Gudiga farsamada ee igad waxay warqad ay soo saareen ku adkaysanayaan 362 xubno
ee tirada ergooyinka shirka soomaalida eldoret kuwaas oo laga dhex xulayo 93da
xubnood ee gudiyada lixda ah ,waxayna isku soo duba ridi doonaan qaabka ay noqon
doonto dawladda.
warqada shalay ay soo saareen gudiga farsamada waxaa kamid ahaa in wajiga 3aad
ee shirka gabi ahaanba ku wajahnaan doono awood qaybsi ku saabsan qaabka
qabiila,gudiga farsamada igadna waxay xaqiijin doonaan isku dheeli tirka beelaha
soomaaliyeed.
shirkii jaraai'id ee shalay galab uu qabtay ergayga arimaha soomaaliya Elijah
Mwangale ayaa waxaa uu ka sheegay in markii hogaamiyayaasha soomaaliyeed ay ku
heshiin waayeen ay ku soo celiyeen talada, gudiga igadna ay go.aan ka gaari
doonaan hadii ay qaybsiga ku heshiin waayaan.
dhanka kale faadumo cabdulaahi maxamuud oo ka mid ah ergooyinka shirka daganna
dalka maraykanka waxay ahayd doblamaasiyad ka tirsanayd ergadii soomaalida ee
new york xiligii dawladii ay jirtay oo maanta eldoret ugu warmaysay wariyaha
IQRA Maxamed Aden Terrra ayaa sheegtay in bulshada rayidka oo haweenka,oday
dhaqameedyada,salaadiinta,culimaa'udiinka iyo dhalinyardu ay yihiin laf dhabarta
bulsho walba ay leedahay sidaas daraadeedna tix galin gaar ah ay leeyihiin loona
baahanyahay in ay ka taliyaan arimahooda, waxayna u rajkaysay shirka in
wajigiisa labaad lagu guulaysan doono sida ay rajaynayso inkastoo dhibaatooyin
uu yeelan doono.
