“Maleeshiyada Majeerteeniya oo shalay u soo talawday dhinaca Gobolka Sanaag”

Laascaanood maleeshiyada taabacsan maamulka majeerteeniya, ayaa shalay barqadii weerar ku soo qaaday ciidamao uu horkacayay wasiirka horumarinta reer miyiga Md. Fua’aad Aadan cade, oo degay goobta loo yaqaano Boholaha xor-goga, halkaasi oo uu ka dhacay khasaare leh dhimasho iyo dhaawacba.

Sida ay xaqiijinayaan warar aanu ka helay magaalada Laascaanood, waxa dhinaca ciidamadii taageersanaa Somaliland kaga dhintay laba askari, halka ay saddex kalena ka dhaawacmeen.

Dhanka kale maleeshiyada majeerteeniya, waxa kaga dhintay saddex qof, halka ay ilaa iyo afar kalena kaga dhaawacmeen, sidaasina waxa noo xaqiijiyay maayarka magaalada Laascaanood C/risaaq Waranle oo ku sugan magaaladaasi.

Wararka aanu ka helay magaalada Laascaanood waxa ay intaasi ku dareen in meydkii iyo dhaawacii dhinaca taageerayaasha Somaliland in la dhigay Cusbitaalka guud ee magaaalada Laascaanood, halka meydkii iyo dhaawaicii dhinaca Majeerteeniyana loo qaaday cusbitaalka Garoowe, iyadoo dadkana loo diiday inay booqadaan dhawaaca iyo meydka majeerteeniya.

Afar qof oo uu ka mid yahay Chief Caaqil Xuseen Aadan Cade, oo ay walalo yihiin wasiirka horumarinta reer miyiga JSL iyo wiil uu caaqilku dhalay, aay maleeshiyada majeerteeniya ka dhex qabqabtay magaalada Laascaanood gudaheeda, kuwaasi oo ay judhiiba u dhaadhiciyeen Garoowe.

Sidoo kale, waxa maleeshiyada majeerteeniya ay nin ka dishay dadweyne ku banaan- baxay maleeshiyada majeerteeniya oo aad uga gadoodsanaa qabashada Chief caaqilka iyo saddexdii kale, kuwaasi oo shalay gelinkii dambe oo dhan ku dhagax tuurayay magaalada gudaheeda.

Dhalinyarada u aar-gudaysay ninka mid ahaa dadka banaan baxa sameeyay ee ay sidaku tallo galka ah u toogteen maleeshiyada majeerteeniya,

Ayaa xalay fiidkii tacshiirada la helay laba maleeshiyada majeerteeniya ka tirsan oo saarnaa gaadhi qori saran yahay, kuwaasi oo judhiiba ku qudh baxay gaadhiga dushiisa.

Waxaa sida wararka aanu xalay ka helay dad jooga Laascaanood ay xaqiijijnayaan xaaladda magaalada Laascaanood in ay aad u kacasanayd xalay, iyadoo shacbiga degmadaasi ay is hubeeyeen, waxaana maleeshiyada majeerteeniya ay magaaladaasi ku soo rogeen bandoo, isla xalay fiidkiiba.

Dhinaca kale waxa warar aanu xalay ka helay gobolka snag ay sheegayaan in maleeshiyo ku hubaysan toddobo gaadhi oo ikniko ah ay ka soo gudbeen xadka u dhexeeya majeerteeniya iyo gobolka sanaag, kuwaasi oo u soo dhaqaaqay gudaha hore ee gobolkaasi.

Ciidan beeleed kale oo iyagu hore looga ururiyay deegaanka bariga sanaag, oo ku sugnaa magaalada badha, ayaa iyaguna la sheegay in halkaasi uga soo ruqaansadeen dhinaca galbeedka gobolka sanaag, hase yeeshee wararku weli ma xaqiijin halka ay labadaasi ciidan ku dambeeyeen.

cabdifataax_96@hotmail.com

Faafin: SomaliTalk Jan 10, 2003 

 QORAALADII HORE EE ABDIFATAX XASSAN