Catoosh waaka xumaatay Anna waan ka xumahay
Waxaan akhriyay jawaabtii weriye Catoosh oo aan
layaabay habkay u qorayd erayo iyo xikmadba.Waxaan ka xumahay sida ay
saaxiibkeen Catoosh uga xumaatay.
Waxaan ku raacsanahay ninka yiri BBC-du ha
caddayso mawqifkeeda ku wajahan qoraalka Catoosh. Waxaanse doonayaa inaan halkan
ka caddeeyo in Soomaalidda maantu aanay ahayn tii 45 sano ka hor markaas oo
la,aasaasay Laanta Afsoomaaliga. Waxaan filayaa in BBC-da laf ahaanteedu ay
sidaas u fahansantahay taas oo, aan u malaynayo inay, keentay war saxaafaddeedka
lala beegsaday Soomaalidda Qurbaha oo ay BBC-du wadnaha farta kaga hayso in
suuqxumo wayni dhankooda ka hayso.
Hoos udhaca xiisaha BBC-da loo hayaa waa mid
dalka gudihiisa laga dareemi karo taas oo, aan umalaynayo inay, keentay
barnaamijka mawjadda FM ka ee dhawaantan la bilaabay.
Haddii aad arki jirtay dad badan oo ku xoonsan
makhaayadaha galabtii oo aad moodo inay Xajarul-aswadka Maka barakaysanayaan
waxaad iminka dareemi kartaa in la helay baddiil faro badan oo maqal, akhris iyo
muuqaalba leh. Waxaabad mooddaa in iminka Kanaalka Al-Jazeera
uu #1 yahay.
Isku soo wadda duuboo BBC dhagaysigeedu wuxuu
xiiso lahaa markii Soomaalidda la burburinayay, SOOMAALIDDIINA WAA BURBURTAY.
Haddaan usoo laabto dhaliisha loosoo jeedinayo
BBC-du maaha mid hadda bilaabantahay waxaase marag-madoonto ah in sanaddihii u
danbeeyay si weyn oo aan horay loo arag loo dhaliilsanaa iyaddoo lagu xamanayo
miisaan la,aan dhinacyo badanleh.
Way jiraan dad ujeeddo qaloocan leh oo haddii
wararka maalintaasi raali galin waayaan afkoodda furta waxay doonaana ku hadla
laakiin waxaan maqli jiray (Carab shuuf ku waashay waxbuu qoonsaday) taasoo aan
uga jeeddo haddii BBC-du ay "maskaxda Soomaalidda quudin jirtay" maxaa
isbaddalay oo "Quudiyihii" iyo " La-quudiyihii" soo kala
dhexgalay??
Waxaan marlabaad codsanayaa in BBC-du ay
caddayso mawqifkeeda ku wajahan qoraalka Catoosh.
WQ. ibnu | ibnunets@netscape.net
July 15, 2002
AFEEF: Aragtida qoraalkan waa mid u gaara qoraaga ku saxiixan
| 