Waxaa isa soo taraysa hadal haynta ah in wadanka kenya si sahlan laguu khaarajin karo haddii aad isqabataan cid aan naxariis iyo diin lahayn,laguuna adeegsanayo dad reer kenyaan ah iyadoo la siinayo dhagarqabayaal(Gangs)lacag lagu qiyaasay 300kun shilin kenyana una dhiganta 4000$,kuwaasoo si sahlan kuu daba galaya dabadeedna intay ogaadaan meelaad joogto ku khaarajinayaya ayagoo inaba hayaraatee cabsi ka qabin booliska waayo waxaa la cadeeyay in booliska ragaadisay musuqmaasuq xad dhaaf oo xitaa iyaga qudhoodu la laalusho.


Dhacdooyinka naxdinta leh oo wali dadka dhagahooda ka guuxaya waxaa ka mid ahaa dilkii Shiikh Ibraahin Xuubcaaro oo ahaa ganacsade caana kana mid ahaa golaha Baarlamaanka KMG,isagoo lala dilay labo kale oo midna ganacsade reer kenyana balse xuubcaaro qaraabo ahaayen iyo darawalkoodii,waxaana baaritaan ay sameeyeen dad saaxiibo iyo qaraabo la ahaa yaqiinsadeen in mu,aamaro ku saabsan arrimo ganacsi loo adeegsadey gangska dadka dhiigiisa ku takhasusatay,waxaa arrintu ahayd in marxuumiinta laga iibshay LC falso ah lacagna looga cunay inay Sonkor kusoo deji karaan waraaqo aan rasmi ahayn,kadib markii ay la tageen xafiiskii ay khusaysay waxaa loo sheegay in LCgu falso yahay isla markaana la weydiiyay ciddii uu samaysay,balse markii ay soo noqdeen oo ragii somaalida ahaa ee arrinta ka dambeeyeen yiraahdeen wixii falso bay noqden waana nalagu qabsadey ayaa inta ay ku balamiyeen meel magaalada kabaxsan gangs laga adeejiyay halkaasna ay ku waayeen naftoodii qaaliga ahayd dadkaas aan waxba galabsan.


Waxaa haddana arinta sii murgiyay markii shalay ergay ka tirsanaa ergada ku shiraysa lagu ceejiyay agagaarka madbakha xerada Mbagaathi taasoo dad badani isku raaceen inay tahay mu,aamaro la qorsheeyay oo isla gangskii loo adeegsadey marxuumiintii hore ay tanina ku lug leedahay,waxaase wali la ogaan cidda usoo adeegsatay kharajinta marxuum Axmad Rashiid oo ahaa aqoonyahan ka yimmid dalka Canada shuqulna ku lahayn arrimo ganacsi, balse ku joogay garabka RRAda Shaatigaduud.

Haddaba waxaa dad badani is weydiinayaan siduu ku najaxi doono shirka nayroobi iyadoo muddo ka badan 13bilood jiitamayay wax natiijo ahna lagu hayn haddana ay ugu darmatay nabadgalyo xumo jiif xumo cuno xumo iyo sii kaldaadsanaan.


cabdi xasan cali Somalitalk.com/Muqdisho
abdi172@hotmail.com

Faafin: SomaliTalk.com | Nov 7, 2003