50 Hogaamiye Dhaqameedyo oo Reer Somaliland
ah oo Kusoo aadan Muqdisho
-
Salaadiinta Somaaliland oo nabadeyntooda ka bilaabaya beelihii ku
dagaalamay Gobalka Mudug.
Warar lagu kalsoonahay ayaa tibaaxaya in dhawaan
ay soo gaarayaan magaalada Muqdisho hogaamiyo Dhaqameedyo reer Somaliland
ah.ayagoo casumaad ka helay dhigooda koofureed,si ay uwada falaqeeyaan habkii
nabad loogu soo dabaali lahaa koofurta soomaaliya,oo 13kii sano ee la soo
dhaafay dabku ka holcayay.
Waftiga la filayo oo kor udhaafaya 50 Isim ayaa howshooda ugu horeysa waxay ka
bilaabayaan sidii ay gogol nabadeed ugu fidin lahaayeen beelaha dagaalka
qaraari ku dhexmarayo Dooxada golol ee
Gobolka Mudug,
beelahaas oo kala Sacad(Habar gidir) iyo beesha Saleeman Cabdalle(Dir),
dagaalkaas oo soo jiitamayay muddo ka badan shan sano ahna dagaalka ugu
waxyeelada badan dalka soomaaliya Mudooyinkan dambe, iyadoo dagaalkii ugu
dambeeyay ay iska dileen in ka badan 66 qof dhaawaacuna gaarayay 100 qof hanti
badanna iska gubeen dad badanina ka qaxeen degaankoodii asbuucii la soo
dhafayna ku dagaalamay gudaha magaalada Galkacyo.
Warku waxuu intaa ku darayaa in Salaadiinta imaanaysa badidoodu ay waayo
aragnimo dheerad ah uleeyihiin heshiisiinta dagaalka beelaha, ayagoo
salaadiintaasi hore ugu guulaysatay heshiisiinta beelaha Fiqi Shini iyo beel ka
tirsan Dhulbahante oo ku dagaalami jiray degaan ka tirsan Goblka Sool, waxaa
kaloo isimada ka mid ah kuwo ka qayb qaatay guulihii laga gaarey damintii iyo
soo afjaristii Dirirtii udhaxaysay qolyihii isku haysatay maamulka Puntland ee
Genaraal Cadde Muuse iyo Col.Cabdullaahi Yuusuf.
Waxaa kaloo la xaqiijiyay in maamulka Somaliland ay ku raacsantahay doorka
sallaadiinta ee ku wajahan nabadaynta soomaaliya,balse arrinka siyaasadda ee
kuwajahan shirka ka socda Nayrobi wali dowladu mawqifkeedii hore ayay ka
taagantahay oo ah shir na quseeya ma ahan.
waxaa kaloo la filyaa in salaadiinta somaliland ay wada xaajoon doonaan
hagaamyia dhaqameedyada koofureed oo ka wada tashan doonaan sidii nabad loogu
soo dabaali lahaa dalka soomaaliya oo dagaalku ragaadiyay,mar aanu wax ka
weydiinay mid ka mid ah dadka u xil saaran soo dhaweynta waftiga oo magaciisa
la yiraahdo Axmad Xaaji Seed,oo lagu naanayso (Timacadde) su,aashaasoo
ahayd.Hogaaamiya dhaqameedyada koofurta ee la xaajoonaya waftiga ka imaanaya
somaliland ma Hawiye kaliyaa ?
Waxaa uu noo sheegay Timacadde in hogaamiya dhaqameedyada koofurta ayna ahayn
hawiye kaliya ,balse ay ka kooban yihiin dhamaan 4.5 beelood ,dhammaantoodna
waa ka qaybgalayaan oo beelaan isim ka joogim muqdisho ma jiraan,waana lagu
casumay gogosha wada xaajoodka ayuu yiri.
Ugu dambeyn waxaa magalada muqdisho laga dareemaya soo dhaweynta waftiga ka
imaanaya Somaliland,ayadoo hareysay hadalhayntii shirka Mbagathi oo maalmahan
dambe rajadiisi soo yaraatay.
Cabdi Xasan Cali Somalitalk Muqdisho
abdi172@hotmail.com
Faafin: SomaliTalk.com | September 28, 2003
MAXAA KU HOOSJIRA HESHIISIINTA SOMALILAND AY KU
DHAWAAQDAY INAY U FIDINAYSO BEELAHA USC
FOGAANTA U
DHEXAYSA MAGAALOOYINKA SOOMAALIYA....
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
|