7-Soomali ah oo lagu xeray
xabsiga Industrial Area ee magaalada Nairobi
Qaar ka mid ahaa Ergada
Soomaalida ee ka qayb galay shirkii Nabada Soomaalida ee ka
socdey Kenya muddo ku dhowaad 3-sano ayaa wali ku sugan
magaalada Nairobi iyagoo u jooga sababo kala duwan.
Dadkan ayaa nasiib u helin
in ay ka mid noqdaan dawlada iyo Barlaamka ,iyagoo rajo ka
qabey ama loo sheegay in laga qayb galinaayo dawlada oo
jagooyin loo magaacabayo,gaar ahaan Guddiyadda Qarran oo ka
kooban 6-guddi,laba ka mid ah la magacabey.1-Guddiga
Dastuurka 2- Guddiga dib u heshiisiinta ,qaar kalena wali
la magacabin.
Dadkan la xirxiray oo ay
tiradooda kor u dhaaftay 15-qof ayaa waxay kaloo rajo ka
qabeen in loo magacaabo Safiiro ,Qunsiliyada, Agaasime Guud,
mid waaxeed ,Maareeyayaal ,Xogheyayaal, Guddoomiye Gobol iyo
mid Degmo.
Dadkan oo laba mar la
kulmay Madaxweynaha iyo Raisulwasaaraha dawlada Federaalka
Kmg kana balanqaadeen in ay ka bixinayaan qarashayada ku
baxay hotelada ay degenaayeen inta ay Dawlada ka guurin
Magaalada Nairobi,Nasiib daro waxaa la siiyey tikidho
qalalan oo laga soo qaadey UNDP. Waa sida ay sheegeene.
Afhayeenka Ergada Isla
Markaasina ah Hogamiyaha Siyaasadda Beesha Ayuub Sheikh
Isxaaq Dr.Axmed Daahir Muuse oo aan la kulmay ayaa ii
sheegay in dadkan loo xirxiray lacagihii hotelada iyo
raashinkooda, haatana ayan ka dhoofi Karin magaalada
Nairobi.
Dadkan ayaa magacyadooda la
geeyey Garoonka Dayuuradaha ee Jomo kenyata iyagoo magaalada
ku dhuumaaleysanayey.
Afahayeenka waxa kaloo ii
shaagay in uu hali waayey Safiir Maxamed Abdi Afey iyo
Mas`uuliyiinta UNDP.
Sidaa darteed ayaa waxaan
la kulmay Faarax Ciise Jamac oo ku sugan Xabsiga Industrial
Aera ee magaalada Nairobi aya ii sheegay in aysan jirin
cid raashin u keenta ,waxa uu ii sheegay in uu Maxkamada la
soo taagi doono 21-bishan isaga iyo 6-kale oo ku xiran
xabsigaasi,qaar kale ayaa ku xiran xabsiyo kale .
Lagacaha lagu leeyahay
nimankasi xirxiran ayaa u dhaxeeya US 300-500 ,hadaba waxaa
jirta raga qaar ka mid ayaa eheladooda ka bixiyey lacago
gaaraya ilaa 100-kun oo K/Money ah sida Maxamed amiir ,Timo
Jilac iyo Maxamed Aden .
Suldaanka Beesha Jareer
Ugaas Cabdullaahi Sheikh Cabdulqadir (Duub-weyne) ayaa ka
mid ahaa raga lacagaasi lagu lahaa ,74-kun ayaa lagu lahaa
.
Suldaanka ayaa ka baxsadey
hotelka isagoo dharka iska dul xirtay, ka dibna ka dhoofay
garoonka dayuuradaha isagoo an sidan boorsadiisa , Suldaanka
aya haatan ku sugan magaalada Muqdishu,Baxsashada Suldaanka
ayaa keentay xirxirida Nimankan iyo in magacyadooda la geeyo
Air-porka .
Maamulaha Mustalifa Hotel
Sheikh Saleeman ayaa ii sheegay in uu isaga xirxiray ragan
uuna doonayao lacagtiisa ,haddii kale la marsiinayao
sharciga Kenya waxa uu ka qabo.
Dadkan la xirxiray ayaa
cidna u maqneyn waqtigan.
Dhamaad.
Abdikarim
Aden Hussein.
Nairobi ,Kenya.
abdikarimhussein@hotmail.com
Faafin: SomaliTalk.com | July
17, 2005
"228
Gabdhood oo Lagu Kufsaday Gobolada Jubbooyinka - 1dii Janaayo ilaa 8dii July"
Sidaas waxaa shaaca ka qaaday hay'adda Xuquuqda
aadamiga u dooda ee Faanoole, taas oo intaas ku dartay in sannadkan Jubbooyinka
lagu diley ugu yaraan 64 qof ayadoo...
Guji...
Geedi iyo Waftigii Uu
Hogaaminayay Oo Dib ugu Laabtay Jowhar
Kaddib markii ay magaalada Galkacyo kulan albabadu u xiran
yihiin ku yeesheen madaxweynaha iyo Ra'iisul wasaaraha DFKMG
ayaa...
Guji...
| 
Daabaco
Boggan | Print