::: SomaliTalk.com :::

Wafti uu Hoggaaminayo Ra'iisul Wasaaraha Soomaaliya oo Galabta Booqasho Ku tegey Caasimada Liibiya

July 15..Tripoli..Libiya.. Wafdigii uu Hoggaaminayay Raiisul Wasaraha Dowladda Federaalka KMG ee Soomaaliya Prof Cali maxamed Geedi,uuna ka mid ahaa Wasiirka Qorsheynta iyo Iskaashiga Caalamiga Dr.Cabdirisaaq Cusmaan xasan Juriile, ayaa galabta saacadda Tripoli markay aheyd 6dii Maqribnimo ka soo dagay garoonka Caalamiga ah ee Dalkaasi.

Warkaasi oo aanu ka helnay Afhayeenka Dowladda oo la socdo Wafdigaasi Mudane Cabdiraxmaan Nuur Maxamed Diinaari ayaa intaa raaciyay in Booqashada raiisul Wasaaraha ay la xiriirta Martiqaad uu ka helay Hoggaamiyaha Jamaahiiriyadda Libiya Mucamaral Qadaafi.

Afhayeenku wuxuu intaa ku daray in Wafdiga Raiisul Wasaare Geedi ay joogi doonaan Tripoli muddo sadax cisha ah ayna Dowladda Liibiya ka filayaan in la siiyo Taageero Dhaqaale oo ay Dowladda Soomaaliyeed weydiisatay Dalka Liibiya si ay wax uga qabato Mashaariicda dib loogu dhisaayo Dalka soomaaliya,gaar ahaan Mashaaricda degdeg ah ee dib loogu dhisaayo Maamulka laguna nabadeynayo Dadweynaha ku Degmooyinka iyo Gobalada dalka Soomaaliya.

Mudane Diinaari wuxuu kaluu sheegay in Raiisul Wasaaraha uu maalinta Talaada ah usii gudbi doono Mgaalada Dakar ee caasimada dalkaasi Senigaal oo Kulan mihiim ah kula yeelan doono maaxweynaha Dalkaasi Mudane Abdallahi Wade [Abdoulaye Wade] oo isagu ka mid ah Madaxweynayaasha Qaaradda Afrika ee ugu sumcadda Dheer.

Madaxweyne Wade iyo Raisul Wasaare Geedi waxay kulankasi muhiimka ah kaga wada hadli doonaa sii xoojinta Xirirka Iskaashi ee labada Dal ee Somaliya iyo senigaal iyo in Madaxweynaha senigaal uu dadaal u galo in Beesha Caalamka ay gacan siiso Dowladda soomaaliyeed,gaar ahaan dhinaca Siyaasadda iyo Maaliyada.

Raiisul Geedi iyo Madaxweyne Wade waxay toddobaadkii hore ku kulmeen Magaalada Sirte oo lagu qabtay Shirka ururka Midowga afrika.

Gollaha Amaanka Qaramada Midoobay oo xooginaya Cunaqabataynta Hubka Somaliya.

Canab Mumtaz | SomaliTalk | Afrikada Bari

Gollaha Amaanka oo ka jawaabayay codsi qoraal ah oo ay u gudbiyeen Ururka midnimada Afrika ee ahaa in ay Somaliya ka qaadaan QM.Cunaqabataynta dhinaca hubka ee Soomaaliya saaran ayaa shir ay yeesheen kaga soo saaray in aysan ka qaadi doonin Somaliya xayiraada hubka ee la saaray sanadkii 1992-kii.

Shir ay Shalay yeesheen Gollaha amaanka ayaa lagu soo bandhigay qoraalkaas oo si faahfaahsan uga hadlayay Xaalada Soomaaliya iyo Cunaqabataynta hubka ee saaranba,waxa uuna gollahu sheegay in xiligan aysan Somaliya ka qaadi doonin xayiraada hubka ee saaran,Waxayna ugu baaqeen dhinacyda dowlada KMG ah ee Somaliya in ay xaliyaan khilaafaadka ka dhex jira si loo helo is-afrad dhex mara dhamaan qaybaha dowlada Soomaaliya.

Waxaa kale oo qoraalkan oo aad u dheeraa ay Gollaha amaanku mahadcelin ugu direen ururka IGAD iyo wadamada kale ee ku jira ururka midnimada Afrika oo xi wayn iskaga xilsaaray sidii ay Somaliya ku heli lahayd Nabad.

Waxaa kale ay sheegeen Gollaha in ay soo dhawaynayaan dadaalada nabadeed oo ay wadaan Xubnaha dowlada iyo baarlamaanka,ganacsatada,Ururada bulshada rayidka ah ee ka jira dalka iyo kuwa caalamiga ahba si kor loogu qaado isku keenida bulshada iyo Nabad kuwada noolaanshaha.

Dhinaca kale Gollaha waxa ay xadgudub ku tilmaameen iyagoo cambaarayeeyay dilkii dhawaan loo gaystay C/qaadir yaxye oo ahaa Gudoomiyihii Hay'adda RCD oo fadhigeedu ahaa caasimada Somaliya ee Mogadisho,mar ay dileen kooxo hubaysan.

Madaxweynaha Somaliya ayaa todobadkan ka codsaday in qaramada Midoobay ay Somaliya ka qaado xayiraada hubka ee wali saaran,waxa uuna C/llaahi yuusuf sabab uga dhigayay in dalka Somaliya ay ka jirto xiligan dowlada uu isagu hogaamiyo,isagoo ku sugan wali Magaalada gaalkacyo ee hoos timaada gobolada Puntland oo uu horay Madaxweyne gobol uga ahaa Madaxweyne C/llaahi Yuusuf.

Wasiirka Amniga dowlada KMG ah iyo Af-ahyeenka baarlamaanka ayaa dhinacooda ka dalbaday Qaramada midoobay laanteeda Amniga in aysa ka qaadin Somaliya Cunaqabatayna hubka ee saaran,waxa ayna cuskanayeen in hubka yaala wadanka gudahiisa laga badbaadin waayay shacabka mdi kale hadii loo fasaxana uu keeni karo dhibaato ka xoogan tan hadda jirta.

Dowladii lagu dhisay dalka Kenya waxa ay noqotay laba garab oo iska soo horjeeda,Heshiisyo la isku dayay in lagu xaliyo khilaafka ugu wayn ee ka dhex jiray Madaxweynaha iyo Gudoomiyaha baarlamanka ayaa ku dhamaaday fashil,Kadib markii mid walba uu tanaasuli waayay arrinta ugu wayn ayaa ka dhalatay Halka ay dowladu dagayso iyo Ciidamada Wadamada Safka hore oo horay qaar ka mid ah baarlamanku diideen.

Madaxweynaha dowlada FKMG ah ee Somaliya C/llaahi Yuusuf Axmad,Waxa uu imaan doonaa magaalada Jowhar oo u dhaw mogadisho,waxaana ku sugan Ra'iisul wasaaraha iyo xubno ka mid ah labada golle iyagoo ka dhigan doona fariisin KMG ah,Waxaana ku booqda xubno ka socda beesha caalamka iyo IGAD.

Sidoo kale Waxa ay mogadisho fariisin u Tahay Gudoomiyaha Baarlamanka FKMG ah ee Soomaaliya Shariif Xasan Sh.Aadan iyo qaar ka mid ah labada golle oo taageersan,waxa ayna sheegayaan in hadii ay dowladda qaybaheeda kale fariisin ka dhigtaan meel aan ahayn mogadisho ay weerar ku qaadi doonaan sidoo kale taageerayaash shirka ee beesha caalamka iyo IGAD ayaa iyagana mogadisho kula shira xubaha ku sugan ee dowlada iyo baarlamanka.

QARAMADA MIDOOBEY OO QORAAL KASOO SAARTAY SOOMAALIYA.. GUJI...

Canab Mumtaz | SomaliTalk | Afrikada Bari
Email: canabmumtaz@yahoo.com

Dagaalo ka dhacay Aaga Raaso ee Soomaali galbeed Ethiopia Maalmihii la soo dhaafay oo ay ku dhinteen in kabadan 100 Ruux iyadoo tiro intaasi ka badanna ay ku dhaawacmeen dagaaladaasi ayaa hadda qaboobay.

Wararka ka imanaya Magaalooyinka Jigjiga iyo Raaso ayaa sheegaya in dagaalo labadii Maalomood ee lasoo dhaafay ka dhacayay Aaga Raaso uu haatan qaboobay isla markaana wali aysan jirin cid si rasmi ah usoo kala dhexgashay dagaaladaasi oo u dhexeeya Beelaha Sheekhaal iyo Ogaadeen oo wada daga Gobolka Somali Galbeed ee Ethiopia.

Dagaaladan ayaa la sheegay in ay ku dhinteen in ka badan 100 qof labadii Maalmood ee uu ka socday Aaga Raaso oo ay kamid tahay Meel Buunda ah , waxaana ku dhaawacmay tiro kale oo aad u fara badan oo haatan lagu dawaynayo meelo kala duwan.

Dagaaladan oo marar badan soo cusboonaaday waxaa inta badan uu ka kacaa muran dhanka dhulka ah oo u dhexeeya labadana beelood iyadoo dadka walaalaha ah ee dagaalamayana ay dagaaladaasi uga dhinteen Shakhsiyaad magac ku leh gobolkaasi.

Dhinaca kale Baaqyo kala duwan oo ay soo saareen Odayaal Daqameedyo labada dhinac ah ayaa ugu baaqaya Beelahaasi dagaalamaya in ay joojiyaan dagaalada noocaasi ah isla mar ahaantaasna ay ku xaliyaan wada hadal wixii khilaaf ah ee u dhexeeya si loo gaaro nabad iyo wada noolaansho mar hadii dagaaladu aysan keenayn wax faa'iido ah.

Sidoo kale waxaa looga baaqay Maamulka Soomaali Galbeed iyo Dawladda Ethiopia in ay ka hortagaan dagaalada noocan oo kale ah ee ku salaysan Beelaha oo dad badani ay ku dhintaan kuwa kalan ay ku dhaawacmaan, waxaa sidoo kale loogu baaqay Jabhadda ONLF in iyaduna ay muujiso sidii ay dhexdhexaad uga noqon lahayd dagaaladaasi oo mararka qaarkood lagu eedeeyo.

Ridwan Haji
ridwanhaji@yahoo.com

Dagaallo lagu naafeeyay ciidammada gumaysiga Itoobiya.

Faafin: SomaliTalk.com | July 14, 2005