SOMALITALK.COM XAYAYSII
w w w . S o m a l i T a l k . c o m
SOMALITALK - KHAYRAADKA SOOMAALIYA

Somalitalk bog layaab leh !

Aad baan u soo dhoweeyaa marar badanna waa booqdaa, maxaa yeelay wuxuu u dhisan yahay si cilmiyaysan gaar ahaan habka wararka xiriirka leh aad u soo taxdaan iyo linkiyada markhaantiga ah ee qormooyinkiinna ku lifaaqan.

Waxase la yaab leh laba arrimood oo ay Somalitalk caado u leedahay oo aan is leeyahay waa ku khaldan tahay ee ha iska beddesho ama ha caddayso sababta ay sidaas u yeeleyso.

1. Waa ta hore e, Somalitalk waxay daba dhigatay khayraadka dabiiciga ah, si basaasnimo ah ayey wararkaas u daba gashaa haba daba gashee sharci darro iyo xaaraan ayey u aragtaa in Puntland ay la soo baxdo khayraadkeeda dabiiciga ah ee dadka arrintaas ka qanciya danta aad ka leedihiin, danta dadkuna sidaas ma aha ee waa in ay wax ka dhadhamiyaan khayraadka dabiiciga ah.

2. Wararka ku saabsan gobolka Ismaamulka Soomaalida Itoobiya, Somalitalk waxay u hadashaa ama qolyaha mucaaradka ah ugu adeegtaa sidii waagii Somali weyn la raadin jirey, waana fikrad gabowdey, gobolka Soomaalidana si sharci ah ayuu uga tirsan Itoobiya, yahay adduunkuna u aqbalsan yahay Soomaaliduna waaba ka hartay oo arrintaas waxaa kaga weyn sidii la isu oggolaynsiin lahaa wixii ka haray Soomaali weyn ee Somaliland iyo Koonfurta.

Jihaadka aad sheegtaan muxuu yahay, dhulkase dadka uu ka maqan yahay maye, idinka keliya ayaa la idinka maqlaaye, mise itixaadka ka dagaallama gobolkaas ayaa Somalitalk wax ku leh.

Waad u fasaxan tihiin aragtidayda haddii aad daabacaysaan.

Axmed Abuukar, Boosaaso, Puntland - Somalia
Email: abuukar40@hotmail.com

Afeef: Aragtida qoraalkan waxaa leh qoraaga ku saxiixan.....

Faafin: SomaliTalk.com | May 27, 2006

###

::Muqus-maasuqa Baahey ee Puntland::
 Cilmibaaris ay dhallinayada Gobolka Bari sameeyeen bishii Oktoober 2005 ayey ku sheegeen musuqmaasuq baahey ee ka jira Gobolka Bari intii ay jirtey xukuumada hadda ka talisa Puntland. Waxaa xilligaas la diiwaan geliyey jagooyinka lagu tilmaamay in lagu bixiyey hab aan miisaanayn marka la eego u sinnaanta maamulka Gobolka Bari... (Arrinta daraasadda lagu sameeyey waa Gobolka Bari oo quran).

Jagooyinkasi waa kuwan:::::(Waxaa arrintan la baahiyey 01/10/2005)

  1. Wasiirka Dowladaha Hoose iyo Horumarinta Reer Miyiga. 
  2.  Wasiir Ku xigeenka Wasaarada Ganacsiga iyo Wershadaha.
  3. La taliyaha Madaxwaynaha Arrimaha  Amniga iyo Siyaasada
  4. Gudoomiyaha Maxkamada Sare Maamul goboleedka Puntland 
  5. Taliyaha Ciidanka Booliska Puntland.
  6. Agaasimaha Guud ee Madaxtooyada iyo Xog. Golaha wasiirada
  7. Ag. Guud ee wasaarada Howlaha Guud iyo Guriyaynta 
  8. Ag. Guud ee wasaarada Dekedaha iyo Kalluumaysiga
  9. Ag. Guud ee wasaarada Shaqada Shaqaalaha iyo Isboortiga
  10. Ag. Guud  Wasaarada Warfaafinta Isgaarsiinta , Dhaq. Iyo Dalxiiska
  11. Ag. Guud Madaxbannaan Tacliinta Sare
  12. Ag. Guud Madaxbannaan La dagaalanka Argagixisada 
  13. Ag. Guud Madaxbannaan Hay’ada Baasawayn
  14.  Ag. Guud Maamulka Booliska Puntland 
  15. Ag, waaxeed Wasaarada Qorshaynta iyo Xiriirka Caalamiga                            
  16. Ag. Waaxeed maamulka Hay’ada Baasawayn  
  17. Ag. Waaxeed Nadaafada Wasaarada Dekedaha iyo Kal. 
  18. Ag. Waaxeed Wax dhoofinta Wasaarada Dekedaha iyo Kal.
  19. Ag. Waaxeed Wasaarada Shaqaalaha Wasaarada Maaliyada 
  20. Ag. Waaxeed Horumarinta Wershadaha, Wasaarada Ganacsiga iyo War.
  21. Ag. Waaxeed Deeqaha Wasaarada Dowladaha Hoose
  22. Ag. Waaxeed maamulka Wasaarada Dowladah Hoose
  23. Ag. Waaxeed Dhulka, Wasaarada Howlaha Guud iyo Guriyaynta 
  24. Ag. Waaxeed Qorshaynta Wasaarada Howlaha Guud iyo Gur.
  25. Ag. Waaxeed Waaxda laanta Duulista.  
  26. Ag. Waaxeed Maamulka Wasaarada Maaliyada  
  27. Maamulaha Xafiiska Fiisha Baraa    
  28. Maamulaha Canshuuraha Gobolka Bari 
  29. Maamulaha Kastamka Bosaso                                                             
  30. Maamulaha Isbitaalka Guud ee Boosaaso  
  31. Maamulaha Wershada Xooga Korontada Bosaso
  32. Maamulaha Dalada Xabkaha,  Faleenka iyo Fooxa
  33. Isuduwaha G. Bari Wasaarada Ganacsiga iyo Wershadaha. 
  34. Isuduwaha G. Bari Wasaarada  Xannaanada  Xoolaha  
  35. Isuduwaha G. Bari Wasaarada Howlaha Guud iyo Guriyaynta 
  36. Gudoomiyaha Maxkamada Derajada 1-aad Gobolka Bari 
  37. Xeer Ilaaliyaha Gobolka Bari   
  38. Taliyaha Saldhiga Garoonka Boosaaso 
  39. Taliyaha Saldhiga Dhexe Bosaso 
  40. Taliyaha Ciidanka Taraafikada Puntland  
  41. Taliyaha Hay’ada sirdoonka Puntland “CID”                                                    
  42. Taliyaha Ilaalinta Canshuuraha Turubataariyo  
  43. Taliyaha Ciidanka  Madaxtooyada Puntland    
  44. Taliyaha Canshuuraha Gobolka Bari
  45. Taliyaha Qaybta Gobolka Karkaar
  46. Taliyaha Ciidanka Degmada B. Bayla
  47. Taliyaha Ciidanka Degmada Xaafuun
  48. Taliyaha Ciidanka Degmada Iskushuban
  49. Talilyaha Ciidanka Maxkamadaha G. Bari   
  50. Taliye Xigeenka Ciidanka Daraawiishta untland 
  51. Xisaabiyaha Dowlada Hoose Bosaso 
  52. Ku Xigeenka Xisaabiyaha Guud ee Puntland 
  53. Xisaabiyaha Guud ee Xafiiska Fiisha Baraa                                                      
  54. Xisaabiyaha Hay’ada Nesha
  55. Xisaabiyaha Rugta Ganacsiga                                                                           
  56. Xisaabiyaha Garoonka Bosaaso
  57. Xisaabiyaha Guud ee Gobolka Karkaar
  58. Gudoomiyaha Gobolka Karkaar
  59. Gudoomiyaha Degmada Bosaso 
  60. Gudoomiyaha Degmada Qardho 
  61. Gudoomiyaha Degmada Iskushuban
  62. Gudoomiyaha Degmada Bender Baayla 
  63. Gudoomiyaha Degmada Xaafuun

Qoraalkaas waxaan ka soo xiganey qormo ay qoreen "Dhalinyarada Gobolka Bari" markey tariikhdu ahayd 01/10/2005. Xilli markaas ku dhowna waxa ay soo saareen baaqa hoose:

Uj: Baaq ay soo saareen dhanilyarada Gobolka Bari oo ku wajahan Shirkad la sheegay inay Macdan baarayso oo heshiis la gashay mas’uuliyiin ka tirsan maamul Goboleedka Puntland. 05 Oct 2005 

Waxaa Maamulkii hore ee Puntland, Cabdullaahi Yuusuf heshiis la galay shirkad lagu magacaabi jiray Hart Group oo fadhigeedu ahaa  Jasiirada Bermuda taasoo aan marna la horgayn Golaha Shacbka, xeer qeexana looga samayn maamulkii jiray berigaa, waxayna shirkadaasi gaysatay dhibatooyin fara badan oo aan la soo koobi karin iyadoo xaalufisay Badihii islamarkaana jariiftay ugxantii kalluumaysatada yaryarna dhaawac mood iyo noolba leh u gaysatay, waxayna kaloo ku aastay dalka xeebihiisa haraaga sunta ah ee wershadaha dalalka hormaray iyadoo lacago fara badan oo aan xadidnayn laga qaatay shirkadaas kuwaasoo lagu gaaray hadaf jiray xilligaa.

Hadaba waxaa ayaamahan Puntland ka socday xiisad ku saabsan shirkad aan taa kor ku xusan ka ood fogayn, iyadoon Golaha shacabka la horgayn, ayay dowladu heshiis la gashay shirkad magaceeda lagu sheegay “Consort” oo la yiri waxay ka diiwaan gashan tahay  Jasiirad yar oo la yiraahdo Maldives.

Shirkadan waxaa la sheegay inay baarayso macdanta noocyadeeda kala duwan islamarkaana bixinayso 25Milyan oo Dollar sannadkii iyadoo amaankeedana lagu sugayo aduun gaaraya 200,000Us Dollar bil walba.

Hadaba markaan u kuurgalnay shirkadan hantideeda, sharciga caalamiga ah ay haysato, degaankeeda dhabta ah waxa ay doonayso inay Puntland ka qabato iyo qaabka ay u howlgalayso waxaa noo soo baxday arrimahan soo socda. 

  • 1.         Marka hore Shirkadu waxay ku soo gashay dalka oo keenay xiriir uu sameeyay nin samafal u yimid Puntland xilligii Tsunami-ga oo la yiraahdo Terry.
  • 2.         Shirkadu ma laha hanti ay ku howlgasho iyo waayo aragnimo hore sida shirkadaha saliida qoda ee dunida, waxayna mushtaraysaa Digaag.
  • 3.         Shirkadani waxay la mid tahay tii Hart-group ee qarsoodiga ahayd, mana laha damaanad sharci.
  • 4.         Shirkadani lama horgayn Golaha Shacabka, aftina looma qaadin.
  • 5.         Sharci iyo xeer qeexayana lagama soo saarin waxyaalaha ay qabanayso, faa’iidada ay helayso, hantida ay galinayso iyo inta ay le’eg tahay miisaniyadeedu.
  • 6.         Iyadoo ah suuq madoow oo aan sidan aqoonsi caalamai ah.
  • 7.         Iyadoo ay keeni karto qalaaase iyo iska horimaad  Beelaha wada degga Puntland oo hantida ay ballan qaaday shirkadu bulshadu isku layn karto.
  • 8.         Iyadoo ay dowlada Fedaraalku ku kala qaybsami karaan, isla markaana keeni kara dagaal sokeeye oo dalka ka soo cusboonaada.
  • 9.         Iyadoo Shirkadihii hore ee saliida ka baaray Soomaaliya cadaadis dowli ah ku saari karaan Dowlada Federaalka KMG ah iyo Maamul goboleedka Puntland sidii loo hakin lahaa geedi socodka nabada iyo soo cellinta qaranimada Soomaaliyeed.
  • 10.     Iyadoo dhaawici karta Bay’ada nadiifka ah ee deegaanka taasoo hakin karta horumarinta iyo xannaanada xoolaha, daaqa iyo reer miyiga si dadbana u wiiqi karta dhaqaalaha dalka.

Hadaba annagoo ah dhalinyarada u dhalatay Gobolka Bari oo ay shirkadu xoogeedu ku soo wajahan tahay waxaan go’aan naga ah in shirkadani  maadaama ay ku sifaysan tahay qodobada kor ku xusan ayan dalka ka shaqayn karin, waan diidan nahay waana  ka soo horjeednaa mana aqbalayno in dalka la keeno wax aan dan u ahayn dadka. Waxaan ugu baaqaynaa Madaxda Puntland ee heshiiskan galay inay sida ugu dhakhsiyaha badan uga laabtaan heshiiska  haddii kale wixii ka yimaada arrintaa waxaa mas’uul ka ah cidda ku xad gudubta qawaaniinta iyo sharafta shacabka Puntland. 

W/Q,  Dhalinyarada Gobolka Bari.
Afeef: Aragtida qoraalkan waxaa leh qoraayaasha ku saxiixan

Si aad arrintan wax uga ogaatid waxaad toos email ugu diri kartaa xafiiska Madaxweynaha DGPL, Email: plspresidency@hotmail.com

Saamiyada Range Resources
oo hoos u dhacay... ASX::
TAARIIKH  SAAMI ISBEDEL
25 May 2006 0.036 -2.7%
19 May 2006 0.037 -5.13%
18 May 2006 0.039 2.63%
17 May 2006 0.038 -2.56%
16 May 2006 0.039 -2.5%

Garaafka oo weyn ka eeg halkan... Guji...
MADAXWAYNE CADDE MUUSE OO SIDII MOORYAANTA U HADLAY!!! 
.....Waxaase Somaalida Amakaagg iyo Af-qabsi ku riday Gen. Cadde muuse oo isaguna qaaday waddadii Maxamed Dheere. Markii uu 19 kii bishaan ku dhawaaqay in uu kalsoonidii kala noqday Ra’iisul-wasaaraha DF. Md. Dr. C.M. Geeddi ama haddan sii caddeeyo D,F. ee KMG oo dhan.... Guji...

Dad uu cadowga Itoobiya meelo kala duwan ku laayay iyo kuwa uu xidhxidhay.
Ciidammada gumaystada Itoobiya, oo toddobaadyadan denbe sii kordhiyay xasuuqii ay dadwaynaha rayadka ah ku hayeen, ayaa meelo kala duwan oo dalka ka mid ah ku dilay dadwayne rayad ah oon waxba galabsanin, waxayna kala yihiin dadka ay magacyadoodu na soo gaadheen;
 
Markii ay taariikhdu ahayd 18/05/06 waxay ciidammada cadowgu ku dileen San-xaskulle, oo ka tirsan degmada Dhagaxmadow, labo nin oo shacab ah, waxayna kala yihiin;
 
1-    Deeq Axmed Wali, oo markii ay dileen ay ka qaateen Qori uu watay iyo 3300 oo Bir.
2-    Axmed C/qaadir, ooy isagana ka qaateen Qori uu watay.
 
Waxay isla San-xaskulle ka qaqabteen, oon war laga haynin ilaa iyo hadda meeshay ku sugan yihiin, dadka kala ah;
 
1-    Faarax Macruuf
2-    C/llaahi Mahdi Maxbuub, oo lagu qabtay Qori uu watay.
3-    Jamaal Axmed Cabdi
 
24/05/06 Kabtii-Naag, oo ka tirsan degmada Qabridaharre, waxay ciidammada gumaysatada Itoobiya jidhdil ba’an ugu gaysteen dadka kala ah;
1-    C/nasir Geeddi
2-    C/raxmaan Afwayne
3-    Yuusuf-qaad Dubbad
4-    Maxamuud Xirsi Cagoole
 
20/05/06 San-cadde, oo ka tirsan degmada Dhagaxbuur, waxay ciidammada cadowgu ka afduubeen seddex nin oon ilaa iyo hadda la haynin meeshay geeyeen, waxayna kala yihiin;
1-    Badri Muxumed Jalane
2-    Cabdi Muxumed Nuur
3-    Axmed Maxamed Dhiille
 
14/05/06 Qudhac-maydal, oo ka tirsan degmada Fiiq, waxay ciidammada cadowgu jidhdil ba’an ugu gaysteen dad rayad ah. Waxayna dadkan ku gadoodeen, ka dib markii lagu waxyeelleeyay dagaal meeshaas ka dhacay. Dadka ay dhibaatooyin xunxun soo gaadhsiiyeen waxay kala yihiin;
1-    Maxamuud Ibraahim
2-    Maxamed Xasan Daahir
3-    Xamdi Caaqil Faarax iyo
4-    C/nuur, oo magaciisa buuxa aanaan halin.

Waxay sidoo kale meeshaas ka afduubteen oo la tageen dadka kala ah;

1-    Wali Bade Salawi
2-    Maxamuud Cabdi Mawsar iyo
3-    Mustafe C/llaahi Aaden.
 
Axmed Gaal-Eri
 Info@radioxoriyo.com 
raadioxoriyo@yahoo.com 
26 May 2006.

Ma Ogtahay::::

Ma ogtahay in Dekeda magaalada Boosaaso ay sannadkiiba ka soo xerooto lacag lagu qiyaasay 23 Million oo doolarka Maraykanka. Mase ogtahay in aysan jirin wax mashaariic ah loo samayey carruurta da'da yar ee derbi jiifka ah oo wax ay quutaan ka raadsada qashin qubka magaalada (eeg sawirka hoose).

Waa kuwan Carruurta Puntland, oo qashinka cunto ka dhex raadsanaya.
Caruurta oo Qashinka ka doonanaysa waxay Cunaan, Booasaaso, Soomaaliya
....Xeebtii ayaa u muuqata, haddii malaha loo samayn lahaa laash ama huuri ama sixiimad loogu kalluumeeyo!!!!!!



Garaafka oo weyn ka eeg halkan... Guji...

Taariikh

 Saami (Share)

 Isbedel%
19 May 2006 0.037 -5.13%
12 Apr 2006 0.038 -5%
Isbedelka Saamiyada April 12-May 19, 2006 ka eeg halkan.

Warqadii uu qoray ra'iisul wasaaraha DFKMG, Cali Maxamed Geeddi, oo ku taariikhaysnayd May 18, 2006, markii ay gaartey dalka Australia waxaa durbadiiba dhulka galay saamiyadii shirkadda Range Resources. 19 May 2006 Waxa ay saamiyada Range Resources hoos u dhaceen -5.13%, taas oo kadhigtay saamiyadeeda in lagu kala iibsado sentiyaal (0.037) lacagta Australia. Arrintaasi markii ay dhacday ayaa isla markiiba (May 19, 2006) shirkada Range Resources waxay warqad u direen suuqa Ganacsiga ee Australia, warqadaas oo ay ku weydiisanayaan in gebi ahaanba la hakiyo kala iibsiga saamiyada shirkaddaasi, (TRADING HALT ama eeg halkan...), ilaa ay qoraal ka soo saarayaan ama Talaada May 23, 2006 - Xilligaas markii la garey oo aan jawaab laga helin shirkada ayaa suuqa ASX waxa uu si rasmi ah liiska uga saaray kala iibsiga saamiyada shirkadaas eeg May 22, 2006. May 25, 2006 ayey Range Resources warqad u qortay ASX ay ku muujineyso in DGPL ay taageersan tahay shirkadan, sidaasna markale loogu ogaaladay in saylada lagu kala iibsan karo saamiyadooda.).
Suuqa ganacsiga Australia waxaa lagala xiriiri karaa: Halkan....

Waxaa xusid mudan: Markii ay soo shaac bexeen iska hor imaadyada Puntland ka jirey ee la xiriirey macdanta, ayaa waxaa bishii April 12, 2006 ay saamiyada Range Resources hoos u dheceen -5%, taas ka dhigtay in lagu kala iibsado 0.038, maalintaas ayey shirkadaasi hakad gelisey saamiyadeeda (EEG HALKAN), waxana ay sheegeen in ay qoraal soo saari doonaan . Qoraalkaas waxa ay soo saareen April 19, 2006 (EEG HALKAN...) , waxana ay ku sheegeen in DGPL ay taageero dheeraad ah siiday ayaga. Waxa kale isla maalmahaas soo baxay qoraal lagu soo daabacay warbaahinta Australia ooay Range Resources ku sheegtay in aan "Qofna kuma Dhiman Hawlgalkii Puntland", waxa markaas kor u kacay saamiyadii shirkadaas waxana ay gaareen 0.050. Waxana ay markaas Range Resources oo Cadaysay in ay Puntland siiso $200,000 doolarka Maraykanka Bil kasta sida heshiisku ahaa... (EEG HALKAN... ).

Dadka arrimaha dhaqaalaha odorosa waxa ay nidaamkaas ku macneeyaan waxa afka Australia lagu yiraahdo "Market Manipulation"... (Akhir qeexidda uu arrintaas ka bixiyey suuqa Ganacsiga Australia... Akhri... ENGLISH....)

QAAR KAMID AH WARAAQAHA RANGE U DIRTAY SUUQA ASX:

Doc. date Headline #pgs. PDF
25/05/2006 Puntland Update 3 PDF
25/05/2006 Reinstatement to Official Quotation 1 PDF
22/05/2006 Suspension from Official Quotation 2 PDF
19/05/2006 Trading Halt 2 PDF
02/05/2006 Heads of Agreement with Contact Resources Ltd 1 PDF
28/04/2006 Third Quarter Activities & Cashflow Report 10 PDF
26/04/2006 Assay Results from Preliminary Sampling in Puntland 4 PDF
21/04/2006 Korea National Oil Corporation Letter of Intent 1 PDF
20/04/2006 Further Government Support for Range in Puntland 3 PDF
Dhismihii Jaamacada EAU::: 2001
Degarday
Asaaskii Jaamacada Boosaaso... GUJI
 
SOMALITALK:: XORRRIYADII ZAMZAM
00 | 01 | 02 | 03 | 04 | 05 | 06 | 07 | 08 | 09 | 10 | 11 | 12 | 13 | 14 | 15 | 16 | 17 | 18 | 19 | 20 | 21 | 22 | 23 | 24 | 25 | 26 | 27 | 28 | 29 | 30 | 31 | 32 | 33 | 34 | 35 | 36 | 37 | 38 | 39 | 40 | 41 | 42 | 43 | 44 | 45 | 46 | 47 | 48 | 49 | 50 | 51 | 52 | 53 | 54 | 55 | 56 | 57 | 58 | 59 | 60 | 61 | 62 | 63 | 64 | 65 | 66 | 67 | 68 | 69 | 70 | 71 | 72 | 73 | 74 | 75 | 76 | 77 | 78 | 79 | 80 | 81 | 82 | 83 | 84 | 85 | 86 | 87 | 88 | 89 | 90 | 91 | 92 | 93 | 94 | 95 | 96 | 97 | 98 | 99 | 100 | 101 | 102 | 103 | 104 | 105 | 106 | 107 | 108 | 109 | 110 | 111 | 112 | 113 | 114 | 115 | 116 | 117 | 118 | 119 | 120 |
WERSHEDAHA BOOSAASO:::


Wershedo yaryar oo Laga Furay Boosaaso  

BOSASO: Wararkii Boosaaso: Guji

caruurgabdho2001::: Iyo Mucaawino u Raadintii Carruurta Puntland::: Qoraaladii Sannadkii 2001...

 

QORAALADII HORE EE SOMALITALK.COM EE JAAMACADA BOOSAASO:::

Jaamacada Bariga Afrika waxay kutaal magaalada Boosaaso, October 2000 ayaa waxaa bilaabmay sannad dugsiyeedkeedii ugu horeeyey, markaas oo fasalada ardayda loogu sii dhigi jirey machadka ama iskoolka iimaamu shaafici ee magaalada Boosaaso, waxaase fasalada jaamacada oo weli markaas dhisme ku socdey lagu bilaabay in ay ardaydu wax ku bartaan sannad dugsiyeedkii kaas xigey oo bilaabmay Sebteembar 1, 2001.

Bishii Janaayo 2003 ayey ahayd markii Wafti Kasocda Jaamacadda Latrobe University (Australia) ay Booqasho Kuteen Jaamacadda Bariga Afrika, Bosaso. Waxaa waftigaas hogaaminayey Dr. David Dorward, ka socdey African Research Institute,((ARI), Latrobe University, Australia. [eeg warbixintii waftiga Booqday Boosaaso]

Bishii Janaayo ee sannadkan 2003 ayey ahayd markii magaalada Minneapolis, USA sida weyn loogu soo dhoweeyey wafti ka socdey Jaamacada Boosaaso, waftigaas oo reer Minneapolis uga xog-waramay heerarkii kala duwanaa ee ay Jaamacadu soo martay iyo waxa ay hadda higsaneyso [Eeg warbixintii waftiga Minneapolis Booqaday].

1dii Bishii Febraayo ee 2003 ayey ahayd markii shir ballaaran magaalada Toronto loogu qabtay wafti kasocdey Jaamacada Boosaaso, shirkaas oo ay soo qabanqaabiyeen Guddiga Saaxiibada Jaamacad Bariga Afrika ee Ontario.[Eeg warbixintii Toronto].

26kii Janaayo 2003 ayey ahayd markii Kulan aad u ballaaran oo dadkii ka hadlay ay kamid ahaayeen Dr. Xasan Cali Mire, C/isaaq Maxamuud Dareewal iyo waftiga Jaamacada Boosaso lagu qabtay Atlanta, Georgia [eeg warbixintii Atlanta, USA]

Bishii Febraayo ee 2002 ayey ahayd markii Ciise Dhollowaa booqday Jaamacada Boosaaso, waqtigaas waxaa Dhollowaa warbixin siiyey CabdiRisaaq Sh. Axmed  oo ah Macalin dhiga Luuqada Carabiga kana mid ah xubnaha Gudiga Maamulka Jaamacada. Waxaa C/Risaaq sheegay in ay u baahan yihiin dadka Somaliyeed ee awooda u leh in ay ka caawiyaan dhinacyada waxbarashada, iyaga oo noqonaya macalimiin yimaada jaamacda sanadkiiba hal mar, si ay wax u baraan ardadaas.
Halkan ka akhri warbixintii hore ee waftiga... GUJI

 

 

Kulaabo bogga  www.SomaliTalk.com 
© www.SomaliTalk.com

BAARID | SEARCH

 



HTML CD