|
CATOOSH
SIDEE BAY KAA NOQOTAY?!!
WQ:
Mohamed-Deeq Abdi-Madar "Haldhaa"
Qoraa iyo saxafi Soomaaliyeed,
Sweden, Borlänge
haldhaa35@hotmail.com |
July 11, 2002
Run ahaantii aad baan u xiisayn jiray sida uu weriye Catoosh
u soo diyaariyo wararka iyo faallooyinka Soomaalida ku saabsan amaba geeska
Afrika. Laakiin wuxuu hankaygii hoos u dhacay markii aan akhriyay maqaalkii aad
kaga jawaabaysay aragtidii Shariif Osmaan (BBC-du Maskaxda Soomaalida ayay
Quudisaa". Sidee bayse kaa noqotay?!!.
|
"qof caadifiyaddu ka caraysiin
karto ma qaadi karaa masu''uliyad u baahan xaqiiqo
raadin iyo in loo falanqeeyo arrin kastaaba sida ay tahay"
Jawaabtii
Bashiir
Jaamac.
|
Shariif Osmaan wuxuu ka hadlay shir Soomaalida quseeyay oo ka
dhacay Jaamacadda Minnesota, oo ay BBC-du Qabatay. Wuxuu kaloo sheegay in
shirkaas si hoose oo dhabar ka taabosho ahayd laysugu yeeray, xittaa inaan loo
yeerin arydaydii jaamacadda dhiganaysay iyo dad badan oo magaaladaas deganaa.
Wuxuu kaloo sheegay inuu dhaliilay warbixintii Yuusuf Garaad iyo sida uu u
sharraxay BBC-da iyo ujeedadeeda.
Haddaba waxaan rumaysnahay haddii Shariif Osmaan loo
jawaabayo in looga jawaabi lahaa wixii uu yiri oo qura ee aan la aflagaadayn
shaqsiyaddiisa iyo magaciisaba. Waxaan kaloon rumaysnahay ninka jawaabta leh
inuusanba adiga ahayn ee uu ahaa Yusuf Garaad. Haddiise aad Catooshoow adigu
meesha soo gashay, jawaabtii uu mudnaa Shariif Osmaan ma aadan siin ee waad
aflagaadaysay. Arrintaasuna maahan mid ku habboon adiga iyo inta ku hawllan
arrimaha saxaafadda. Taasna waxaannu kaaga baahannahay raalli gelin ku socotta
Shariif Osman iyo bahda Saxaaffadda oo dhan.
|
" haddii aan mawduuca laga
doodayo la weerarin oo shaqsiyadda qofka la weeraro waxaa lumaya ujeeddadii
doodda ama quruxdii qoraalka, arrintuna waxay isu beddelaysaa weerar shaqsi iyo
difaac shaqsi". Maxamed-Deeq
|
Arrinta aad ku eedaysay Bogga "SomaliTalk" waan
kugu khilaafsanahay, sababtoo ah maqaalkii Shariif Osmaan wax lagu dhalliilo
igama muuqan wax laga jawaabo mooyaanee.
Waxaa kaloon iyadana ila qurxoonayn sida uu kuugu soo
jawaabay ninka la yiraahdo
Bashiir
Jaamac. Sababtoo ah haddii aan mawduuca laga
doodayo la weerarin oo shaqsiyadda qofka la weeraro waxaa lumaya ujeeddadii
doodda ama quruxdii qoraalka, arrintuna waxay isu beddelaysaa weerar shaqsi iyo
difaac shaqsi.
WQ: Mohamed-Deeq Abdi-Madar "Haldhaa"
Qoraa iyo saxafi Soomaaliyeed, Sweden, Borlänge
haldhaa35@hotmail.com
###
AFEEF: Aragtida qoraalkan waa mid u gaara qoraaga kusaxiixan
SOMALITALK.COM | July 11, 2002
|