Shir shalay (21.11.03) ka dhacay hotelka 680-ti oo ay deggan yihiin Ergada shirka dib u heshiisiinta Soomaalida ayaa lagu magacaabey guddi heer qaran oo  dabagala dilalkii dhacey tan iyo intii shirka dib u heshiisiinta soomaalida uu ka socdey Kenya.

Dilalka loo geystey Ergada Soomaalida ee shirka ka qaybgalaya ayaa gaaraya ilaa iyo shan ruux marka laga reebo kii ugu danbeeyey ee Marxuum Axmed Rashiid ,baaritaan kadib la ogaadey in wadnaha Istaagey.

Dilkii ugu horeeyey ayaa waxa loo geystey marxuumad Istarliin Cabdi Caruush oo ka mid aheyd Ergada Soomaalida ee shirka wadahadalka Nabad Kenya lagu casuumay oo ilaa iyo haatan aan faraha lagu hayn ciddii geysatey iyo cidii ka danbeysay muddo sanad ah.

shirka shalay ayaa ugu horeyntii hadala soo dhawynta iyo furitaanka waxaa qaatey Cabdulle cali cagooley oo ka masuul ah qaraabada marxuum sheekh Ibraahim cali cabdi, waxaa lagu bilaabey aayado quraan oo uu akhriyey Sheekh Aden Sheek Maxamed, aayadaha ka dib waxaa hadley cadulle cagooley oo xilka dabagalka iyo la xisaabtanka cidii geysatey iyo cidii ka danbeysay ku wareejiyey hogaamiyayaasha soomaalida oo haatan ku sugan shirka wadahadalka nabada Soomaalida ee kenya, waxa uu ka dalbadey muddane Cabdulle in ay si taxadar leh u dabagalaan dhamaan dilalkii dhacay iyo cidii geysatey in ay kala xisaabtamaan dawlada Kenya oo martigalisay shirkan dib u heshiisiinta Soomaalida .

Muddane Cabdalla Deerow Isaaq Guddomiyihii Barlamaanka dawladda KMG ayaa hadalkii qaatey ugu horeyn waxa uu ka dalbadey ergada shirka in faataxo loo akhriyo,faataxada ka did waxa uu u sheegay dhamaan Ergada iyo Soomaalida in maanta wixii ka danbeeya ay dabal joogto ah sameeynayaan ilaa ay ka helaan xaqiiqda ,waayo intii  dilal dhacey ilaa iyo hada dawlada Kenya waxba kama qaban ,cidna danbi kuma soo oogin,maxkamadna ma soo istaajin,anaga saacadan wixii ka danbeeya guddi ayaan u saareynaa iyagagaana daba galaya,sababtoo ah Dawlada Kenya iyadaa na martigalisay iyagaan ka war sugeynay,laakiin hadda anagaa dabagal ku sameyneyna.

Maxamed Saciid Xirsi Morgan oo isna hadal qaatey ayaa u sheegay ergada oo ku qanciyey in ay ka walwal la`aadan maanta wixii ka danbeeya oo guddi loo magacaabayo oo qabta shaqadaasi ,Anaga ceyb ayey nagu tahay in aan sameyno baaritaan iyadoo aan fasax ka heysanin dawlda ,waayo iyadaa na martigalisay oo balanqaadey amaanka Ergada iyo cidkasta oo shirka lka qayb galeysa.

Dilalka  dhacey inta uu shirka socdey:-

1-Istarliin Cabdi Caruush -Ergada Civil.society- la dilay hoaantii bisha Oktober,2002 ,Nairobi.
2-Sheekh Ibraahin Cali cabdi -Ergada TNG-
3-Xasan Cabdulle maxamed   -Ergada TNG-
4-Maxamed Cali cabdi  (wadihii gaariga sheekh ibrah.) 18-bishii oktober lagu dilay Nairobi.
5-Axmed Rashiid Axmed oo isna ku dhintey xerada shirka oo ilaa iyo uu shaki ka jiro,oo 6-novembar lagu sumeeyey xerada Mbagathi.

Dilalkaasi ayaa loo Magacabey Guddi Heer qaran oo kala ah:-
1-cabdalla Deerow Isaaq
2-Cumar Maxamuud Maxamed Filsh
3-cabdullaahi Sheekh Ismaaciil
4-Axmed maxamed Kulan (Puntulant-State)
5-Maxamed Saciid Xirsi Morgan
6-Abdulle cali Cagooley.

Magacaabista Gudigaasi iyo shirka ka dhacey Hotelka 680-ti waxaa kaloo Goob joog ka ahaa :-
Xasan Cabdule Qalaad
Ing.Naaleeye
iyo qaar kale oo wakiil ka ah hogaamiyayasha Soomaalidda ee ka qayb galaya shirka wadahadalka Nabada oo haatan ka socda Mbagtahi,Kenya.

dhamaad.