1. Aqalku waa aqal sharciyo mutaxan leh, caruurtuna waa in ay sharciyadaa sidooda u fuliyaan hadii ay fulinwaayaana waxa ay mutaystaan ciqaab, ciqaabtaasina inta badan waa garaac iyo gacan.

2. Aqalkan, caruurta lama baro faa’idada ku jirta amarrada waalidkood iyo ujeedada ka danbaysa amaradaas waalidka. Wixii la faro waa in ay sidooda u fuliyaan hadii kale………

3. Qoyskan ilmuhu dareenkiisa ma cabiri karo, haduu cabirrana waalidku ma dhagaysto.

4. Hanjabaada iyo laaluushku waa hababka uu waalidkani u adeegsado edbinta caruurtiisa.. Waalidka aqaldan hadaladooda waxaa ka midda “aabo hadaad tukato “salaada” waxaan kuu iibin waxaasl”, “hadaad xijaabka qaadan waydo waa lagu garaaci ” iwm.

5. Aqalkani waa aqal sababta ay caruurtu wanaag u sameeyaan ay tahayj baqdin amaba laaluushka uu waalidku bixinayo.

6. Gaaricstu waa calaamadaha edbinta caruurta qoysaskan. Qalad hadii ilmuhu galo waxa lagu abal mariyaa dhengad (ul) amaba gacanta waalidka.

1. Garaacida iyo hanjabaadu waxa ay dhaawacdaa xidhiidhka uu waalidku la leeyahay caruurtiisa. Aqalkan xidhiidhka uu waalidku la leeyahay caruurtiisi waa mid awoodeed. Caruurtu sababta loo garaacayo ama loogu hanjabayo uma fahmayaan in ay tahay wanaagooda, waxay u fahmayaan in loo awood sheeganayo. Sidaa daraadeed waxa laga yaaba (sida ay yidhaahdaan culimada tarrbiyadu) in ay cuqdad ku abuurto ilmaha. Ilmuhu waxa uu waalidkii u arkayaa caddow in laga aargoosto ay tahay. Sidaa daraadeed tarrbiyada noocan ahi waxa laga yaabaa in ay dhaawacdo jacaylka ay caruurtu u qabi lahaayeen waaldikood.

2. Tarrbiyadani waxa ay carruurta bartaa in midba midka uu ka awood roonyahay uu u awood sheegto. Sidda isagaba ay waalidkiis ula dhaqmeen ayuu isna ula dhaqmi ilma kasta oo uu arko in uu ka awood waynyahay haba noqoto kuwa isaga la dhashaye. Tarbiyadani waxa ay ilmaha bartaa in dagaalku yahay habka kaliya ee lagu xaliyo khilaafaadka.

3. Ilmaha siddan loo soo tarbiyadeeyo waxaa fududaadta in uu dabagalo cid kasta oo ka awood rooon. Iskuulka marka u joogo waxa fuddud in uu sameeyo waxa ay rabaan ciyaalka ka awooda wayni. Tani waa khatar khaastana wadamada aan ahayn Muslimiinta ee iskuulku uu yahay meel caruuro badani ay la yimaadaan akhlaaqiyaad aan agteena ka wanaagsanayn. Sababaha ay carruurtu darooogada iyo akhlaaq xumadda u bartaan waxaa ka midda in ayana iska caabin karin kuwa akhlaaqiyaadkaa baraya oo inta badan ah kuwo ka awood roon.

4. Garaacida iyo hanjabaadu wadamada galbeedka waxa ay sababi kartaa in caruurta ay dawladu aqalada waalidkood ka kaxayso. Wadamadeenii hadii ilmaha la dhangadeeyo mujtamacu uma arkayn in ilmaha xuquudiisii lagau tuntay laakiin dhulalkan ay Soomaalidu qaxootiga ku tahay dhangadayntu waxa ay marar badan u soo jiidaa waalidka dhibaatooyin ay ka mid yihiin xadhig amaba in ilmaha iyo waalidkii la kala kaxeeyo.