SOMALITALK.COM
w w w . S o m a l i T a l k . c o m
SOMALITALK - WARBIXIN

Wararkii ugu Dambeeyey ee Dagaalka weli ka socda Xarunta Ganacsiga Westgate Mall ee Magaalada Nairobi

LIVE UPDATE: Ka daawo NTV videoga hoose

Sidoo kale daawo KTN


Live streaming video by Ustream

Iyadoo Maalintii Shaley ahayd ayaa Xarun weyn oo Ganacsi oo ku taala Magaalada Nairobi waxaa la wareegey Koox aad u Hubeysan kuwaa oo markiiba bilaabey in ay Dadka Rasaas la Dhacaan , waxaana ilaa iyo Hadda la Xaqiijiyey in ay ku Geeriyoodeen 69 Qof , waxaa ku Dhaawacmey ilaa ku dhawaad 200 oo Qof iyadoo dadka Dhintey ay ku jiraan dad Reer Galbeed oo ilaa iyo hadda aan la Shaacin Wadamada ay ka soo jeedaan

Xarunta Westgate oo ah Xarun loo soo Dukaameysto ayaa waxaa ilaa iyo hadda gacanta ugu jirtaa Kooxihii halkaas soo Weerarey , iyadoo Ciidamo kala Duwan oo ka socda Wadanka Kenya ay ku Hareereysan yihiin , ,waxaana wararkii ugu Dambeyey ay Sheegayaan in Ciidamada Kenya ay hadda gaareen Dabaqa Labaad ee Xauntaas iyadoo kooxaha halkaas ku jira ay isugu Ururreen Dabaqa ugu Koreeya ,waxaana la sheegey in Dad badan ay halkaas ku haystaan Kooxahaas.



Dadkii ka soo Badbaadey oo u waramayey Saxaafada ayaa sheegey in Meesha ay ka dhacadey Musiibo aad u weyn ilaa hadda waxaa weli socda Dagaalka u dhaxeeya Ciidamada Kenya ee halkaas ku hareereysan iyo Kooxaha halkaas weerarey , waxaana mararka qaar la maqlayaa Qaraxyo aad u waaweyn , waxana Dadka qaar ay ka soo boodayaan Dariishadaha Xaruntaas ,warar aan la Xaqiijin ayaa sheegaya in Ciidamo Ingiriis iyo Mareykan ay gacansiinayaan Ciidamada wadanka Kenya oo Muddo Afar iyo Labaatan Saac dagaal kula Jirey Kooxahaas.



Waraka naga soo gaaraya Magaalada Nairobi waxay sheegayaan in dadka halkaas ku Dhintey uu ku jiro nin u shaqeynayey Hayadda IIDA oo lagu Magacaabo Yaasiin Xirsi ,waxaana maanta lagu aasey Magaalada Nairobi , sidoo kale waxaa iyana la Xaqijiyey in ay ku Dhinteen ilaa Saddex Qof oo Soomaali ah ,waxayna Wararkii ugu dambeeyey ay sheegayaan in uu weli Socdo dagaalka Kooxaha halkaas weerarey ay u Afduuban yihiin dad fara badan.

Warar ayaa sheegyaa in Xubno ka tirsan Qoyska Madaxweynaha Kenya ay ku jiraan dadka halkaas ku Dhintey ama ku waxyeeloobay sidoo kale warar ayaa sheegaya in Xarunta weli lagu haysto Dibolmaasiyiin reer Galbeed ah sidaa waxaa lagu ogaadey Gawaarida ay kaga tageen Xarunta Horteeda sidoo kale dadka reer Kenya ayaa Buux dhaafiyey Isbitaalada Magaalada Nairobi si ay u helana dad ka maqan oo markii ugu dambeysey lagu sheegey in ay ku jiraan Xarunta ganacsiga Westgate

Madaxweynaha Kenya oo Shir Jaraaid qabtey ayaa falkaas ku Tilmaamey mid Argagixso isagoo hoosta ka xariiqey in ay dagaal la Geli doonaan Kooxaha Argagixisa ha joogaan Gudaha ama dibdda waxaana uu Tacsi u Direy dadkii hlkaas ku geeriyoodey sidoo kale Madaxweynaha Soomaaliya Xasan Shiikh oo haatan ku sugan Cariga Mareykanka ayaa isna Dhambaal tacsi ah u Direy Madaxweynaha Kenya isagoo sheegey in Dowladiisa ay aad uga Xun tahay wixii ka dhacay Xarunta Westgate

Afhayeenka Guud ee Xarakada Shabaab Shiikh Cali Maxamuud Raage (Cali Dheere) oo ka hadlay Warbaahinta ku hadasha Afka Xarakada Shabaab ayaa sheegay in Ciidamo ka tirsan Mujaahiddiinta Al Shabaab in ay qaadeen Weerarkaas isagoona sheegay inuu yahay mid ay kaga aar gudanayaan Duulaanka Ciidamada Kiinyaanku ku soo galeen gudaha Soomaaliya.

Cali Dheere Af Hayeenka ayaa ku Celiyay Digniin ay hore Shabaabku ugu jeediyeen Dalka Kenya iyagoona mar kale ugu baaqay in ay isaga baxaan Dalka Soomaaliya. Afhayeenka Xaraakada Shabaab ayaa ku Goodiyay haddii Xukuumadda Kenya ay u Hoggaansami weydo Awaamiirta ay u soo Jeedinayaan oo ah in Ciidamadooda Dalka Soomaaliya kala baxaan in Magaalada Nairobi aysan Xasiloonaan doonin
Xaaladda Xaafadda Islii ee Soomaalidu degto ee Magaalada Nairobi ayaa deggan in kastoo la dareemayo cabsi fara badan oo ay qabaan Soomaalida halkaa degta.

qaar ka mid ah Soomaalida halkaa ku Dhaqan oo la hadlay Warbaahinta Caalamka ayaa sheegay in marka ay dhacdo tii shalay ka dhacaday Magaalada Nayroobi oo kale ay dhacdo in lagu Qamamaamo Dadka Islaamka ah ama Soomaalida ah kuwaas oo si Naxariis darra ah loola Dhaqmo
.Soomaalida ku dhaqan Xaafadda Islii ee Magaalada Nairobi ee Dalka Kenya ayaa ku jira xiligan Hubsasho ay Hubinayaan sida ay noqdaan Xaaladaha cakiran ee ka soconaya goobta ay Mashaqadu ka dhacday Weastaran Gate.Dukaamada qaar ayaa la furay iyadoo Gaadiidka Magaaladuna ay shaqeynayaan in kastoo cabsina ay jirto
.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk

Waraysi: Prof. Axmed Samatar oo ka hadlay Musuq Maasuqa Dawladda Federaalka Soomaaliya.

Faafin: SomaliTalk.com | Sept 22, 2013

 

Kulaabo bogga www.SomaliTalk.com © www.SomaliTalk.com

 

Qaadka Quba


Xukuumada Federaaliga ah ee Soomaaliya waxay aqoonsan tahay sharciga qaran ee badaha Law No. 37. ee qeexaya dhererka xadka badda “territorial water” ee gaaraya 200 mayl-badeed iyo continental shelf . Waxay dawlada Soomaaliya ogolaatay xeerka badaha aduunka ee ay wax ka saxiixday 24kii Luuliyo 1989 ayadoo aan ka tanaasulin sharciga qaran.
akhri....



Wasiirka Horumarinta Caalamiga ah ee Norway: "Soomaaliya waxay si waadix ah beesha caalamka ugu sheegtay in Xuduud-Badeedka ay la wadaagto Kenya aan la isla meel dhigin..."



Norway oo Waftigii Baarlamaanka ee Booqday Oslo usoo dhiibtey Dukumiinti lagu Burburinayo Sharciga Badda Soomaaliya ee Law No. 37



Waa Maxay Faraqa u Dhexeeya Dhul-badeedka (Territorial Sea) iyo Aagga Dhaqaalaha (EEZ)?


 

Copyright © 2013 SomaliTalk.com All rights Reserved.;