|
Kulan diineedkii Sadexaad ee Soomaalida Waqooyiga Ameerika
Minneapolis, Minnesota | December 29, 2003
Sawiradii Kulanka Somaalida W/A: Daawo halkan
Waxaa magaalada Minneapolis, ee Gobolka MN lagu
soo gaba gabeeyey shirwaynihii sadexaad ee xiliga qaboobaha kaas oo ku aadanaa
12/28/03, waxaana kasoo qayb galay Culimo farabadan oo ka kala socday Gobalada
kala duwan ee wadanka Maraykana, iyo Ururada bulshada qaar ka mida sida: Ururka
Caafimaadka, Ururka Macalimiinta, Suugaanta iyo Saxaafada.Waxaa shirawaynahaa
kasoo qayb galay dad wayne aad u farabadan oo ka kala socday Waqooyiga Ameerika
laguna qiyaasay in ka badan 5000 oo qof.
Waxaa Kulankaas laga soo jeediyey 12 Muxaadaro
oo isugu jira Diini iyo Maadiba.
Qodobadii ugu Muhiim sanaa ee shirka lagu qaadaa
dhigay waxaa ka mid ahaa;
· Dhibaatada haysata Soomaaliya in xalkeedu yahay Shareecada
islaamka.
· Cudurada Halista ah ee Soomalida dhibta ku haya inay yihiin
Qaaxada, Qaadka, Aids-ka iyo Qabyaalda.
· Naf waliba inay geeri dha dhamin doonto loona diyaar garoobo.
· Television-ka inuu dhib kuhayo Guryo badan oo Soomaaliyeed
gaar ahaana Caruurta iyo Da’yarta.
· Asbaabaha nolasha wanaagsan inay yihiin iimaanka iyo Camalka
suuban.
· In bulshada lagu dhiiri galiyo wax barashada iyo Aqoon
kororsiga, taas oo dhibaatooyin badan looga gudbi karo.
· Xalinta khilaafaadka Qoyska oo lagu saleeyo Shareecada
Islaamka.
· Warbixin ku saabsan dadka la hayb iyo guur sooco.
· Qabyaalada iyo Dhibaatooyinka ay ku hayso Bulshada
Soomaaliyeed.
· Tarbiyada Caruurta iyo Muhiimadeeda.
· Su’aalo iyo jawaabo fara badan.
· Ducooyin iyo dar daaran culimadoo dhan ah.
Ugu danbayntii waxay soo saareen Golaha
Imaamyada Waqooyiga Ameerika (waa imaamayada Masaajida
waqooyiga Ameerika) Baaq ku wajahan dhamaan umada Soomaaliyeed, waxayna ku
dhamaatay iyadoo Muslimiintii halkaas isugu timid ay aad u farax sanaayeen
looguna bishaareeyey inuu dhici doono Kulan Diineed kii Afraad ee Waqooyiga
Ameerika kana dhici doono isla magaala Minneapolis ee Gobolka Minnesota. [Halkan
ka akhri baaqa culimada]
Mahad allaa leh Nabi Muxamedna nabad galyo iyo
naxariis korkiisa ha ahaato.
xasan dhooye abu xafso
dhooye@hotmail.com
Minneapolis, MN, USA
Ma u baahan Tahay Cajladihii
Laga Duubay Mu'Tamarka; Ka Dalbo Risaala
Sawiradii Kulanka Somaalida W/A: Daawo halkan
Faafin
SomaliTalk.com | December 29, 2003
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
| 
Ha
moogaan Maktabada Risaala oo ku taal magaalada Minneapolis oo aad ka heli
kartid kutub Islaami ah oo kala duwan..... GUJI
Denmark:
Saciid Wesing
Singapore:
USA:
Dacwadii Aba Sheikh 
London,
UK:
Nin Soomaali ah oo Lagu Xukumay 8 Sano