• BASHIR ISSA DIIRIYE ,TORONTO
  bdirie@hotmail.com

  ---

Ilaah baa Awood leh ,Nabigeenii Suubanaa Muxamed(csw)Nabadgalyo iyo Naxriisi Korkiisa Ha Ahaato.

Abdirizak Haji Hussen [Somalia PM 1964-67]

Walaalaha webkaan gacanta inoogu haya iyo akhiyaarta xilku dhibo ee garashada ehelka u'ah ayaan ku salaamayaa salaanta islaamka (asalaama calaykum waraxmatulaahi wabarakaatahu ).

Qoraalkaygaan maanta waxuu noqon doonaa qoraal aan doonayo inaan ku qiro in mudane raysul wasaare Abdirisaaq Xaji Xusein uu ahaa mas'uul aynaan calfan inteena waqtigiisii ay da'du u 'itaalka sheegatay,sida aan hadda ka arkana waxaan hubaa in uu si'aada uga horeeyey soomaalidii uu waqtigaa madaxda u'ahaa iyo xataa kuwii kula jiray golahii xukuumadiisa.

Mudane Abdirisaaq Xaaji oo ka mid ahaa siyaasiyiintii xabiska la dhigay markii ay dawladii madaxweyne siyaad talada dalka kula wareegatay awood ciidan,waxuu hadana noqday shaqsi ka tanaasulay gardaradii maxkamad la'aanta ee uu in mudaa ugu xirnaa xabsiga , maxaa yeelay waxuu ahaa siyaasi og in afrika oo idili uu inqilabku ka socdo waloow asagu uusan markaa xil dawliya haynin.

Madaxweyne siyaad waxuu u magacaabay Abdirisaaq safiirka somaliya ee united nationska (new york) xilkaana ma'uusan diidin,waxuuna ahaa nin garan karey haduu xilkaa diido in laga yaabo in la xiro ama uu noqdo shaqsi ay yartahay meelaha uu booqan karo iyo cida asgaba u'imaan karta macniyan waxaa ka hawlgali lahaa ha'adahii nabad sugidda ee wadanku waagaa lahaa ,arimahaa iyo kuwa kale oo aan sidaa uga fogayn weeye arimahii ku dhiira galiyey in uusan diidmo ka keenin magacaabidaa.

Mudane Abdirisaaq waxeey ku xasuustaan dadka sida aadkaa uga faalooda go'aan qaadashadii markuu raysul wasaaraha ahaa dadkii uu shaqda ka fariisiyey oo ahaa intooda badan dad wadanka u soo shaqeeyey una soo halgamay, waloow ay ku jireen kuwa si qalada uga tabcanayey hantidii ay dadweynaha u hayeen,waxuuna arintaa ku macneeyey abdirisaaq in aaneey dawladdu awoodin shaqaale intaa la'eg iyo asagoo doonayey in uu helo dhalinyaro aqoon leh oo buuxisa doorkii odayaasha

Hadaan intaa ku joojiyo taariikhda fog ee Abdirisaaq intii aan ka bawsaday ayaa waxaan doonayaa inaan u soo talaabsado waqtigaan xaadirkaa oo uu mudane Abdirisaaq xaaji huseein yahay nin aad u weyn waloow aan ku cawryayo sida aysan da'du uga dilin hadal helidii, dadnimadii ,geesinimadii ,wadaniyadii lagu yaqiin markii uu intaa ka itaalka badnaa, taa weeye midda ii sheegtay in dhamaan taariikhdii layga sheegay abdirisaaq X husein ay dhab ahaayeen,waxaana mar walba xasuustaa hadal uu si gooniya ii yiri nin adeer iigu aadanaa oo xiliyadaa mar noqday madaxa water agency in uu Abdirisaaq ahaa masuulkii ugu hawl karsanaa ,ugu shaqo badnaa ugu contarol shaqo badnaa ee abad soomalida soo mara .

Doorka hadda ee aan ku jirno markuu ugu liitay taariikhda umadda soomaliyeed inta la xasuusto Abdirisaaq ma noqon mid afka xirta waxaan maqalnaa asagoo talooyin dhaxal gal ah ka bixinaya sidii loo heli lahaa dib-u-heshiisiin caam noqota oo ka dhaqan gasha wadankeenii,waxuu tira aan yarayn ka hadlay dawladaa la'inoo soo dhoo dhoobay iyo waxa la gudboon ,waxuu siiyey talooyin macquula madaxweynahaa Abdulaahi yuusuf ,waxuuna ka digay in uu ku dhaqaaqo go'aano xasaasi noqon kara oo keeni kara in mar kale hubka laysku gurto .

Waxuuna mar walba kula talinayey sida ugu haboon oo lagu abuuri karo jawi laysku aamini karo,asagoo mar walba xusaya in xukumadda sare aysan awood u'lahayn in ay is moodo sidii dawlad wadankii gacanta ku haysa oo ay talada dalka wada hanatay,xukuumadan lama oran karo xukuumadda madaxweyne Abdulaahi maxaa yeelay madaxweynaha waxaa dooratay baarlamaanka ,marka waxaa iska leh magacaa prime ministarka mr geedi.

Madaxweynaha maaha in uu isticmaalo ereyo dhaawici kara dib u heshiisiinta, maaha in uu u muuqdo in ay dadka qaar is dhihi karaan colaad buu idinla maagan yahay, madaxweynahu waa inuu noqdaa mid umadda oo dhan aay aaminto oo ay talada saarato, waana in uu noqdaa nin u dabca u tanaasula arimha qaar hadaladaa iyo kuwa la mida weeye hadalada uu Abdirisaaq ka yiraahdo goobaha lagu gorfaynayo arimaha soomalida ayo marxalada adag ee ay marayso soomaliya maanta.

Waxaan aad uga xumahay kuwa aan maskaxda ka qaan gaarin in ay maswiro doqonimaa ka bixiyaan oo ay u quuri waayaan in tariikhdiisii hore iyo midda maanta ay isku eegaan sida ay isku buuxinayaan ,hadiise qofku ku fakiro abdirisaaq Abdulaahi yuusuf buu haystaa oo diidan yahay waa ayaan daro xanuunsan ,waxanse aaminsanahay Abdirisaaq xaaji husein in uu buuxiyey doorkii laga filayey oday soomaliyeed kii laga filayey nin waa wadanka madax ka soo noqday oo aad u yaqaana brobaleemka soomalida waxaa ka sii dran oo uu ABDIRISAAQ buuxiyey kii ugu darnaa oo ah in uu yahay abdulaahi ninka qabashadiisa leh ,xataa haduu ka tala diido in uu tusiyo soomalida kale in waxa uu ABDULAAHI samaynayo uusan la qabin raalina uusan ka ahayn. waxaan hadalkayga ku soo koobayaa mudane Abdirisaaq xaji husein wa geesi ku mintiday wadaniyad aan duugoobin.WABILAAHI TAWFIIKH

BASHIR ISSA DIIRIYE ,TORONTO
bdirie@hotmail.com

Afeef: Aragtida qoraalkan waxaa leh qoraaga ku saxiixan

Faafin: July 14, 2005

Jawaab Ku Socota mudane C/risaaq Xaaji Xuseen

Waa Xaaraam wax ka qorista mashaariicda Islaamka iyo Culumada ka shaqeysa 

BAARID | SEARCH