Daabaco Boggan | Print

• Raiisul wasaare Geedi oo ku Guuleystay in uu Xabsiyadda Liibiya ka sii daayo 30,qofood oo muwaadiniin Soomaaliyeed ah.
• Ninka ugu sareeya qayebta amaanka (CSA) ee hey'ada UNDP oo maanta soo gaaray magaalada kismaayo 

Raiisul wasaare Geedi oo ku Guuleystay in uu Xabsiyadda Liibiya ka sii daayo 30,qofood oo muwaadiniin Soomaaliyeed ah.

Tripoli 17 luuliyo 2005.. Raiisul Wasaaraha Dowladda Federaalka KMG ee Soomaaliya Prof Cali Maxamed Geedi oo uu wehliyo Wasiirka Qorsheynta iyo Iskaashiga Caalamiga Dr.Cabdirisaaq Cusmaan xasan Juriile ayaa maanta kulan muhiim oo qaatay muddo saacad ah la yeeshay Wasiirka amniga iyo cadaaladda ee dalka jaamhiiriyadda Liibiya Al-sayid Naasir Mabruuk.

Raiisul wasaraha iyo Wasiir amniga waxay kulankaasi si weyn ugu lafa-gureen qaabkii loo dhaqangalin lahaa Barnaamijka Baaxadda leh ee ay Dowladda soomaaliyeedku dooneyso inay ka hirgaliso Degmooyinka iyo Gobalada Dalka ee ku saabsan Sugida nabadgalyada,dhismaha Maamulka Degmooyinka iyo dhameystirka dib u heshiisiinta ee ay ku howlan yihiin xubno ka tirsan olayasha Xukuumadda iyo Baarlamaanka, waxay Prof Geedi iyo alsayid mabruuk isku waafaqeen in Barnaamijkan uu yahay mid wax weyn ka taraya sidii Soomaaliya ay dib ugu soo ceshan laheyd Dowladnimadeedii,isla-markaana uu mawaadiniinta Soomaaliyeed siinayo fursad ay uga qeybqaataan Xukunka iyo maamulka dalka oo ka yimaada heer Tuulo,Degmo ilaa Gobal.

Raiisul Wasaare Geedi iyo Wasiir cabdirisaaq jiriile waxay kaloo si weyn uga hadleen qorshayaasha ay Xukuumaddu wax uga qabaneyso dhinaca amniga,iyagoo xusay in ay Dowladdu waddo sidii ay usoo nooleyn laheyd,islamarkaana ay u howlgalin laheyd Ciidankii Booliska Soomaaliyeed si ay u sugaan una soo celiyaan Aminiga iyo kaladambeynta,iyagoo tilmaamay in si Howshaasi looga gun-gaaro ay ka filayaan Dowladda jamaahiiriyadda Liibiya inay gacan ka geysan doonto najaxinta Howshaasi.

Prof Geedi wuxuu kaloo wasiirka kala halay in la sii daayo 30 qof oo ah Muwaadiniin Soomaaliyeed ah oo lagu soo qabqabtay inay u tahriibayeen dalalka Yurub oo lagu hayay Xabsi ku yaala Wadankaasi Liibiya in la sii daayo dibna logu celiyo Dalka Soomaaliya, taasi oo uu wasiirku balanqaaday, wuxuuna u sheegay in dadkaasi Soomaaliyeed la sii deyn doono loona dhoofin doono Dalkoodii, isagoo ka codsaday Raiisul Wasaare Geedi in Dadka Soomaaliyeed uu ujeediyay Baaq ku aadan in ay ka waantobaan Tahriibka ay naftooda ku biimeynayaan oo uu sheegay in Dad badan ay hore ugu naf-waayeen, dhinaca saxraha amo Xeebaha u dhaxeeya Liibiya iyo talyaaniga

Isha warka: Xafiiska Ra'iisul wasaaraha Soomaaliya

Ninka ugu sareeya qayebta amaanka (CSA) ee hey'ada UNDP oo maanta soo gaaray magaalada kismaayo 

• Cabdi qadar nuur maxamed (filipiin)
  Kismaayo soomaliya
  cabdiqadar84@hotmail.com

  ---

Wafdi heer sare ah oo uu hogaaminayao madaxa qaybta amaanka ee heyada UNDP ninka lagu magacaabo JOE GORDEN ayaa saakay barqanimadii ka soo dagay gagida dayuuradaha caalamiga ah  ee magalada kismaayo isagoo ka soo kicitimay magaalada nayroobi ee caasimada dalka Kenya. 

Wafidan ayaa waxa uu socdaalkoodu ku saabsanaa siidii heyada UNDP oo in mudo ah ka maqnayd magaalada kismayao sidii ay dib mar labaad ugu soo laaban lahayad magalada kismayao islamarkaana ay xarun rasmi ah oga samaynsan lahayd magaalada maadaama ay sheegeen in maanta magaalada kismaayo amaankeedu uu yahay mid la isku halayn karo islamarkaana kormeer badan ay  sameeyeen u suuro galisay in ay mar labaad dib oga howl bilaabaan magaalada kismaayo iyo waliba deegaanada hoosyimaada . 

Wafigan ee uu hogaaminayay mr joe gorden ayaa waxaa ku soo dhaweeyaya magalada kismayo madax sar sare oo ka tirsan maamulka isbahaysiga dooxada jubba ee haatan gacanta ku haya amaanka magaalada kismayo, mas'uuliyiintaas maanta soo dhaweeyey wafdagan ayaa ayagana waxaa horkacayaya gudoomiyaha isbahaysiga dooxada juba xildhibaan barre aadan shire barre hiiraale iyo ururada bulshada rayidak ah maamulka degamda siyaasiyiin oqoonyahano wax garad iyo cuqaal, soo dhaweyn ka dib wafidagan ayaa waxaa loo soo dhaadhiciyay hotel marindian ee magaalada kismayo halkaasoo uu mr joe saxaafada kula hadalay. 

Mr joe waxa uu sheegay in dalabaad badan iyo baahi badan oo ay qabaan dadka ku daqan gobolkan ay suuro galisay in maanta ay yimaadaan magaalada kismaayo si ay u suuro galiyaan soo guurista heyada UNDP islamrkaana ay xarunteedii ay dib u howl galin lahayad maadama ay in mudo ah ka maqnayd maagalada kismayo ayadoo uu sheegay mr joe in  heyada UNDP ay oga howl bilaabi doonto  magaalada kismaayo mudo ka yar labo  isbuuc gudooh . 

Mr joe ayaa waxaa uu u mahad celiyaya xildhibaan barre hiiraale iyo madaxda kale ee ka tirsan maamulka isbahasiga dooxada jubba sida ay oga dhabeeyeen islamarkaana ay u muujiyeen amaanka magaalada ayagoo sameeyey ayuu yiri hubka oo ay ka aruuriyeen magaalada  maleeshiyaadka oo ay ka xareeyeen magaalada  taasoo haatan gun dhig u noqonaysa in ay yimaadaan heyadaha samafalka ah si dadka gobolkana looga kaabo illaha muhiimka ah ay u baahan yahiin sida caafimaadak waxbarashada iyo meelo kale oo muhiim ah . 

Mr joe ayaa waxa uu sheegay in imaantinka uu maanta yimid magalada kismayo uu aad ugu faraxsanyahay islamarkaana ay tahay markii ugu horeysay ee uu yimaado gobolkan gaar ahaan magaalada kismayao ayadoo imaatinkiisa uu casuumaad ka helay gudoomiyaha maamulka isbahasiga dooxada jubba xildhibaan barre hiraale  taasna uu oga mahad celinayao gudoomiyaha . 

Dhanka kale imaatinka hey'adan ayaa waxa ay suuro galinaysaa in ay magaalada kismayao yimaadaan dhamaan heyadahii samafalka ahaa ee kolhoreeto ka huleelay maglaalada kismayao arimo ay ku sheegeen amaan dari owgeed tasoo in badan ay mas uuliyad iska saareen haatan maamulka gacanta ku haya magaalada kismayo.ayadoo ay yididiile weyn ay galinayso ururada maxaliga ah ee ka jira magaaladan kismaayo dadka qaxootiga ah ee tabarta dana ee ku dhaqan xeryaha qaxootiga ee magaalada kismayao oo aan in mudo ahba helin kaalmo ay u fidiyaan heyadaha caalimiga ah tasoo liiday dadkaas xaga caafimaad iyo xag aqooneedba maadama aysan jirin cid kale oo kaalmo siinaysa mar hadii ay gobolkan ka maqanyahiin heyadahii samafalka  islamarkaana ay arinkaan ah imaatinka heyadaha samafalka ay aad u soo dhawaynayaan dhamaan bulsho weynta ku dhaqan gobolkaan . 

Cabdi qadar nuur maxamed (filipiin)
Kismaayo soomaliya
cabdiqadar84@hotmail.com

Keyse Jaamac oo Laga Sii daayey Xabsiga

Faafin: SomaliTalk.com | July 17, 2005

7-Soomali ah oo lagu xiray xabsiga Nairobi
dadkan oo loo xirxiray lacagihii hotelada iyo raashinkooda, haatana ayan ka dhoofi Karin Nairobi... Guji... July 16

Kooxdaha Göteborg iyo Liecester oo maanta guul darro soo wajdahay
Tartanka Ciyaaraha Kubada Cagta 7aad Ee Uro-Som Oo Si Habsami Ah Uga Furmay Magaalada London ayaa... Guji... July 16

Wararka Magaalada Laascaanood....
»Isku shaandhayn daraawiishta..
»Waraysi: Garaad Abshir Saalax..
»Waraysi: Siiciid Jaamac Qoorsheel..
Wararka oo dhan... Guji.... July 16

"228 Gabdhood oo Lagu Kufsaday Gobolada Jubbooyinka - 1dii Janaayo ilaa 8dii July"
Sidaas waxaa shaaca ka qaaday hay'adda Xuquuqda aadamiga u dooda ee Faanoole, taas oo intaas ku dartay in sannadkan Jubbooyinka lagu diley ugu yaraan 64 qof ayadoo... Guji...

Geedi iyo Waftigii Uu Hogaaminayay Oo Dib ugu Laabtay Jowhar
Kaddib markii ay magaalada Galkacyo kulan albabadu u xiran yihiin ku yeesheen madaxweynaha iyo Ra'iisul wasaaraha DFKMG ayaa... Guji...

BAARID | SEARCH