 XAGAABAX
LAMA ILLAAWAAN AH
Qoysaska soomaaliyeed ee reer Stockholm
Hooyooyin iyo
caruur |
Maamulka
xagaabaxa |
Maamulka
Xagaabaxa |
Salaada
jimcada oo loo fadhiyo. |
Ibraahin
Cismaan buraale: Guddoomiyaha xagaabaxa |
Cabdicasiis
Cilmi iyo Ibraahin Buraale oo wax sharaxaya |
Maansha Allaah! Maansha Allah!. Kelmadahaas waxaa isku
salaamayey dadkii ka soo qayb galay xagaabax wada jir ah oo
loo sameeyey qaar ka mid ah qoysaska soomaaliyeed ee reer
Stockholm. Ma jirin erey aan ahayn MAANSHA ALLAH oo lagu
cabbiri karayey nasashada iyo farxadda xagaabaxaas. Saddex
boqol iyo sagaaliyo toban qof (319) ayaa muddo todoba cisho
ah joogay bustaan lagu nasto iyagoo doonayey tamashleyn iyo
aqoon korodhsi. Dadka sidaas u tirada badan waxay ka
koobnaayeen 45 qoys oo wata caruurtoodii iyo dad kale oo
dhalinyaro u badan.
Goobta xagaabaxan nasashada ah loo tagay oo lagu magacaabo
sjövik, waxay ku taal meel u jirta magaalada Stockholm 150
km. Waa meel bilicsan oo leh garoomo ay ku xardhanyihiin
doog cagaaran oo laysku sinsimay iyo dhir damallo ah oo laga
shaqeyey. Dhinac walba waxaa kaga wareegsan bad leh kaabado
lagu dul istaago iyo kalshooyin lagu dabbaasho. Waxaa
bilicda meesha sii kordhinayey caleenta iyo dooga cagaaran
ee ay dusha ka hayso qorraxda diirrimaadka badan ee xagaaga.
Si kale kuma garatide nafta ayey xiisa gelinaysay in la dhex
joogo meel sidan ah oo ay boqollaal dadkaaga ahi ku negi
yihiin.
Debed baxan waxaa iska kaashaday qabanqaabadiisa saddex
xarumood oo guud ahaan ay ka dhaxayso shaqo-wadaag gaar
ahaaneed, kana jira magaalada Stockholm. Xarunta koowaad waa
iskuulka islaamiga ah ee lagu magacaabo AL-AZHAR oo uu
hogaamiyo Sheekh Bashiir Amaan Cali. Xarunta labaad waa urur
islaami ah oo xaruntiisu tahay masaajid ku yaal xaafadda
soomaalidu ku badantahay ee magaalada Stockholm. Qolada
saddexaad waa ururka mustaqbalka dhalinyarada ee marka la
soo gaabiyo magaciisa loo yaqaan NUF.
Muxaadaro la
dhegaysanayo |
DHalinyaro
kubbad ciyaaraya |
 |
 |
Bilicda goobta
nashashada |
Guryaha la
degenyahay |
Dhalinyaro
badda ku dabbaalanaysa |
Dhalinyaro
badda ku dabbaalanaya |
Ujeedada ugu muhiimsan ee xagaabaxan wuxuu ahaa inay
waalidiintu helaan gaar ahaan hooyooyinku wiig nasasho ah
iyo aqoon korodhsi. Si ay taasi u rumowdana waxaa la
ballamiyey shaqaale diyaariya wax alla wixii cunto ah ee loo
baahdo. Sidoo kale caruurta yaryar ee u dhaxaysa 5jir-15 jir
oo tiradoodu ahayd 131 caruur ah, waxaa loo sameeyey goobo
lagu hayo iyo shaqooyin lagaga mushquuliyo waalidiinta.
Hawshan dambe waxaa si habsami ah ula wareegay dhalinyarada
ururka NUF. Taasi waxay waalidiinta siisay fursado ay kaga
bogtaan nasashadooda, haddii ay tahay dabbaalasho, ciyaar,
sheekaysi ama muxaadaro la dhegaysto.
Barnaamijyada nadaamsan ee sida wadarta ah loo fuliyey waxaa
ka mid ah; ciyaaro sports ah oo kala duwan, riwaayado,
nashiidooyin, dood cilmiyeedyo iyo muxaadarooyin diini ah oo
kala jaad jaad ah. Waxaa jiray dad laga soo casuummay
waddammo debedda ah iyo qaar gudaha Iswiidhan ka yimid oo
muxaadarooyin qiimo leh soo jeediyey, waxaana ka mid ahaa
dadkaas:
1. Sheekh Almis Yaxye oo reer Finland ah
2. Dr Maryam Qaasim oo reer England ah
3. Sheekh Ismaaciil Maxamed Faarax oo reer England ah
4. Abwaan Cabdulqaadir Xabiib oo Eriteri ah
5. iyo Sheekh Bashiir Amaan oo reer Stockholm ah
Sheekh
Ismaaciil Maxamed |
Aqoon
isweydaarsi ku saabsan tacliinta carruurta. |
Dr Maryam
Qasim |
Dr Cabdullahi
Cilmi (Asad) |
Sheekh
Bashiir Amaan Cali Mire |
Sh. Almis
Yaxya, oo Iimaanka ka hadlaayo |
Carruurta
oo soo bandhigayan maanso. |
Dhalinyaro
riwaayad jilaya |
Astaanta iskuulka islaamiga ee Al Azhar |
Xafladdan waxaa loo
doortay inuu madax ka noqdo Ibraahin Cismaan Buraale oo ah
guddoomiyaha ururka isutagga islaamka ee ka mid ah saddexdan
xarumood ee hawshan qabanqaabiyey. Ibraahin Buraale waa nin
caan ka ah wadanka Iswiidhan guud ahaan maadaama uu yahay
ninkii hirgeliyey ururka Isbahaysiga ummadda soomaaliyeed ee
Iswiidhan oo la odhan karo waa calaamadda midnimada
Soomaalida. Dhinaca ururka dhalinyarada NUF oo ay xubnihiisu
ahaayeen kuwa rasmi ahaan suurtageliyey socodsiinta
xagaabaxan waxaa hormood u ahaa guddoomiyahooda da´da yar ee
Axmd Faarax iyo xubno labaataneeyo ah oo u badan gabdho isku
darsaday karti iyo xilkasnimo.
Xagaabaxan oo bilawday 7 Augosto, lana soo gebogabeeyey 13
Aug, wuxuu dhammaaday iyadoo dadku sii jeclaysanayaan inay
sii joogaan. Waxaa dhegahayga ku soo dhacayey faallooyin
kala duwan oo lagu cabbirayey dareenka la qabo, waxaana ka
mid ahaa hadalladan soo socda:
“Weligay kamaan qaybgelin arin sidan u wanaagsan”, “In laba
wiig nalooga dhigo ayey ku wacnayd”; “hadda ayaan isu sii
qorayaa xagaabaxa sanadka dambe”, “Maansha Allah, Maansha
Allah!”. Hadalladaas waxaa ka xoog badnaa farxaddii ka
muuqatay dadka wajiyadooda oo muujinaysay sida loola dhacay
xagaabaxan. Waxaana laga soo guuray meeshii iyadoon lagu
muransanayn in kulankan oo kale laysugu soo noqon doono
sanaddo badan oo soo socda.
Ilaahay ha rumeeyo riyadaas, khayrna ha kaga abaalmariyo
intii ka qayb qaadatay hirgelinta xagaabaxa 2005 oo ay udub
dhexaad u ahaayeen dhalinyarada ma daalleyaasha ah ee ururka
mustaqablka dhalinyarada, NUF.
Qalinka: Maxamed Xirsi Guuleed (Abdibashir)
Abdibashir@hotmail.com
Faafin: SomaliTalk.com |
Aug 16, 2005
Gabar
Soomaaliyeed oo Norway Ku Dishey Wiil Soomaliyeed
Wiilka waxaa saakay meydkiisa laga helay.
Guji....
Xisbiyada mucaaradka
Itoobiya oo diiday natiijada doorashada
iyo Suxufi loo
xidhay warar uu maxkamadda Itoobiya ka sheegay ...
Guji... Aug 12
Soomaalida
Maraykanka oo Loo Ogolaaday In ay dib u Xerayn karaan Sharciga TPS
Dowladda Maraykanka ayaan bishan August
waxay dib u ogolaatay in dadka Soomaalida loo siyaadiyo..
Guji... Aug 12
| 
Daabaco
Boggan | Print