Kalfadhigii
16 ee Golaha Baarlamaanka Puntland oo Garoowe si rasmi ah uga furmay,...
...Qodobada looga doodayo waxaa ka mid ah
Khayraadka dabiiciga Puntland...
kalfadhigii golaha
baarlamaanka puntland ayaa sabti June 17, 2006 si rasmi ah
uga furmay caasimada dawlad gobaleedka puntland ee Garoowe,
kalfadhigaan ayaa waxaa si rasmi ah u furay madaxwayne ku
xigeenka ahna sii hayaha xilka madaxwaynaha puntland Xasan
Daahir Afqurac, u jeedada furitaanka kalfadhiga
baarlamaanka ayaa waxaa ka mid ah ansixinta heshiisyo badan
oo ay horay dawladu ula gashay shirkado shisheeye iyo kuwa
wadani ahba.
Heshiisyada la rajaynayo in
si wayn looga doodo ayaa waxaa ka mid ah xisaab xirka
dawladda Puntland ee sannadka 2006, xeerka caasimadda DGPL,
xeerka xadaynta degmooyinka & gobollada Puntland, wasiirrada
aan ansaxsanayn, lacagaha la soo daabacay ee cusub,
khayraadka dabiiciga ah ee Puntland iyo xeerka xisbiyada
badan.
Si kastabaha ha ahaatee
kalfadhigan ayaa la rajayanayaa in uu si wayn uga doodo
qodobadaas waxaana ugu danbaynta qalinka lagu duugi doonaa
inta uu baarlamaanku isla ogolaado iyada oo sidoo kalena la
tuuri doono inta uusan baarlamaanku ansixin lagana yaabeee
in dib loo saxo.
Xeerka caasimada Puntland
ee Garowe ayaa ah mid in badan laga dhursugayay tan iyo
markii la asaasay Puntland, 1998 ayaa lagu cadeeyay kulankii
lagu dhisay puntland in caasimada puntland ee Garowe ay
yeelan doonto xeer u gaar ah taasi oo ka gaar ah dalka
intiisa kale hase ahaatee wali xeerkaas lama soo hordhigin
golaha baarlamaanka. Kulan ay isugu yimaadeen golaha
wasiirada puntland ayaa lagu ansixiyay xeerka caasimada
puntland in kasta oo aan golaha wakiilada wali la soo
hordhigin xeerka ayaa ah mid ahmiyad gaar ah siinaya
caasimada puntland maadaama ay caasimadu tahay halka ay
dawladu ka hawgasho ayna tahay isha muraayada dawalada
caasimada puntland ayaan iyadu lahayn garoon diyaaradeed
kadib markii uu si wayn u burburay garoonkii hore ee
casimada puntland ee garowe walina looma hawlgalin mid cusub
isku dayo badan loo lagu hawlgalin lahaa garoon cusub ayaa
ku dhamaaday fashil.
Madaxwayne ku xigeenka
puntland xasan daahir afqurac oo ka hadlayay kalfadhiga
baarlamaanka ayaa ku nuux nuuxsaday ansixinta sharciyadan
cusub sidoo kalena waxa uu madaxwayne ku xigeenku sheegay
in arrimaha ka socota muqdisho aan loo hanqaltaagin cidii
isku daydana in ay puntland ka abuurto qalalaanso lala
tiigsan doono sharciga waxa uu madaxwane ku xigeenku sheegay
in iminka puntland ay ka jirto dawlad ay shacbigu soo
doorteen isla markaana aan loo baahnayn in la xidho
shaatiga ay xidheen kuwa xamar joooga waxa uu intaas ku
daray in aysan waxba ka duwanayn qolyahan iminka sheeganaya
kooxihii horay xamar uga jiri jiray oo ay isku meel marayaan.
Maruu ka hadlayaya amaanka
puntland xasan daahir afqurac waxa uu sheegay in amaanka
puntland uu marayo meel aad u saraysa si wayna ay dawaldu
gacan bir ah ugu qabatay waxana uu cadeeyay in aan la
ogolaandoonin fawdo kasta lagana hortagi doono.
kalfadhigan waa kii 16 ee
golaha baarlamaanka puntland u furmay tan iyo markii la
asaasay waxana uga duwan yahay kuwii hore ayaa waxaa ka mid
ah heshiisyada lalagalay shirkadaha shisheeye iyo sidii
looga doodi lahaa ansixintooda ama diidistooda.
c/rizak koronto
Garowe puntland
koronto_65@hotmail.com
Faafin: SomaliTalk.com |
June 17, 2006
| 
Daabaco
Boggan | Print