|
wasiir ku xigeenka Xafiiska Madaxwayne Moi oo ka hadlay Shirka Soomaalida.
Waraysi ay Iqra maanta la yeelatay wasiir ku xigeenka xafiiska madaxwaynaha
Maxamed Yuusuf Xaaji ayaa waxay su'aalo ka Waydiisay Dhinacyo la xiriira
Siyaasada Dalka Kenya iyo Arimaha Soomaaliya.
Waraysigaas oo ahaa mid dheer oo uu la yeeshay Maxamed Aden Xirsi Terra mar uu
waxka waydiiyay arimaha shirka soomaalida ayaa waxaa uu sheegay in Kenya iyo
IGAD ay yihiin kuwo ka shaqaynaya Dib u heshiisiinta isla markaana waxaa uu ugu
baaqay dadka soomaaliyeed in iyaga ay heshiiyaan.
Yusuf Xaaji waxaa uu sheegay in ay ilaahay ay uga baryayaan in shirkaas
soomaalida uu noqdo mid guula laga gaaro oo soomaalidu ay ku heshiiyaan. waxaana
intaas uu ku daray in Ergayga Kenya ee arimaha soomaaaliya Elijah Mwangale uu
yahay nin ku haboon xilka loo dhiibay in badanna ahaan jiray wasiirka arimaha
Dibada ee kenya.
Waxaan doonaynaa in shirka soomaaliyeed aan gacan wayn ka gaysano hadii aan
nahay soomaalida dalkan oo aad uga xun dhibaatada haysata dadka iyo dalka
soomaalida inta shirkan uu socdana waxaan rabnaa in aan lagu kala dareerin ilaa
heshiis ay gaaraan dhinacyada soomaalida.
Mar uu ka hadlayay dhibaatada Qaxootiga soomaaliyeed ka haysta Booliska Dalka
Kenya iyo Sharci la.aanta waxaa uu sheegay in dhibaatadaas in muda ah ay soo
jirtay laakiinse ay tahay mid dawladu ay wax ka qaban doonto.
ridwanhaji@journalist.com
iqrafm@bidii.com
Sept 21, 2002
FAAFIN: SOMALITALK.COM
KAYDKA WARARKA
EE IQRA - News Archive -
GUJI/CLICK
| 
