- Cambaarayn:
Gubistii Xaafada Buulo Eelaay Boosaaso Iyo Dil Jabuuti
loogu geystay Xubin Beesha Gabooye ka tirsan.
- Masjid weyn oo
maanta laga furay xaafadda Guulwade ee magaalada
Kismaayo
- Baaq Nabadeed oo ku
wajahan Dilalka Micna darada ah ee ka soo Cusboonaaday
Beelaha walaalaha ah ee Wada daga gobolka Mudug,
Cambaarayn:
Gubistii Xaafada Buulo Eelaay Boosaaso Iyo Dil Jabuuti
loogu geystay Xubin Beesha Gabooye ka tirsan.
Aniga oo ku hadlaya
magaca Beelaha Gabooye ee Qaarada Yurub iyo
Waqooyiga Ameerika waxaan halkan canbaarayn kulul
uga soo jeedinayaa Maamul Goboleedka Puntland oo ka
baaqsay ilaalinta nabadgelyada beelaha laga tirada
badan yahay ee ku nool Puntland, kuwaasoo dab la
qabadsiiyay guryahoodii goor habeenimo ah,
halkaasina ay ku baaba'een in ka badan 800 boqol oo
guri iyo wixii agab ahaa ee hoos yaalay.
Xaafadan dabka la
qabadsiiyay oo magaceeda la yidhaa Gubistii Buulo
Eelaay oo Boosaaso ku taala waxaa deganaa dad danyar
ah oo u badan beelaha gabooye iyo dad qaxooti ah oo
ka yimi degaanada koonfureed ee dalka, dadkan
masaakiinta ah ee guryahooda la gubay maaha qaar wax
danbi ah galabsaday, waxaana si ula kac ah
guryahooda loo gudaby si ay uga guuraan xaafadan ay
deganaayeen.
Waxaan ugu baqaayaa
Maamul goboleedka Puntland inay degdeg gacanta ugu
dhigaan, maxkamadna hor keenaan kuwa danbigan weyn
geystay, waxaanan ugu baaqayaa waxgaradka, maamulka
iyo dadweynaha reer Puntalnd iyo hay'adaha caalamiga
ahba inay gacan siiyaan una gurmadaan dadkaas
guryahooda la gubay.
Sidoo kale waxaan
halkan ka canbaaraynayaa dil loo gaystay Marxuum INA
ABOOWE oo isaga oo gurigiisa oo Jabuuti ku yaala uu
muwaadin Reer Hargeysa ahi uu golxob toorri weyn ah laba
ugu kala gooyay, halkaasna uu ku geeriyooday
marxuumkaasi.
Waxaan ugu baaqayaa
Dawlada Jabuuti inay degdeg gacan ku dhiiglahaas
maxkamad u hor keento laguna ciqaabo dhagarta uu
galay.
Dhinaca kale iyada oo ay wali socoto dhegaysiga
dacwadii lagu soo oogay dhagarqabihii Hargeysa ku
dilay Marxuum Khadar, loona ballansan yahay in
kiiskaas dacwadiisa la sii wado 11ka bishan Julay,
ayaa waxaan ugu baaqayaa laamaha sharciga ee dalka
Somaliland inay si adag u ciqaabaan dhagarqabaha
Khadar dilay isla markaasna waxaan soo jeedinayaa in
xukun dil ah lagu qaado askarigaas sida badheedhka
ah u dilay Marxuum Khadar, maadama sharciga
Somaliland u degsani uu dhigayo in xukun dil ah lagu
qaado qofka si badheedh ah u dila qof kale.
Maxamed Ciise Caabi (Saaqa)
Gudoomiyaha Beelaha Gabooye ee Qaarada Yurub iyo
Waqooyiga Ameerika
gabooye.org99@hotmail.co.uk
Masjid
weyn oo maanta laga furay xaafadda Guulwade ee
magaalada Kismaayo
Masjidkan oo loogu
magac daray Masaajidka Xaaji Xareed Yaroow ayaa
waxaa laga furay xaafadda Guulwade ee magaalada
Kismaayo, waxana dhismihiisa maalgeliyay Xaaji
Xareed Yarow oo sida la sheegay ay uga baxday lacag
aad u fara badan.
Masaajidkan oo ay
markiiba ku tukan karaan dad lagu qiyaasay 2500
qofood, ayaa waxaa dhismihiisu uu socday muddo
saddex bilood ah, waxaana xafladda furitaanka ee
masaajidkaan ka soo qayb galay dadweyne aad u tira
badan.
Waxaa kale oo ka
soo qayb galay maamulka degmada Kismaayo oo uu hor
kacayay guddoomiyaha degmada Kismaayo Xaaji Daahir
Maxamed Cilmi (Daahir Carrabeey) iyo mas'uuliyiin
kale oo la socday, sidoo kalena waxaa xafladdii
furitaanka ka soo qayb galay Ugaas Ciise Ugaas
Cabdille iyo ganacsato fara badan. Sidoo kalena
waxaa ka soo qayb galay inta badan culumada
magaalada Kismaayo.
Xafladda furitaanka
masjidkan oo maanta salaaddii casar ka dib ka
dhacday gudaha masaajidkaas ayaa ugu horreyntii
waxaa xarigga ka jaray guddoomiyaha degmada Kismaayo
Daahir Carrabey, ka dibna waxaa halkaas ka hadlay
culimo fara badan oo ku boorriyay dadkii xafladdaas
ka soo qayb galay cibaadada iyaga oo xusuusiyay
faa'iidada masaajiddada.
Waxaa xafladdaas oo
si heer sare ah loo soo agaasimay isna ka hadlay oo
u mahad naqay ciddii hawshan soo qabatay
guddoomiyaha degmada Kismaayo Daahir carrabey.
waxaana ugu dambeyntii lagu soo gebagebeeyay aayado
quraan ah.
cabdi qadar nuur
maxamed (filipiin)
cabdiqadar84@hotmail.com
Baaq
Nabadeed oo ku wajahan Dilalka Micna darada ah ee ka
soo Cusboonaaday Beelaha walaalaha ah ee Wada daga
gobolka Mudug, oo uu noo soo Gudbiyay, Gudoomiye
Maxamuud yuusuf Ciise oo ku sagan Magaalada London
ee Dalka Ingiriiska
Waxaanu aad uga xunahay Hadaanu nahay Beesha dagta
Degmada Bursaalax Dilalka aargoosiga ah ee Micna
darada ah ee u dhexeeya Beelaha walaalaha ah ee wada
daga Gobolka Mudug, dilalkaas oo ka soo biloowday
Labadii wiil ee Hotel Kamaaludiin hortiisa lagu
dilay, Hadana kii ugu danbeeyayloogaystay Nabadoon
Siciid Cumar Tiinle, kaa soo ahaa Mid aad looga wada
naxo.
Taariikhda labadaan beel ayaa ah mid aad u durugsan
kuna salaysan walaaltinimo,iyo wax wada qabsi,
taasoo u baahan in Maskaxda lagu hayo ee aan la
ilaawin.
Dilalkaan micna darada ah ee loogaysanayo wax
garadka iyo cuqaasha iyo dadka aan waxba
galabsanayaa ah mid aad noo taabanaya una baahan in
wax laga qabto.
Waxaanu u soo jeedinaynaa dhamaan Cidii ay Khusayso
In laga hortago dilalka Micna darada
In lagu dhameeyo nabad, waxyaabaha lakala tirsano
In lagu soo laabto diinteenii Islaamka ahayd
In lagu dhaqaaqo Tilaabo Horumar ah, oo badalaysa
Qaabka aargoosiga Qabiilka
In Ninkii wax dila loo dilo ee aan lagu difaacin
dhibka uu gaystay.
In Maamulka Meesha ka jira ee Puntlland loo gudbiyo
wixii dhib ah ee soo kordha.
Waxaa Baaqan wax ka saxiixay:
(magacyada dadka ku saxiixanaa qoraalkan oo dhan 25
magac waxaa lagala xiriiri karaa email:
idamaalenews@yahoo.co.uk
Gudoomiyaha Beesha Bursaalax ee Magaalada London
Mudane Maxamuud yuusuf Ciise.
Faafin: SomaliTalk.com | July
6, 2005
WARARKA KALE
EE MAANTA::::
- MUSHARAXII
LABAAD EE KULMIYE OO SHAACA KA QAADAY
MUSHARAXNIMADIISA
- "Waligay Kumaan fikirin inaan Noqodo Siyaasi, laakiin Waxaan ku fikiri
jiray inaan Noqodo Qoraa iyo Macalin Jaamacadeed"..
- Horumarka Somaliland Ee Xagga Warshadaha Iyo Xidhiidhkeeda Cusub ee Dalalka Shiinaha Iyo Hindiya
Akhri halkan.... GUJI.....
| 
Daabaco
Boggan | Print