Talo iyo tusaalayn ku saabsan Video-ga fadlan ku hagaaji:
Cabdishakuur Cali Mire

London Uk.
shakuur111@hotmail.com

• Haddii aan computerka kuugu jirin Real Player Kasoo Rogo halkan... (Real)

• Haddii aad u baahatid MediaPalyer kasoo rogo halkan.. (Microsft)

Afeef: Muusiqa ka horeeya dooda waxaa mas'uuliyadeeda leh TV-ga duubay.

---

Shirweynihii Golaha Midnimada Soomaali Weyn oo  ka dhacay Galbeedka Magaalada London.

Waxaa  maalinkii ay  taariikhdu aheyd 31/5/2005 ka dhacay galbeedka magalaada London shir sanad le ah oo  uu Goloha Midnimada Soomaali Weyn sanadkiiba mar qabto,  waxaana shirkaan ka soo qeybgalay qaar ka tirsan xubnaha golaha, guddiga fulinta, iyo marti sharaf kale oo shirka lagu martiqaaday.

 

Shirka oo sacdey saacado badan yaa waxaa laga soo jeediyey khudbooyin iyo doodu ku wajahnaa xaaladda siyaasaddeed ee geeska afrika waxaana si gaar ah tooshka loogu ifiyey dhibaatooyinka ka taagan dalka Soomaaliya oo uu shirku ku tilmaaamay mid murugsan.

 

Dr: Cabdi Caydiid Xiireey oo ah gudoomiyaha Golaha Midnimada Soomaali weyn ayaa furitaankii shirkaas khubad uu ka jeediyey waxaa uu war bixin dheer u soo jeediyey ka qeybgalayashii shirka asagoo faah-faahin ka bixiyey ujeeddooyinka golaha midnimada somali weyn iyo wixii u qabsoomay mudadii ay jireen, wuxuuna ku nuux-nuuxsadey sida ay uga go`an tahay golaha uu madaxda ka yahay inay sii wadaan siyaasadda ay ku baadi goobayaan in la helo Midnimo Soomaaliyeed iyo in  ummadda Soomaaliyeed laga badbaadiyo hagardaamooyinka shisheeyuhu u maleegayo.

 

Waxaa sidoo kale ayaguna shirkaas  khudabado iyo xog waran kala duwan  kasoo jeediyey xubno ay ka mid ahaayeen Axmed Sheel, Sheekh Cumar Dheere, Maxamed Mukhtaar iyo xubno kale oo   waxayna  dhamaantood  diiradda ku saareen hadaladii ay kasoo jeediyeen shirka  xaaladda siyaaasaddeed ee geeska afrika iyo danaha dowladaha ku xeeraan Soomaaliya oo shirku isla gartay in mushkilada Soomaaliya ka aloosan ay tahay mid ay hurinayaan dowladdaha Jiiraanka la ah Soomaaliya oo ayagu aaminsan Soomaaliya oo qaranimadeedii dib ula soo noqota inay khatar ku tahay jiritaankooda.

 

 Qodabadii sida gaar ka ah  uu shirku uga dooday  ayaa waxaa  ka mid ahaa. 

qodobadaas iyo kuwo kale ayey ahaayeen qodobashii looga doodey shirkii Golaha Midnimada Soomaali Weyn ee ka dhacay magaalada London.

 

gebagebashii shirkaas ayaa waxa khudbad gunaanad ah ka soo jeediyey Gudoomiyaha Golaha Midnimada Soomaali weyn Dr: Cabdi Caydiid Xiireey oo asagu mahad naq ballaaran u soo jeediyey ka soo qeyb galayaashii shirka asagoo amaan gaar ah ujeediyey xubnihii ka hadlay shirka iyo mowduucyadii ay ka hadleenba.

Dr: Cabdi Caydiid waxaa uu sheegay in uu Golahoodo mowquf ahaan diidan yahay in dalka Soomaliya la keeno ciidamao shisheeye wuxuuna cambaareyey madaxda iyo shaqsiyaadka ka shaqeynaya in dalka la keeno ciidamo shisheeye, Dr: Cabdi Caydiid waxaa uu ku celceliyey in Golahoodu ka shaqeynayo in maxakamad caalami ah lasoo taago dambiilayaashii shacabka Soomaliyeed baday dhibaatada ay maantay ku sugan yihiin, wuxuuna sidoo kale Dr: Cabdi Caydiid  intaas ku daray in Golaha Midnimada Soomaali weyn uusan ka daaleyn raadinta Soomaali weyn iyo in  la badbadaaiyo jiritaankii Jumahuuriyadda Soomaaliya.

Ugudambeyntii Dr: Cabdi Caydiid waxaa uu shacabka Soomaaliyeed u rajeeyey nabad iy baraare  ay  sanadkaan kiisa kale ku  gaaraan ayadoo ummadda Soomaaliyeed ku sugan tahay xaalad ka duwan midda ay maantay ku sugan tahay oo ah xaalad muragsan loona baahan yahay in qof kasta oo damiir leh ka dhidhiiyo. 

 

Guud ahaan shirkaas ayaa waxaa ku dhamaadey jawi wanaagsan iyo is afgarad dhamaan qodoabadii looga doodey.

 

Cabdishakuur Cali Mire

London Uk.
shakuur111@hotmail.com