay maalmahaan waxaa ugu han weynaa in aan fariin diineed ama aqoon diineed ka kororsodo oo xal loo helo dooda maalmahaan socotay. Laakiin sidaan horey kuugu sheegay qoraalkaada aad iyo aad ayaan uga xumaaday waxuuna igu dhaliyay su’aalo hore oo aan horey jawaabohoodi aan helin.

Midda kale qoraal markii la qoraayo waxaa sal u ah wax la yiraah adaab iyo aqlaaq gaar ah uu leeyahay qorrista iyo ayadoo la ixtiraamaayo qofka aad ka soo hor jeedid aad qilaafeysid aragtidiisa sababtoo ah ula jeedada meesha laga leeyahay ayaa waxeey tahay in horey loo socdo oo waqtiga iyo juhdiga iyo aqoonta qoraalkaas ku jirta laga faaideysto ma aha wax in la tuuro oo qashinka lagu shubo, haddaan tusaale ku siiyo ka waran macalin iskuul oo duruus dhigaayo oo ardayda caynaaya ma aha kaliya in ugu dambeysta caayo oo waxa waaye casharki asagoo sheegin oo bilaabin waxuu sheegaayo ayuu caay ka bilaabay oo haddana intaas kuma joojine intuu casharka socday caydi meesha ka waday. Waxaa caadi ah, markii xisada dhammaato in ardayda isweydiinayaan oo intee casharka ka sheekeysan lahaayeen waxeey is weydiinayaan maxuu macalinki caydi ula dan lahaa?????Yaa macalinka ka soo xanaajiyaay, ma diritoorki iskoolka may is dirireen???? Marka meeshaas waxaa kaaga cadaanaayo in casharkii maalintaas uu noqday qasaaro sida qoraalkaadi u dambeeyay oo lahaa cinwaan cay ah oo qaldan oo aad naceysid intaadan aqriskiisa bilaabin “Ahlu Sun Wal-Jabaljaan”.

Sidaan horey u sheegay qoraalka waa in uu lahaada fariin aqrista ka faa’ideesta iyo adaab iyo aqlaaq ayadoo sidaas tahay ayaa qoraalkaada waxuu ku saabsanaan arrin DIIN ISLAAM ah, markeey arrinta diin noqoto waa in taxaddir heer sare lahaataa sababtoo ah haddaan Muslim nahay waxaan aamin sannahay in gudbinta diinta ciyaar ciyaar ahayn iyo wax la fududeysto oo waxii sax ah uu ajir kuugu jiro oo waxii qalad ka imaan lahaa lagu deg degin, haddana dadka aad wax ka sheegeysid waan in aad xaqiijisid in warkaas ayaga ka yimid, haddaba in qodobka laysku haysto ka fogaanin iyo in aad iska ilaalisid fikirkaada ku darted iyo mala awaal oo aad iska qiyaastid.

Haddaan kuu bilaabo ula jeedada qoraalkeyga waxeey tahay in marka u horeyso erayga “JABALJAAN” uu yahay eray lagu oran jiray dadka qamriga dilooday oo u hooyan jiray jamalada badda ku yaalo oo habeenki oo idil meeshaas alkoolka iyo sbiritka ama qamriga ku cabbayaan gabdhaha meesha mara ku kufsada.
Marka waxaan qaadan waayey Cabdiwaaxidoow in aad cinwaanka ka dhigtay magaca urur isku magacaabo Islaam oo la yiraah Ahlu Sun Wal- Jameeca” in aad badashid oo aad ka dhigtid Ahlu Sun Wal-Jabaljaan, waxaa meeshaas igaaga caddaaday in ururkaas oo eey ku jiraan dad badan oo culumo kala heer gadisan ku jiraan in aad u quurtay ereygaas qamriyo cabka ah oo ah JABALJAAN.

Aniga haddaan dhaho Cabdulwaaxid jabaljaan waxaan caayey adiga kaliya laakiin adiga oo urur dhan aan qabiil ahayn, siyaasad ahayn, degaan ahayn oo diini ah oo eey ku jiraan dad diinta u adeegaayo aad adiga xukuntay oo aad siisay magacaas oo cayda ah. (Allaha kaa cafiyo).
Intaas waa inta ku saabsan cinwaanka qoraalkaada.

Waxaad tiri Maxamed Dheere waxuu sheegtay in uu yahay Ilaahay (Istaaqfurulaah), waxaad kaloo sheegtay ururkii diineed aad ka hadleysay waxaa tiri waxuu sheegtay in uu yahay Ilaahay (Istaaqfurulaah).

Qofkasto oo Muslim ah oo ku hortaagan oo aad dhihi lahayd waxaad sheegatay in aad tahay Ilaahay asagoona dhihin, qofkaas iyo adiga ma garanaayi sidaad ku kala bixilaheedeen.
Cabdiwaaxidoow sidee ahayd markaad qoraalkaas qoreysay???????

Qofka Muslimka ah haduu ka hor yimaado aayad Qur’aan ah, waa banaantahay in la qabsado laakiin qof aayad Qur’aan ah wax ka sheegin sidee ugu eedeyn kartaa in uu sheegtay Ilaahanimo???????????
Xijaabka waa waajib oo manta hadii Maxamed Dheere mabnuuci lahaa xijaabka arrintaada iyo doodaada waan kuugu raaci lahaa, laakiin Indhashareerka waajib ma ah waa qofkii rabo, sidaad caddeysay Indhashareerku qofkii yiraahdo waxuu ka mid yahay xijaabka waxaa laga rabaa daliil.

Waxaan is weydiiyay Soomaalida waayahaan dambe markeey diin ka doodayaan maxeey u adeegsadaan erayo xag jir ah oo qallafsan oo aad iyo aad u adag, maadaama dooda eey tahay dood diineed maxaa noo diiday in aan isku naxariisano oo si qof walba aqoontiisa kal gaceyl ku jira wax laysku fahan siinwaayey maxaa loo adeegsadaa erayo qofka afkiisa aan laga haynin oo lagu tilmaamaa in uu Fircoon yahay.
Diinteean mar weey fudutahay oo waa war toosan oo aan dood ku jirin sida 2 + 2 = 4, marna waa la fasiraa waxaana fasiraada lagu duwa naanjiray xataa afartii Imaam oo Fiqiqa fasiray weey kala fasiraad duwanayeen marka qofka fasiraadiisa in loo fasiro si xun oo lagu sheego wax uu afkiisa ku oran ama ku fikirin in lagu xukumo sida Cabdiwaaxid xukunkiisa ku xukumay ururkii iyo Maxamed Dheere sheegteen in eey Ilaahay yahiin. (Istaaqfurulaah).

Midda kale oo aad iyo aad ugu calool xumaa qoraakaada waxuu ahaa wax aad noo kordhisay aan cay aheen ma jirto, inti Maxamed Dheere sheegay iyo inta uruka aad cayday sheegeen wax ka baxsan ma aadan sheegin oo diini ah laakiin waad iska caytantay adigoo ku darsaday sheeko xariir iyo qodobo aan meesha oolin aad kaliga durbaanka u garaacatay.

Maxamed Dheere waxuu mabnuucay Indhashareerka asagoo ku mar marsiyoonaayo nabadgelyada waxuuna ku tiirsaday mabda’a Imaam Shaafici oo dhahaayo wajiga cawra ma aha, waxuuna raali ka yahay in mowqifkiisa baddelaayo hadii daliil loo keeno oo go’aankaas ka soo horjeedo dinta Islaamka. Bal u fiirso ninka sidaas u hadlay siduu ninkaas Ilaahay ku sheegtay? Meeshuuna ku yiri?….. bal soo cadeey?
Adiga waxaad caddeysay in daliil aadan haynin oo go’aankaas jibinaayo laakiin waxaad tiri anigana kuugu raacsanahay in Maxamed Dheere ka qaaday xorriyadda dumarka indha daboolan lahaayeen taasna danbigeeda asaga masuul ka ah laakiin taas micnaheeda ma aha in uu Ilaahay sheegtay (istaaqfurulaah)
Ururkii diineed aad meel cidla ka eedeyneysay waxeey yiraahdeen dadka ku deg degaayo in eey yiraahdaan Maxamed Dheere diinta ayuu ka baxay yaana lagu deg degin oo daliil looma haayo Indhashareerka qofkii kohor yimaado in la yiraahdo diinta ayuu ka baxay. Adigan waxaad tiri ururkaas Ilaahay ayeey sheegteen (Istaaqfurulaah).

Sow ma ogid in kulligeen isku meel wax u wadno oo ah fahanka diinta oo waxii mugdi naga gala si wanaagsan loo tafatiro loo bandhigo loona caddeeyo waxii laysku afgartana oo loo badan yahay laysku ixtiraamo.

Sow ma ogid diinta in eey u baahneyn in dad loo dilo ama dhiig loo daadiyo Maxamed dheere xorriyadda dadka uu ka qaaday oo diinta aadka ugu qushuucsan asagaa masuul ka ah ama aaqiro ama adduun xisaabtankiisa wey sugeysaa laakiin ma aha sideey dad yiraahdeen diinta ayuu ka baxay iyo sida adiga aad sheegtay oo uu Ilaahay sheegtay.

Dadka yiri Maxamed Dheere diinta ayuu ka baxay waa dad fasax u qaadanayaan sideey nafta ugu jari lahaayeen ayagoon daliil haysanin.

Adigana iska daa xukunkii aad Maxamed Dheere saartay oo dhiigiisa ku xalaaleysatay waxaad kale xukun saartay urur diineed oo tiradiisa Ilaahay ogyahay ayaa ayagana dhiigooda dhan xalaaleysatay.
Warkeyga waxaan ku xirayaa Cabdiwaaxid waad ku qaldantahay waxuuna sheegananin ama falkeeda sameeyn in aad ku tilmaamtid Maxamed Dheere.

Qolyaha kale ee Culimada Ahul Sun Wal-Jameeca waxaan u maleynayaa in caydooda bilawday intaad qoraalka bilaabin marka waxaan ilaa iyo hadda isweydiinayaa ma arin hore maa jirta??????

by: Nuur Suufi
email: nuur_suufi@hotmail.com

<><><>