SOMALITALK.COM XAYAYSII
w w w . S o m a l i T a l k . c o m
SOMALITALK - WARAR

Barnaamijkii Radio Xoriyo
06 January 2006
 
Ogaadeenya: Dagaallo cadowga lagu jabiyay.
 
Sharikada Yara oo qandaraas weyn ka heshay Meles.
 
 Madaxii mucaaradka oo la diiday in damiin lagu sii daayo.
 
Dagaallo Bakool ka dhacay oo Itoobiya ku lug-lahayd.
 
Barnaamijkii Xg-Warran(Dareenka Deeq Bixiyayaasha & Dabagalka Deeq qaatayaasha).
 
======================   
 
Dagaallada u dhexeeya ciidammada xoreynta Ogaadeenya iyo kuwa gumaysiga Itoobiya ayaa si joogta ah uga dhaca dhammaan geyiga Ogaadeenya, waxaana dagaalladaas ugu denbeeyay kuwan soo socda;
 
08/12/05 dagaal ka dhacay meesha lagu magacaabo Dhanqo oo Fiiq ka tirsan, waxaa cadowga lagaga dilay 2 askari, 3 kalana waa lagaga dhaawacay.
 
15/12/05 dagaal ka dhacay Gurdumi waxaa cadowga lagaga dilay 5 askari, 3 kalana waa lagaga dhaawacay.
 
17/12/05 waxaa weerar lagu qaaday kolonyo baabuur ah oo cadowgu leeyaha, kuwaasoo marayay Daratoole, oo gobolka Doollo ka tirsan, waxaana weerarkaas lagu dilay 18 askari, 21 kalana waa lagu dhaawacay.
 
18/12/05 Araweelo, oo gobolka Doolka Doollo ka tirsan, dagaal ka dhacay waxaa cadowga lagaga dilay 17 askari, 19 kalana waa lagaga dhaawacay.
 
20/12/05 Dhiya, oo Dhagaxbuur ka tirsan, waxaa dagaal ku dhex-maray ciidammada gumaysiga Itoobiya, ka dib markii ay amarka kala qaadan waayeen, waxayna halkaas iskaga dileen inta la ogyahay 10 askari.
 
20/12/05 Siraa-Gole, oo Fiiq duleedkeeda ku taalla, dagaal ka dhacay waxaa cadowga lagaga dilay 2 askari, 3 kalana waa lagaga dhaawacay.
 
20/12/05 dagaal ka dhacay magaalada Xamaro waxaa cadowga lagaga dilay 4 askari, 5 kalana waa lagaga dhaawacay.
 
23/12/05 Bulxan, oo Dhagaxbuur ka tirsan, waxaa cadowga lagaga gubay hal baabuur, waxaana ku dhintay kornaylkii xukumay ciidammada Dhagaxbuur iyo 3 askari oo kale. Waxaa sidoo kale ku dhaawacmay 3 askari.
 
24/12/05 Huuraale, oo Dhagaxbuur ka tirsan, waxaa cadowga lagaga gubay baabuur Uuraal ah, isaga iyo wixii saarnaana waxba kama bixin. Waxaa sidoo kale halkaas ku banjaray baabuur kale oo midka la gubay daba-socday, kaasoo badhtanka u fadhiistay holaca baabuurkii ka horreeyay. Baabuurkan denbe, isagoo dhaawac xun soo gaadhay ayaa halkaas laga jiiday.
 
27/12/05 Garasley, oo Nogob ka tirsan, dagaal adag oo muddo dheer socday ayaa ka dhacay, waxaana halkaas cadowga lagaga dilay 45 askari. Inta la ogyaha waxaa ka dhaawacantay 35 askari.
 
30/12/05 Yucub iyo Qamuuda dhexdooda waxaa cadowga lagaga gubay baabuur Uuraal ah, waxaana halkaas ku bas-beelay baabuurkii iyo wixii saarnaa.
 
Sharikada Yara oo qandaraas weyn ka heshay Meles.
 

Yara Prize to Prime Minister Meles Zenawi

Ururka Ethiopian-Americans for Democracy ayaa Aug 19, 2005 waxay warqad cabashado ah u direen madaxweynaha jaamacada Columbia University ee ku taal magaalada New York, USA, warqadaas oo ay ku muujiyeen sida ay uga xun yihiin in bilada la sheegay in shirkadda YARA (NORWAY) ay siineyso Zenawi in ay lug ku leeyihiin Profosooro ka tirsan Jaamacadaas. Waxana ay qoraalkooda ku xuseen in Profosoor katirsan jaamacaadaas uu magaalda Oslo, Norway billada ku guddoon siin doono Zenwi, sidoo kale waxay qoraalka ku xuseen in profosoor kale oo jaamacdaas ka tirsan uu xubin ka yahay guddiga gudiga shirkada YARA ee bilada bixinaya. Waxayna Jaamacada ugu baaqeen in ay magaceeda lug kuyeelan xaaladaas magac xumada ah. Waxaa biladaas la sheegay in Zenawi lagu gudoon siin doono magaalada OSLO September 3, 2005.

Ururka Ethiopian-American for Democracy waxa ay xuseen sida uusan Zenawi ugu qalmin in billad noocaas ah la siiyo, ayagoo xusay in doorashadii May 15, 2005 ee ka dhacday Itoobiya markii ay dadweynuhu u codeeyeen diidmo qayaxan oo ay ku diideen xusunka Zenawi, in uu dalka kusoo rogey amar degdeg ah. Waxa kale oo ay xuseen in June 8  uu Zenawi amar ku bixiyey xasuuqii 36 qof oo si nabad ah ugu mudaharaadayey Addis Ababa. Guji Halkan....:

SHIRKADA YARA:::: waa  shirkad reer Norway oo samaysa waxyaabaha lagu bacrimiyo beeraha ee loo yaqaan (Fertilizers) loogu talo galay in dhirtu ku kobcaan.

Also Read:
Update from Anti-Yara Award Commette.

MUDAHARADAKII NORWAY
Saddex bilood oo kaliya ka dib markii ay shirkada bacriminta dhirta ee Yara oo laga leeyahay dalak Norway ay siisay keligii taliye Meles Zenawi abaalgudkii khilaafka wayn dhaliyay, kaasoo ay sheegeen inay ku siiyeen maamul wanaag, ayaa hadda sharikada Yara waxay nasiib u heshay qandaraas muhiim ah oo ay ka heshay Itoobiya.
 
Qaybo ka mid ah qandaraaska waxay sharikada Yara heshay, ka dib markii la sheegay inay ku guulaysatay tartan qandaraaskaas loo galay bishii disember ee sannadkii hore. Qandaraaskan wuxuu qiimihiisu gaadhayaa 14.2 milyan oo doollarka maraykanka ah.
 
Sharikada Yara waxay qandaraaskan heshay, ka dib markii ay seddex bilood ka hor keligii taliye Meles Zenawi siisay abaalgud qiimihiisu gaadhayo 200.000 oo doollarka maraykanka ah. Abaalgudkan ayaa si wayn loo dheleeceeyay, waxaana sharikada Yara lagu eedeeyay inay abaalgudkaas laaluush uga jeeday, isla markaana ay doonaysay in qandaraaskan la siiyo.
 
Ururrada caalamiga ah ee sharikada Yara abaalgudka ay Zenawi siisay ku canbaareeyay waxaa ka mid ahaa ururka xuquuqda aadanaha daneeya ee Amnesty International, oo canbaarayntiisa sabab uga dhigay xaaladda xuquuqda aadanaha ee Itoobiya oo ah mid aad u liidata, isla markaana ay xukuumadda Zenawi si wayn ugu tumato xuquuqul insaanka.
 
Sharikada Yara waxay siin doontaa aaladaha bacriminta dhirta iyo daaqa laba shirkadood oo xukuumadda leedahay oo u qaybin doona beeralayda gobolka Orormada, iyadoo aaladahan bacriminta ah loo adeegsan doono cadaadis siyaasadeed oo la saaro beeralayda Oromada ah.
 
Cilmi baadhe ka tirsan Jaamacadda Oslo, oo ku takhasustay arrimaha Itoobiya oo u warramayay saxaafadda Norway ayaa sheegay in xaalada Itoobiya ay aad u qasan tahay, intii abaalgudka la siiyay Meles Zenawina la xidhxidhay 40,000 oo mucaarad ah, kuwaasoo wali jeelasha lagu hayo. Wuxuu kaloo tilmaamay sida ay beesha caalamku uga biya-diidsan tahay siyaasada Zenawi, isagoo  farta ku fiiqay in Midowga Yurub uu joojiyay adduun gaadhaya 375 milyan oo doollar oo uu Itoobiya ugu deeqi lahaa.
 
Madaxii mucaaradka oo la diiday in damiin lagu sii daayo.
 
Maxkamada fadaraalka Itoobiya ayaa arbacadii diiday codsigii madaxda mucaaradka iyo suxufiyiinta xidhxidhan ee ahaa in damiin lagu sii daayo. Maxkamddu waxay diiday in lacag lagu damiinto 129 qof oo isugu jira madaxdii xisbiga mucaaradka ah ee CUD, suxufiyiin iyo dad u dhaqdhaqaaqa arrimaha xuquuqul insaanka, oo loo haysto denbiyo ay ka mid yihiin khiyaamo qaran, gumaad iyo denbiyo kale oo khatar ah.
 
Dadkan ayaa intooda badan xabsiga ku jiray tan iyo billowgii bishii Nofember eek al hore, waxaana la qaqabtay markii ay dhaceen shaqaaqooyinkii ka dhashay musuqmaasuqii ay xukuumaddu ku samaysay doorashadii May.
 
Madaxda CUD ayaa iyaguna dhinacooda sheegay inayna maxkamadda aqoonsanayn, waxayna xukuumadda ku eedeeyeen inay u samaysay denbiyo ayna galin oo beenabuur ah.
 
Dagaallo Bakool ka dhacay oo Itoobiya ku lug-lahayd.
 
Wararka ka imanaya magaalada Xudur ee Gobolka Bakool ee dsalka Soomaaliya ayaa sheegaya in dagaalladii ka socday deegaanka Tiyeglow ee Gobolka Bakool ay ka dambeyso xukuumadda keligii taliye Meles Zenawi.

Dagaalkan oo u dhexeyay labo beelood oo wada dega Gobolka Bakool ayaa geystay khasaaro isugu jira naf iyo maal, wuxuuna dagaalkaasi ku faafay dhammaan dhinacyada deegaanka Tiyeglow ee Gobolka Bakool.

Mid ka mid ah beelihii isku heystay deegaanka Tiyeglow ayaa xukuumadda Itoobiya ku eedeysay inay hub iyo saanad millatari soo siisay beeshii kalee ay is-hayeen, wexayna beeshaasi xukuumadda Itoobiya u soo jeedisay inay faragalinta ka dayso deegaanka Tiyeglow ee Gobolka Bakool.

Mana aha markii ugu horraysay ee xukuumadda Itoobiya lagu eedeeyo inay hub sharci darro ah soo galiso dalka Soomaaliya. Warbixino badan oo hay’ado caalami ahi sameeyeen ayaa lagu sheegay in Itoobiya hub soo galiso dalka Soomaaliya, isla markaana isku hubayso kooxaha soomaaliyeed ee xurgufaha siyaasadeed ka dhexeeyaan.
 
 Radio Xoriyo
 06 January 2006.
Axmed Gaal-Eri
 
Info@radioxoriyo.com
raadioxoriyo@yahoo.com
Radio Xoriyo waxaad ka dhegaysan kartaa Mawjadda 31 MB ee dhererkeedu yahay 9820 KHZ, Maalmaha Talaadada iyo Jimcaha 7: 30PM waqtiga Afrikada Bari

Faafin: SomaliTalk.com | Jan 6, 2005

Ciidamada Itoobiya oo Magaalada Adis-Ababa ku xir xirey dad soomaali ah..
»Isbaaradii Isgoyska Bakaaraha oo dib loo soo celiyey..
 »Max’ed Dheere oo Jowhar ku martigelinaya kulan....
 iyo Warar GooGoos ah ka akhri halkan.... Guji... Jan 2, 2006

Kumanaan Soomaali ah oo Bannaanbax ku Dhigay Columbus, Ohio.
 USA: Bannaanbaxa oo Soomaalidu ku muujinayeen sida ay uga xun yihiin dilkii marxuum Naasir Cabdi oo... Guji Dec 31
 

Kulaabo bogga  www.SomaliTalk.com 
© www.SomaliTalk.com

Dr Galaydh"Arrintan argagixisada ee markale la wadwado (la hadal hayo), Soomaaliya kama jiraan kooxo argagixiso ah, arrintan waa mid la dhoodhoobeen kuwa u malaynaya in ay isku maldahaya 'la dagaalanka argagxisada,' si loo maqlo oo loo taageero. Soomaalidu waa dad Muslim ah, Waxaana ku faraxsanahay in aan nahay dad Muslim ah. Haddii ay jiraan Argagixso, Ciidamada Maraykanka ee jooga Jabuuti, Nairobi iyo Muqdisho qudheeda ayaa heli lahaa. Sidaas daraadeed waxaa haboon in inta la hawl galo, la isku dayo in dadka la hawlgeliyo oo xaqiiqo ahaa la keeno wax ka bedelan xaalada hadda jirta ee laga yaabo in ay dad ka fa'iidaysanayaan." Sidaas waxaa yiri Cali Khaliif Galayr | Dhegeyso:  Dec 8, 05 Dr Elmi Duale"Waxa uu sheegay (Galaydh) in aan argagixiso jirin (Soomaaliya), laakiin waa jiraan. Waa la xaqiijiyey, waa ladaabacay. Koox qaramada Midoobey aha ayaa soo saartay warbixin - waxaa jir warbixin qaramada midoobey oo shegeysa in ay argagxiso ka jirto (Soomaaliya). Taas waxaa ka horeysey Markii la qarxiyey safaaradaha Maraykanka ee Kenya iyo Tansaaniya iyo markii la qarxiyey Hotelkii Mombasa, waxaa la muujiyey in qaar kamid ah kuwii ka dambeeyey falalkaas in ay soo mareen Soomaaliya ama waxay ku carareen Soomaaliya. Sidaas daraadeed waxaa jira cadaymo ku filan." Sidaas waxaa yiri Wakiilka Soomaaliya u fadhiya Qaramada Midoobey Ambassador Dr. Elmi Ahmed Duale | Dhegeyso:: Dec 8, 05 "Wadanka (Soomaaliya) waa ubucda ay ku kobcaan argagixisada caalamiga ah" sidaas waxaa yiri Cabdullahi Sheekh Ismaaciil oo ah Wasiirka Arrimaha Dibadda ee Dawlada Federaalka KumeelGaarka ah ee Soomaaliya, isagoo sida warku u dhigay, Soomaaliya ku eedeeyey in ay Xarun u Tahay Ururada Argagaxisada, sida ay qortay AFP, oo intaas ku dartay in wasiirka Arimaha dibada ee Soomaaliya uusan faahfaahin magaca, tirada iyo nooca xarunta argagxisada ee ka jirta dalkiisa, waa sida warku u dhigaye. Soomaaliya oo ah dal ku yaal bariga afrika oo 14-kii sano ee ugu dambeysey aan lahayn dawlad si rasmi ah u shaqaysa, ayey tiri AFP AKhri Halkan:::: Aug 26,05 menkhaus.jpg (26533 bytes)"Waa in aynaan kuxiraan in aan akhbaarta keliya ka qaadano Itoobiya kuwaas oo inkasta oo ay saaxiibadeen yihiin haddana waxay wataan qorshe iyaga u gaara oo aan caddayn, waxayna kabadbadiyaan khatarta." sidaas waxa yiri Ken Menkhaus, oo professor sare ka ah Davidson College, USA, kaas oo ku takhasusay Soomaaliya iyo dhaqdhaqaaq yadeeda Islaamiga ah, islamarkaana  lataliye xagga siyaasadda uga ahaa hawlgalkii Qaramada midoobey ee Soomaaliya, marka uu hadalkaas yiri waxay ahayd talaado November 27, 2001 asagoo ka hadlayey kulanka Carnegie Endowment for International Peace symposium (Washington, D.C.). GUJI...
 		 Kalluumaysatadii Soomaaliyeed wax lug ah kuma  kulahayn Qaraxii Mombasa
Booliska Kenya waxa ay markey taariikhdu ahayd 13/12/2002 caddeeyeen in sagaalkii kalluumaysatada ahaa ee isugu jirey Soomaalida iyo Pakistan ee loo xirxiray qaraxii Mombsasa aysan wax lug ah ku lahayn qaraxaas, isla markaana la siideynayo, loona dhoofinayo dalalkoodii
AKhri Halkan....

Xaggee ku dambaysay eedeyntii ahayd in Shimbiraale ay deggan yihiin urur argagixiso?



HTML CD