Ra'iisul Wasaare Shirdoon oo soo Eegey Xaalada Nolosha ee Maxaabiista
Xabsiga Dhexe ee Xamar
 Waxaa maanta Xabsiga dhexe Magaalada Muqdisho Booqdey Raiisul Wsaaraha
Dowladda Federaalka Cabdi Faarax Shirdoon Saacid oo ay weliyaan Masuuliyiin ka
tirsan wasaarada cadaalada iyo Garsoorka , wuxuuna Kormeerkaasi ahaa mid uu
Raiisul Wsaaraha ugu Kuur galayey Xaaladda Xabsiga Dhexe ka dib markii dhawaan
ay Xabsiga Dhexe ay ka soo yeertey Qayla dhaan la Xiriirta Xaalad Caafimaaddaro.
Raiisul WAsaaraha ayaa markii uu Xabsiga Dhexe ee Xamar Booqdey waxaa uu u
kuurgaley Xaalada Maxaabiista , Dhismaha Xabsiga , Xaalada Ciidamada Asluubta ka
dib waxaa uu warbxin ka dhegeystey Saraakiisha maamusha Xabsiga Dhexe oo ka
warbxiyey Xaalada Maxaabiista qaabka ay tahay Noloshooda gaar ahaan dhinaca
Caafimaadka iyio Mida Cuntada.
Xabsiga oo ay ku jiraan 1700 oo Maxbuus waa tiro aad u badan oo Xiligaan aan
Xamili Karin Xabsiga dhexe oo la dhisey Sannadkii 1910 kii waxayna Masuuliyiinta
wasaarada Garsoorka iyo Saraakiisha Xabsiga isla qireen in Xabsiga Dhexe ay
haysato daruuf aad u daran waxayna Dowladda Federaalka ka Codsadeen in lala soo
gaaro Caawinaad Dhinaca Maxaabiista iyo mida Dhismaha
Raiisul Wasaaraha oo si weyn u eegey Cuntada laga Kariyo Xabsiga Dhexe
islamarkaana mid mid u Wareystey Maxaabiista ku jirta Xabsiga Dhexe ayaa waxaa
uu sheegey in ay Dowlada wax badan ka qaban doonto Xaalada Xabsiga Dhexe gaar
ahaan Dhinaca Cunta iyio Caafimaadka waxaana uu kormeerkaan uu yimid Xili ay
Cabasho weyn ay ka soo yeertey Saraakiisha Xabsiga Dhexe
Xasan Shiikh, Saacid
iyo Jawaari soo Fiiriya Xabsiga Dhexe
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | March 16, 2013
| 
Daabaco
Boggan | Print
