Ma runbaa in Yusuf Garaad Cumar yidhi Idaacadda BBC.du “waxay quudisaa maskaxda Soomaalida”

Horumarka is-gaadhsiintu waxay qayb libaax kaga jirtaa, is-fahanka, is-dhexgalka iyo iska warhaynta dacalada aduunka, dabcan waxyeeladeeduna meesha ka madhna, waxaa iyana mararka qaarkood ay ka qaalib noqoda fekerka shakhsigu.

Marka aan u soo noqdo mawduuca, laanta afka Soomaaliga ee BBCda iyo shaqaalaheeda waxaa beryahan loo soo jeedinayey eedaymo iska daba joog ah oo intooda badan loo aanaynayo dhacdooyin ula kac ah (si aan kama’ ahayn) oo ay galeen shaqaalaha laantu.

Hadaba marka aad eegto hadafkii BBCda laanta Afka Soomaliga ma waxaa ka qaalib noqday feker shakhsi oo noqtay mid si xun loogu takri-falay iyada oo looga ka faa’iidaysanayo

1. kaalinta ay banaysay saxaafada dalka ee burbursan

2. Maamulka sare ee BBCda oo aan aad ula socon maamul xumada ka jirta laanta?

Marka aynu eegno Soosaaraha iyo Isticmaalaha (Producer and User) had iyo gooraale isticmaaluhu wuxuu leeyahay awood aad u saraysa. Go’aanka loo adeeguhu waa kan ugu muhiimsan horumar kasta oo la gaadho, hadii kale wuxuu xaalku isu bedeli-karaa dhaliil iyo waxyeelo, nacayb iyo karaahiyo loo qaado soo saaraha, taasi waxay keentaa in badeecadiisu gadmiwaydo.

Hadii aynu tusaale usoo qaadano waxaa jiray mar 80’aadkii idaacada BBCda laanteeda afka Soomaligu ku sigatay in la xidho kadib

1. Markii uu hirgalay nadaamkii curdanka ahaa ee warbaahinta Soomaaliya

2. Dagaalkii qaboobaa oo aduunka kala xidhay, kaas oo adkeeyey inay warar sax ah helaan idaacadihii sida BBCda ahaa, kadibna ay garanba waayeen heerka adeeg oo ay hayaan iyo waxtarkiisu inta uu le’eg yahay.

Taas waxaa gaashaanka u daruuray dad badan oo Soomaaliyeed oo wax laga waydiiyey, waxa kale oo la waydiiyey Xasan Guleed Abtidoon madaxwaynihii jabuuti ee waqtigaa oo cadeeyey in dadka Soomaaliyeed u baahan yahay BBCda, waxaa kale oo la waydiiyey sida aan maqlay madaxwaynihii Soomaaliya waqtigaa Maxamed Siyaad oo ku jawaabay inay soomaaliya leedahay idaacado. Yusuf miyuusan ka fekerin inuu dadkiisa ku waxyeelaynayo masuuliyad ay u dhiibeen.

Erayada kasoo yeedhay tifatiraha laanta afka Soomaliga Yusuf Garaad Cumar waxay daah fureen dhaliilo badan oo idaacada loo soo jeedinayey. Waxay dad badan arkaan in idaacadu u gacan gashay koox iyadu dana gaara leh oo si xun u ugu adeegaysada awooda idaacadeed iyo dhaqaalaheeda dana gaara.sida:

1. Kaalinta muhiimka ah oo ay buuxin kari wayday laanta afka soomaaligu

2. Miisaan la’aanta soo wajahday beryahan danbe

3. Tixgelin la’aanta dhaqanka soo jireenka ah ee qofka Soomaaligu leeyahay

4. Waxaa lagu eedaynayaa in idaacadu ka danbayso dhibaatooyin fawdo ah oo ka dhaca Soomaliya.

Hadaba war la helyaaba talo la hel, mar hadii waqtigan uusan ahayn 80’aadkii, mar hadii dalka Soomaaliya uu burbursan yahay siyaasad, dhaqaalo iyo dhinacyada kaleba, waxay iila muuqataa in loo qaybiyo waqtigeeda gobolo ama Area Group qolo waliba markeeda soo gasho, aniga oo rumaysan in aanay ka waxtar yaraan doonin kana waxyeelo yaraan doonaan Radio Dalmar, Radiogolis, Radio Sweden, Sagalradio, scerdo ...

Xasan Nuur | SRG14@jubiimail.dk 

QORAALADII HORE EE XASSAN NUUR 

July 16, 2002