Soomaaliya: $50,000 ayaa lagu abaal marinayaa soo
gudbinta xogta la xiriirta dambiilayaasha bartilmaameedsada suxufiyiinta
Soomaaliyeed
Ra’iisal Wasaaraha ayaa dhaleeceeyay kana tacsiyeeyay dilkii wariye Maxamed
Ibrahim
Muqdisho, Abriil 22, 2013...... Ra’iisal Wasaaraha Xukuumada Fedaraaliga ah
ee Soomaaliya muddane Cabdi Faarax Shirdoon Saacid ayaa maanta si kulul u
cambaareeyay dilkii foosha xumaa ee loo gaystay Wariye Maxamed Ibrahim Raage oo
koox hubaysani ku dileen xaafada Dharkeynley ee duleedka Muqdisho, fiidnimadii
Axada. Wariyaha ayaa kamid ahaa suxufiyinta Telefeshinka iyo Idaacada Qaranka
Soomaaliyeed.
Ra’iisal Wasaaraha ayaa tacsi tiiraanyo leh u direy qoyskii, iyo qaraabadii
wariyaha asagoo sidoo kale u tacsiyeeyay bahda saxaafada Soomaaliyeed gaar ahaan
asxaabta Telefeshinka iyo Idaacada Qaranaka ee uu wariye Maxamed Ibrahim la
shaqaynayay.
Ra’iisal Wasaaraha ayaa ku tilmamay falkaas mid naxariis daro oo aan loo nisbayn
karin Diinta Islaamka isla markaana aan raad ku lahayn dhaqanka Soomaaliyeed.
Waxaana uu ku celiyay balanqaadkii dawladdu ay ku bixinaysay abaal-marinta dhan
$50,000 (kontanka kun oo Doolar) ee ku aadanayd soo gacan-galinta iyo soo
gudbinta xogta la xiriirta dambiilayaasha bartilmaameedsada suxufiyiinta
Soomaaliyeed. Waxaana uu cadeeyay inay dawladdu la dagaalami doonto kuwa
gumaadka ku haya maskaxda iyo xooga fiyow ee Soomaaliyeed.
DHAMAAD
Ahmed Adan
Prime Minister’s Media Office
Mogadishu, Somalia
Email: media@opm.gov.so
Mobile: +252 (0) 616 440 028
Wasiirka Gaashaandhigga oo Su’aalihii Baarlamaanka Maanta Weydiiyey ay ku
jireen Hub laga Xadey Xarunta Madaxtooyada Iyo Weerarkii Maxkamadda
Baarlamaanka Federaalka Soomaaliya ayaa Kulan ku yeeshay Xarunta Golaha
Shacabka ee Magaalada Muqdisho.Fadhiga Barlamaanka oo uu Shir Guddoominayay
Guddoomiyaha Baarlamaanka Prof Maxamed Shiikh Cismaan Jawaari ayaa sidii caadada
ahayd waxaa Su’aalo ku saabsan dhinaca ammaanka lagu weydiinayay Wasiirka
Gaashaandhigga Dawladda Federaalka Soomaaliya Cabdixakiim Xaaji Maxamuud Fiqi.
 Ugu
horeynba Wasiirka Fiqi ayaa la weydiiyay Hub iyo Saanad Ciidan oo la sheegay in
horraantii Sanadkan laga dhacay Xarunta Madaxtooyada iyo waxa uu ka ogyahay
isagoona ku jawaabay in arrintaas sida loo dhigay aanay ahayn, Hub Madaxtooyada
laga dhacayna uusan jirin.
Wasiirka ayaa farta ku fiiqay inuu jiray isku day la doonayay Bakhaar
Madaxtooyada ku yaala in rasaas lagala baxo arrintaasina ay Fashilantay isagoona
hoosta ka xarriiqay in Dadkii falkaa ka dambeeyay gacanta lagu dhigay iminkana
ay xiran yihiin isagoo dhinaca kalena sheegay in ay ku raad joogaan mid
baxasaday oo falkaa ku lug lahaa.
Wasiirka Gaashaandhigga ayaa Su’aalaha kale ee la weydiiyay oo uu ka jawaabay
waxaa ka mid ahaa Raggii Weeraray Maxkamadaha Gobolka Banaadir in ay ku
Lebsinaayeen Tuutihii ugu dambeeyay ee Ciidamada la siiyay Laba iyo Tobankii
April Si ay ugu maraan Munaasibaddii Maalinta Ciidanka Xoogga Dalka.
Md Fiqi ayaa arrintaa si cad u beeniyay isagoona sheegay inuu ka mid ahaa dadkii
u Horeeyay ee tegay goobta falku ka dhacay Indhihiisana uu ku soo arkay Tuutaha
ay gashanaayeen Ragga weerarka qaaday.Fiqi ayaa sheegay in Tuutahaasi uu ahaa
mid Duq oo ka mid ah Tuutayaashii hore ee Ciidanka hore u Isticmaalay sababta ay
ku heleena ku macneeyay in la Xaday.
Xildhibaanada ayaa waxa ay weydiiyeen Wasiirka Tirada Ciidanka isagoona arrintaa
kaga jawaabay in aysan habooneyn in arrintaa la shaaciyo hase yeeshee
Baarlamaanka uu ugu soo gudbin si qoraal ah. Su’aalahaas iyo Su’aale kale oo
dhowr ah ayaa Wasiirka la weydiiyay kaasoo dhamaantooda ka jawaabay iyadoo ay
muuqanaysey in Xildhibaanada Sulaahaas soo jeedinayay marka uu Wasiirku ka
jawaabo inay iska aamusayeen oo wax dood dheeraad ah aanay ka keeneyn maadaama
Jawaabaha la bixinayey ay ahaayeen kuwa oo aan Xaqiiq ku fadhiyin.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | April 23, 2013
| 
Daabaco
Boggan | Print
