mas'uul sare oo u hadlay dalka maraykanka ayaa sheegay in qarixii loo gaystay
hotelka paradise ay ku lug leeyihiin Ururka islaamiga ah ee lagu magacaabo
Al-Itixaad Al- Islaamiyah oo tuhun wayn laga qabo in ay xiriir la wadaagto
ururka al qaacidah ee usaama bin laden, ninkaas oo aan carabaabin magiciisa ayaa
tibaaxay in kooxdaasi ay ku noolyihiin dalkan kenya.
ururka al itixaad waxaa uu kamid ahaa urardii maraykanka uu kusoo daray liiska
ururada uu ku tuhmay in ay xiriir la leeyihiin al qaacidah kadib weeraradii lagu
qaaday 11 sep magaalooyinka new york iyo washinton.
waxaa kaloo mas'uulkaasi uu sheegay in kooxdaasi ay ka danbeeyeen qaraxyadii
lagu qaaday adis ababa sanadihii 1996 iyo 1997 kuwaasi oo la sheegay in ay
tababar kusoo qaateen dalka afqaanistaan.
dhanka kale waxaa ilaa iyo haatn ciidamada dalka kenya iyo kuwa israaiil ay
gacanta ku dhigeen 21 ruux oo 4 kamid ah ay soomaali yihiin halka 6na ay tahay
baakistaaniyiin waxaana ay baarayaan in falkan ay dadkaasi kulug leeyihiin.
iyadoo ay nasoo gaarayaan warar sheegaya in lasii daayay naag maraykan ah iyo
ninkeeda oo isbaanish ah markii wax lagu waayay.
booliska dalka kenya waxay sheegeen in dadka soomaalida ah iyo kuwa
baakistaaniyiinta ah ay si sharci dara ah kusoo galeen wadanka sidaas
daraadeedna ay xaqiijinyanaa waxa ay ahaayeen iyo in ay lug kuyeelan karaan
weerarka lagu qaaday hotelka iyo dayuurada israa'iil.
dhamaan arimahan waxay ka danbeeyeen markii khamiistii qarax wayn uu ka dhacay
hotelka paradise oo 15 ruux ay ku dhinteen halka 80 kalana ay kun dhaawacmeen
,iyo dhanka kale gantaalo lala gafay dayuurad ay israa'iil leedahay oo 260
rakaab ah u siday israa'iil markii ay ka kacday garoonka dayuuradaha ee garoonka
Moi ee ku yaala magaalada mombasa.
