|
Baaq ay shirka ka soo
saareen Golaha Imaamyada Waqooyiga Ameerika.
Sunday, December 28, 2003
Waxaa ka furmay Magalaada
Minneapolis ee Dalka Maraykan-ka Shirwaynihii Sadexaad ee Jaaliyada
Soomaaliyeed ee Waqooyiga Ameerika Kaas oo socday inta u dhaxaysay 26-28
December , 2003
Shirkaas oo ay kasoo qayb galeen in kabadan
5000 oo qof , waxaa shirkaas ka hadlay Culimada, Ururka Caafimaadka iyo ururka
Macalimiinta.
Shirkaas ayaa waxaa laga soo jeediyey in
kabadan 12 Muxaadaro oo ku saabsan badbaadada umada. Shirkaas oo maanta si
rasmi ah loo soo gaba gabeeyey 12/28/2003 ayaa waxaa kasoo baxay go’aamadan
hoos ku qoran, oo ay soo saareen golaha imaamyada (waa imaamayada Masaajida
waqooyiga Ameerika) go’aamadaas oo ka tarjumaya arigtada jaaliyada Soomaaliyeed
ee Waqooyiga Ameerika.
- Wuxuu Shirku umada Soomaaliyeed ugu yeerayaa inay u soo
laabtaan ku dhaqanka kitaabka illaahay iyo Sunada Nabigiisa (scw).
- Wuxuu Shirwaynuhu ugu baaqayaa dhamaan dadka Soomaaliyeed
gudaha iyo dibadaba inay u gurmadaan dadka ay abaaruhu ku dhufteen ee ku
nool Soomaliya.
- wuxuu shirku ugu baaqayaa inay dagaalka joojiyaan dhamaan
dadka Soomaaliyeed, gaar ahaana kuwa hada ku dagaalamayaa
GOBOLKA GALGUDUUD
ilaahayna ay uga toobad keenaan waxay
gaysteen iyo inay u xukun tamaan shareecada islaamka.
wuxuu shirku ugu baaqayaa umada Soomaaliyeed inay
aayahooda ka tashadaan iyagoo kamaar maya faragalin shisheeye
khilaafaadkooda ku xaliyaan Kitaabka iyo Sunada.
wuxuu shirku ugu baaqaayaa umada Soomaaliyeed inay
joojiyaan dadka walaala hood ah ee ay guur iyo hayb soo cayaan.
Shirku wuxuu dadka Soomaaliyeed ku dhiiri galinayaa in
lagu dadaalo xaga waxbarasha maadaama aysan jirin Dowlad Soomaaliyeed, lana
taageero Iskuulada hada jira lana asaaso kuwa hor leh Sida; Jaamacadaha,
Machadyada, Iskuulada Sare iyo Kuwa hooseba.
wuxuu shirku ugu baaqayaa dhamaan dadka Soomaaliyeed ee
ku dhaqan Waqooyiga Ameerika inay xoojiyaan midnimada iyo is kaashiga sida;
Culimada, Aqoonyahanadda, Siyaasiyiinta, dhalinyarada, Ururada Bulshada iyo
dhamaan qaybaha kale ee Bulshada.
Wuxuu shirku ugu baaqayaa Jaaliyadaha Soomaaliyeed ee
Waqooyiga Ameerika in ka qayb qaataan sidii loo furi lahaa Iskuulo Islaami
ah, oo lagu badbaadinayo dhilinta Soomaaliyeed ee ku nool Waqooyiga Amerika.
ugu danbayntii wuxuu shirku umada Soomaaliyeed ku
boorinayaa alle ka cabsi iyo is garabsi.
Mahad allaa leh Nabi Muxamed
nabad gelyo iyo naxariis korkiisa ha ahaato.
Golaha imaamyada ee Waqooyiga
Ameerika.
xasan dhooye abu xafso
dhooye@hotmail.com
Minneapolis, MN, USA
Sawiradii Kulanka Somaalida W/A: Daawo halkan
Faafin
SomaliTalk.com | December 29, 2003
....
Copyright
& Islaamku wuxuu ka qabo.... Akhri
Kulaabo bogga hore ee
www.somalitalk.com
| 
Ha
moogaan Maktabada Risaala oo ku taal magaalada Minneapolis oo aad ka heli
kartid kutub Islaami ah oo kala duwan..... GUJI
Denmark:
Saciid Wesing
Singapore:
USA:
Dacwadii Aba Sheikh 
London,
UK:
Nin Soomaali ah oo Lagu Xukumay 8 Sano