- Wafdi Uu Hogaaminayo Gudoomiyaha Baarlamaanka Oo Gaaray Caasimadda Dalka
Norway Ee Oslo …WARSAXAAFADEED
- Xildhibaanada kala ah Cumar Furdug, Amiin Aloow Iyo Maxamed Omar oo lagu
soo dhaweeyay Wadanka Sweden
Wafdi Uu Hogaaminayo Gudoomiyaha Baarlamaanka Oo Gaaray Caasimadda Dalka
Norway Ee Oslo …WARSAXAAFADEED
April 6, 2013: Wafdi uu hogaaminayo Gudoomiyaha Baarlamaanka Jamhuuriyadda Federaalka
Soomaaliya Mudane Maxamed Sheeekh Cismaan Jawaari ayaa gaaray magaallo
madaxda dalka Norway ee Oslo halkaasi oo si diiran loogu soo
dhaweeyey.
Wafiga Gudoomiyaha Baarlamaanka ayaa waxaa garoonka diyaaradaha
magaalada Oslo kusoo dhaweeyey mas’uuliyiin ka tirsan Dowladda Norway
iyo Jaalliyadda Soomaaliyeed ee ku nool dalkaasi Norway. Gudoomiyaha Baarlamaanka Baarlamaanka Federaalka Soomaaliya Mudane
Maxamed Sheekh Cismaan Jawaari ayaa waxaa socdaalkiisa ku wehliya
Gudoomiye Ku Xigeenka Koobaad ee golaha Baarlamaanka Mudane Jeeylaani
Nuur Iikar, gudoomiyeyaasha 15ka gudi ee Baarlamaanka iyo saraakiil ka
tirsan xafiiska Gudoomiyaha.
Socdaalka Gudoomiyaha Baarlamaanka iyo wafdigiisa ay ku joogaan
magaalada Oslo ee dalka Norway ayaa yimid kadib markii uu Gudoomiyaha
casuumaad rasmi ah ka helay Dowladda Norway waxaana inta uu jogoo
magaalada Olso la kulmi doonaa mas’uuliyiin ka tirsan Dowladda Norway,
mas’uuliyiin horey xilal kala sar sare dalkaasi ugasoo qabtay iyo
Jaalliyadda Soomaaliyeed ee Norway. Sidoo kale Gudoomiyeyaasha gudiyada joogtada ah ee Golaha Baarlamaanka
ayaa iyaguna inta ay ku suganyihiin magaalada Oslo waxey la kulmi
doonaan Gudoomiyeyaasha gudiyada Joogtada ah ee Baarlamaanka dalka
Norway. ----DHAMAAD---- Xafiiska Warfaafinta Gudoomiyaha Baarlamaanka
###
Xildhibaanada kala ah Cumar Furdug, Amiin Aloow Iyo Maxamed Omar oo lagu soo
dhaweeyay Wadanka Sweden
Waxaa habeenkii Xalay Magaalada Caasimada Labaad ee Wadanka Sweden ee
Gothenburg soo gaaray oo lagu soo dhaweeyay Saddex Mudane oo ka tirsan
Baarlamaanka Somalia kuwaas oo kala ah Cumar Cali Nur (Cumar furdug). Maxamed
Amin Xasan (Amin Aalow) iyo Maxmed Cumar Maxamud.
Mudanayaashaan ayaa ka qeyb galaya Shirweynaha Xisbiga Socaildemokraterna oo
sanad walba shirkiisa lagu casuumo Marti Sharaf kala duwan oo is kaga yimaada
Caalamka.
Xildhibaanada Soomaaliyeed ayaa ka mid ah Xisbiga Midnimada Bulshada
Soomaaliyeed ee “SSUP”Xisbigaas uu Hogaamiyo Siyaasiga Yassin Maaxi Mo’allim oo
Fadhigiisa yahay Wadanka Sweden.
Gudoomiyaha Xisbiga SSUP Mudane Yassin Maaxi ayaa Ubaxyo iyo caleemo qoyan ku
soo dhaweeyay Mudanayaashaasi waxuuna yiri asagoo hadalo kooban ka jeediyay soo
dhaweyntooda.
“Mudanayaal soo dhawaada waxaad Xildhibaano Soomaaliyeed u tihiin Shacabka
Soomaaliyeed anagana waan ka mid nahay waxaan jacelahay anigoo ah Gudoomiyihiina
Xisbiga SSUP in aan idiin ku soo dhaweeyo Wadanka Sweden Sidoo kale horay ayaad
dalka igu soo dhaweeyseyn maantana halkaan ayaan idiinku casuunay oo aan idiin
ku soo dhaweyneynaa” ayuu hadalkiisa ku soo kooban Mudane Maaxi.
Xildhibaanadaan ayaa lagu wadaa inta ay joogaan wadanka Sweden in ay kulamo la
qaataan Madax ka tirsan Wadanka Sweden Iyo Jaaliyada Soomaalida Wadanka Sweden.
Dhanka kale Soo dhaweeynta Mudanayaashaan ka yimid dalka ayaa waxaa ka qeyb
qaatan oo Siyaasiga Hassan Muuse Ali “Qoslaaye” oo ka mid ah Xubnaha Firfircoon
ee Xisbiga SSUP u fadhiya Caasimada Labaad ee Wadanka Sweden ee Gothenburg.
Isku soo wada duub Mudanayaashaan ka tirsan Baarlamaanka Somalia ayaa ka mid ah
Xisbiga SSUPayagoo casuumaadooda ay tahay mid Xisbiga SSUP uu ka shaqeeyay taas
oo ku tusineysa sida Xisbiga SSUP uu horay talaabo wax ku ool ah ugu qaaday
dhanka is badalka Siyaasada cusub ee uu hiigsanaya Xisbiga SSUP
SSUP Media
www.ssup.se
Faafin: SomaliTalk.com | April 6, 2013
| 
Daabaco
Boggan | Print
