|
Xagar wuxuu warbixintaasi ku sheegey in ay masuuliyiintu ka soo
hadleen meelo kala duwan “.isla duhurnimadii abbaare labadii ayay si,teel teel
ah iigu soodhaceen sadex telefoon oo ka kala yimid magaalooyinka diri-dhabo,
jig-jiga,iyo qabribayax oo ah meelihii markii hore "FAX"yadu ay ka yimaadeen.”
Waxaan aad ula yaabney in shaqsi wariye isku sheegaya uu boro bogaando
qayaxan u sameeyo cid aanu warba ka haynin. Magaalada Diri dhabe ee uu Xagar
yare sheegay in lagal soo hadlay wakhtigan lagu jiro kama tirsana maamulka
Killilka 5aad, Waxaana ka taliya maamul gaar ah oo hoos-taga Xafiiska Raysul
wasaaraha Ethiopia. Islamarkaana ninka Madaxweynaha ka ah maamulkaasi ma aha nin
Somali ah ee waa nin udhashey qawmiyada Axmaarada. Dhanka kalena Magaalada Qabri
Bayax oo Jigjiga u jirta in ka yar 40 Mile waxay ka mid tahay magalooyinka aan
haba yaraatee wax is gaadhsiin ah lahayn marka laga reebo Taararka ciidamada
Ethiopia.
Haddaa haddiiba aan u rumayno in Jigjiga laga soo wacay Xagar yare;
suurta gal ma tahay in masuuliyiinta gobolku ka cadhoodaan warbixin ku daabaca
shabakada ku hadasha afka jabhada u talisa Ethiopia ee EPRDF, oo la yidhaahdo
Walta Information Center?
http://www.waltainfo.com/EnNews/2002/Dec/19Dec02/Dec19e2.htm
Jawaabta su’aashaas waxaan u dhaafnahy akhristayaasha.
Xog’ogaal la’aanta warku intaasi oo kaliya kuma ekee waxaa kale oo
aan la amakaagney wuxuu xagar sheegay in iskuullada Ethipia loo fasaxay ciidaha
masiixiga ah. Sida dadka oo dhami ogayahay wadanka Ethiopia ma tirsado
taariikhada adduunku tirsado ee waxay gaar u leeyihiin taariikh gaar ah
iskuullada dalkana looma fasxo ciidaha adduunyada kale.
Boro bogaandada uu Xagar u sameynayo dawlada Ethipia waxaa kale oo u
ku sheegay in maamulka killilku uu yahay mid xor ah oo aan cidina so fara
galinin. Nasiib darro Xog’ogaal la’aanta Xarag waxay dhaxalsiisay in uu ka
waramo mid ka mid aha wasaaradaha sida aadka ah dhibaatadu uga jirto ; Wasaarada
Waxbarashadu waa meesha kaliya ee faragalin siyaasadeed ay ku sameeyaan
masuuliyiinta federaalku, waxaa arrin dadkoo dhami wada ogyahay ah in Madixii
xafiiska ee hore oo la odhan jirey Cabdi waasac Muxumed Mahdi uu magan galyo
siyaasadeed weydiisstay wadanka Mareykanka isagoo ka baxsadey caga jugleyn ay u
gaysteen saraakiisha EPRDF hotaantii sanadkii tagey.
Ugu danbeyntii Shabakada Somalitalk oo ah shabakad si wanaagsan u
soo xigan jirtey wararka geeska Africa ayaa waxaa nasiib darro u ah in dad isku
sheegaya inay wariyayaal u yihiin ay ku ciyaaraan sumcada shabakada. Waxaana ku
tilmaamaynaa warbixinta Xagar Yare mid indha la’aan iyo dhago la’aan isku
darsatey.
Shariif Dheere
Ururka Dhalinyarada Ogaadeeniya
oyacenter@hotmail.com
Jan 6, 2003
Afeef: Aragtida qoraalkan waa mid u gaara
Ururka Dhalinyarada Ogaadeeniya
-dhammaad-
XAFLAD
JAALIYADDA SOOMAALIYEED EE JARMALKA:
Xaflad aad loo soo agaasimey oo ay
yeesheen Jaaliyada kudhaqan dalka Jarmalka ayaa waxaa warbixinteeda halkan
idiinku soo tebinaya XagarYare. GUJI..
6/1/3
| 
