Warar ku saabsan Shirka Dowladda Federaalka Maamulka Raaskambooni uga
Socda Aadis –Ababa
Dowladda Norway oo si weyn u daneyneysa Shirka Adis-Ababa
Wararka naga soo Gaaraya Magaalada Adis-Ababa ee dalka Itoobiya waxay sheegayaa
in halkaasi uu shir uga socdo Dowladda Federaalka iyo Maalmulka Raas Kambooni ee
uu Hogaamiyo Axmed Maxamed Islaam (Axmed Madoobe) waxaana Wada hadaladaas la
doonaya in lagu Dhameeyo Xaalada ka taagaan Gobolada Jubbooyinka , waxaana
kulankaan soo qaban qaabiyey Dowlada itoobiyaha.
Wada hadaladaan ayaa waxaa la sheegey in weli la isku mari la’ yahay inkastoo
Dowladda Itoobiya ay sheegtey in wada hadaladii u dhaxeeyey Dowladda Federaalka
iyo Maamulka Raas Kambooni lagu heshiiyey Saacadaha soo socdana la qaban doono
Xafladii lagu soo gabagabeynayo Kulankaas, Iyadoo Dowladda Federaalka ay wada
hadaladaas ay u Matelayaan Wasiiru Dowlaha Madaxtooyada Faarax Cabduqaadir ,
Lataiyaha Dhinaca Siyaasada ee Madaxweynaha Cabdiraxmaan Cabdishkuur iyo
Safiirka Dowladda Federaalka u fadhiya dalka Ingiriiska Mudane San Boloolshe ,
Dhinaca Raas-Kambooni waxaa u Matelaya Axmed Madoobe , Cumar Cabdirashiid iyo
Prof Maxamed Cabdi Gaandi
Wararka waxy intaa ku daryaan in ay Adkaatey in la isku Afgarto Qodobada qaar oo
ay ugu horeyso sidii loo qaybsan lahaa Dhaqaalaha ka soo Xarooda Dekeda iyo
Garoonka Diyaaradaha ee Kismaaayo iyadoo Qodobada kale ee lagu Heshiisyey ay ka
mid yihin sida loo qaybsanyo dhinaca maamulka waxaa la isku Afgartey in Maamulka
uu laba Sanno Hogaamiyo Axmed Madoobe islamarkaana loo sameeyo Saddex Madaxweyne
ku Xigeen sidoo kale waxaa la isku Afgartey in Maamulka loo bixiyo Jubba oo laga
Bedelo Jubbaland.
Wararka aan ka heleyno Magaalada Adis-Ababa waxay sheegayaan in Dhaqaalaha ku
baxaya Shirkaas la sheegey in ay Bixineyso Dowladda Norway oo iyadu daneyneysa
in meel ay u dhacdo Xaalada Gobolada Jubbooyinka si uu u Hirgalo Ujeedkeeda ah
in ay soo saarto Shidaalka ku jira Badda Soomaaliya waxaana sidoo kale Xubnaha
kulankaas ku jira ka mid ah Raiisul Wasaarihii hore ee Dowladii Federaalka Cumar
Cabdirashiid oo ka mid ahaa ragii ka dambeeyey in qayb ka mid ah Badda
Soomaaliya loo Ogolaado Shirkado Norway ah iyadoo soo mareysa Dhinaca Dowladda
Kenya sidoo kale waxaa wada hadaladaas ku jira Cabdiraxmaan Cabdi Shakuur oo
isna ka mid ahaa Wasiirkii Saxiixey Heshiiskii Badda ee Kenya.
Siyaasiyiin ka soo jeeda Gobolada Jubboyinka ayaa si kulul uga Horyimid Shirka
ka socda Magaalada Adis-Ababa uga socda Dowladda Fedraalka iyo Maamulka
raas-Kambooni waxayna sheegeen in aysan aqoonsan doonin waxa ka soo baxa
Shirkaas iyagoo ku Tilmaamey raga halkaas isugu tagey kuwa hal meel ka soo jeeda
, waxayna sheegeen in Shirkaas ay ka maqan yihiin dhamaan Beelaha halkaas Dega
waxayna Dowladda ka Codsadeen in aysan Saxiixin Shir aan loo Dhameyn.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | Aug 29, 2013
|
Daabaco
Boggan | Print
