Khuburo ka socotey Jaamacada Oxford University iyo Hayadda Article 19 oo
Qaybaha Warbaahinta kala Qayb galey Dood ku saabsan Sharciga Saxaafadda.
Waxaa Magaalada Muqdisho lagu qabtey Dood ku saabsan Xeerka Saxaafada oo ay
dhawaan soo gudbisey Dowladda Federaalka ,waxaana sida Wadajir ah Dooda u soo
wada qaban qaabiyey Qaramada Midoobey,Wasaarada Warfaafinta , Ururka
Sxaafiyiinta Qaranka Soomaaliyeed ee Nusoj waxaana goob joog ka ahaa wasiir ku
xigeenka Wasaarada Warfaafinta, Boostada iyo Gaadiidka Cabdishakuur Cali Mire ,
Sharciyaqaano ka Socotey Jaamacada Oxford University, , Quburo iyana ka socotey
Hayadda Article 19, Qaybaha kala duwan ee Saxaafadda iyo marti Sharaf kale
Ugu horeyntii waxaa halkaa ka Hadley wasiir ku xigeenka Wasaarada Warfaafinta
Cabdishakuur Cali Mire oo sheegey in la gaarey Xiligii uu xeer kala Hageyn lahaa
Saxaafadda Soomaaliyeed waayo Adduunka oo dhan ayaa uu sheegey in uu jiro Sharci
lagu Maamulo Qaybaha kala Warbaahinta wuxuu intaa ku darey “Ma jiraan wax
jaantaa rogan ah oo aan Xuduud lahayn marka Sharciga Saxaafada waa mid kala
badbaadinaya Dowladda ,Saxaafada iyo Shacbiga Soomaaliyeed marka waa in aan u
guntanaa sidii loo heli lahaa Sharci Saxaafadeed”
 Xubnii kala ee ka Hadley Agaasimaha Warbaahinta Mudane Cabdiraxmaan Yuusuf
Sheekh Al Cadaala ayaa sheegay in ay Nasiib wanaag tahay in la gaaray xiligaan
Warbaahinta ay sameeystaan shuruuc kala hagaya ayna Munaasib tahay in
Shuurucadani ay noqdaan kuwa ku saleysan Nidaam oo wax aan u dhimeyn Qaranimada
Soomaaliyeed marka waxaa Dhamaanteen Waajib nagu ah in aan meel marino
Sharcigaan si looga baxo Caqabadaha mar waliba ka dhex dhaca Dowlada iyo
Saxaafada Madax Banaan.
Xubnhii kale ee halkaa ka Hadley waxaa ka mid ahaa Xoghayaha Ururka
Sxaafinyiinta Qaranka Soomaaliyeed Maxamed Ibraahim Bakistaan oo si aad ugu
dheeraadey Heerarkii uu soo marey Sharcigaan laga so bilaabo Dowladii Cabdulaahi
Yuusuf ,waxaakale uu sheegey in sharcigaan uu u baahan yahay in wax badan laga
saaro , wax badana lagu daro sidaa darteed waxaa Saxaafadda looga baahan yahay
in ay si wanaagsan isaga eegaan Sharcigaan ay Dowlada Soo gudbisey
Patrick oo ka socdey Hayadda Article 19 ayaa sheegey in ka doodista Sharcigaan
loo baahan yahay in laga tala geliya Dhamaan Saxaafada Soomaliyeed meel kasta ha
joogaan si loo helo Sharciga loo wada dhan yahay , sidoo kale waxaa uu sheegey
in lo baahan yahay in Qaybaha kala Duwana ee Saxaafada ay si taxder leh isaga
eegaan Sharcigaan maadaama uu yahay sharcigii lagu dhaqi lahaa Saxaafadda
Mustaqbalka .
Sharciyaqaanadii ka socdey Jaamacada Oxford University ayaa sheegey in ay si aad
ugu faraxsan yihiin in ay Muqdisho kala qayb galaan Qaybaha kala duwan ee
Warbaahinta dood ku saabsan Sharciga Saxaafada , waxay kaloo ay sheegeen ama ku
Baraarujiyeen Qaybaha Warbaahinta in soo Akhriyaan Sharciyada Saxaafada ee ka a
jira Wadamada Calaamka si ay Saxaafada Soomaaliyeed u helaan Macluumadda aad u
fara badan oo la xiriira Sharciyada Saxaafada ee Caalaamka , waxaana la filayaan
in Waqtiyada soo dhow iyana la qabto dood ku saabsan Sharcigaan.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | March 23, 2013
| 
Daabaco
Boggan | Print
