XOGHAYAHA ARIMAHA DIBEDDA EE JVA: “Cid diidan
go’aanka ah in qabiil ergooyinka lagu qaybsado oo G 8 ah kama war qabo”.
Ibraahim Maxameddeeq
imdeeq@hotmail.com
SomaliTalk.com | Eldoret
Nov 24, 2002
Bidix: C/risaaq Khaliif, xogahayaha arimaha dibedda JVA oo hoolka shirka
dhex fadhiya
|
Waxaan hotel sirikwa oo xarun u ah shirka dibu
heshiisiinta soomaalida ee Eldoret ku waraystay xogahayaha arrimaha dibedda ee
isbahaysiga Dooxada Jubba (JVA) Mr. Cabdirisaaq Khaliif Ashkir oo ah nin dhalin
yaro ah oo ka mid ah ergooyinka shirkan uga qayb gelayaa isbahaysiga dooxada
Jubba, waraysigaas oo aan qaaday 22/11/2002 wuxuu u dhacay sidan:
Su’aal: muxuu isbahaysigiinu ka qabaa go’aanka
ergada shirka ee qabiilka lagu saleeyey?
Jawaab: kaddib markaan in badan anagoo g 8 ah
Igad uga dacwoonayney in ergooyinka la simo hab qabiil lagu saleeyo oo ay
ogolaadeen waxba kama qabno waayo waaba wixii aanu dalbanayney.
Su’aal: Danta aad urur ahaan ka dhex aragteen
in qabiil wax lagu qaybiyaa waa maxay?
Jawaab: dataan ka dhex aragnay waa caddaalad
waayo waxaanu nahay caddaalad raadis.
Su’aal: maadaama aad caddaaladda sidaas u
jeceshihiin waxaad la socotaa inuu isbahaysigiinu haysto gobolo had iyo jeer la
idinku eedeeyo inaydaan u dhalan, maxay caddaaladdu dhinaacaas idiinakaga muuqan
weeydey?
Jawaab: mabada’iyan isbahaysigayagu ma
rumaysna inay soomaaliyi dhul kala leedahay, waxaan qabnaa qof kasta oo soomaali
ahi inuu soomaaliya meeshuu rabo kaga noolaan karo, su’aashaasina hadda ma
taagna waayo dadkii adeegsan jirey waanu la heshiiney.
Su’aal: soow lama socotid in loo haysto
dadkan aad la heshiiseen inaysan miisaan culus lahayn?
Jawaab: Ilaahay dadka ma kala fadalin ee waa
isku mid dadka deegaanku inay heshiiyaan uun baa muhiim aha, annagu dad gaar ah
ma raadinayno, dadkii deegaankuna way nala heshiiyeen, dhulkana waa in lagu
heshiiyaa dadaal badana arintaa waan ku bixinaynaa.
Su’aal: Waxaad la socotaa dadku inay kala
culus yihiin oo aany sinayn waxay leeyihiin madax dhaqameedyo, siyaasiyiin
culayskooda aan indhah laga lalin Karin, saraakiil qab qablayaal ah, dadyoowgaa
ayaan rabaa inaad wax nooga sheegto cidda aad ka heshiiseen?
Jawaab: haa way ku jiraan waxaa ka mid ah raga
nala heshiiyey isimada kala ah Ugaas Xasan Hilaali, Nabadoonka Waamo Ismaaciil Xaaji Warsame, Col. Xagaafe, Col. Laba tinle, iyo kuwo kale oo dadkii deegaanka
ka mid ah ujeedadayaduna ma ahayn shaqsiyaad ee waxay ahayd dadka deegaanka guud
ahaan.
Su’aal: Waxaad ka mid ahaydeen isbahaysigii
ka cabanayey ergooyinka iyo sida loo qaybiyey ee la magac baxay G 8, is
bahaysigaasi ma sii jiri doonaa mise haddii aad dantiinii ku gaadheen waad kala
tagteen?
Jawaab: G 8 ujeedadii loo asaasay kama sii
fogayn inaanu xuquuqdii naga maqnayd ku wada raadsano inay isku sii xidhnaadaana
arimaha mustaqbalka iman doona ayeey ku xidhan tahay.
Su’aal: Ogaantaa ururadii G 8 ku bahoobey ma
wada aqbaleen in qabiil ergooyinkla lagu qaybiyo?
Jawaab: Cid diidan go’aanka ah in qabiil
ergooyinka lagu qaybsado oo G 8 ah kama war qabo laakiin waxaan ogaa iyagoo wada
ogolaaday.
Su’aal: G 8 waxaa lagu xantaa inay TNG
abuurtay iyadoo dano ay leedahay ku beegsanaysa arintaasi soow ma jirto?.
Jawaab: taas wax jira ma aha waxaa nalagu marti
qaaday magacyadayada, aragtidii isku midka ahayd ee aan ka wada cabanayney ayuun
baa isku kaaya dartay, TNG’na waxaan u aragna iftiin soomaali u soo baxay,
haddii wax dhaama halkan lagu gaadhana kaba sii wanaagsan.
Su’aal: Sheekh Aadan Madoobe iyo Xaabsade
waxaa la sheegay inuu isbahysigiinu soo hubeeyey, maxay tahay siyaasadda idiinku
jirtey inaad ragaas oo ay Col. Shaati Guduud is hayeen aad taageertyaan?
Jawaab: Wax hub ah iyo wax shaqo ah oo aan ree
Baydhaba iyo ragaas ku darsanay ma jirto , waxaanu nahay dad deris Jubooyinka
iyo Gedo ka ah oo walaalo ah.
Sua’aal: TNG mar waxaa ka soo duulay inay
idinla heshiinayaan haddii uu shirku horay u socon waayo, idinkuna mar waxaad
sheegteen inaad TNG xoojin doontaan haddii shirka fara gelinta shisheeye laga
dayn waayo, hawshaasi ma dhab bay idinka ahayd mise waad ku caga juglaynayseen?.
Jawaab: Igad waxaanu u sheegnay haddaan
caddaalad wax lagu qaybsan iyo inuusan shirku ahayn shir soomaaliyeed, mar
haddii aanu saxeexayno wax aanan go’aansana aanu TNG xoojinayno, caqabdaasna
hadda waa laga soo gudbay.
Su’aal: aragtidaada shirka ku wajahani waa
maxay?.
Jawaab: waxaan qabaa inuu shirkani noqon karo
mid soomaali dawlad loogu dhisi karo haddii an la marin habaabin, hadda qabiil,
qabiil baa la isku arkayaa, jawiguna kii todobaadkii hore waxaad moodaa inuu
dhaamo, waxaan rumaysnahay in TNG xal loo heli doono, sidaasna uu shirku u
bilaaban doono.
Waxaa waraystay Ibraahim Maxameddeeq
SomaliTalk.com |
Eldoret
E-mail: imdeeq@hotmail.com
![](http://www.somaliatalk.com/eldoret/ibrahim/ibrdeq.jpg)
Midowga
Yurub oo Ku Hanjabay Joojinta Kharashka Shirka ELdoret
Qanyare, Xuseen Caydiid iyo Muuse Suudi oo
dalbaday in ergooyinka habka qabiil laga daayo oo habkii kooxaha lagu celiyo....
warbixintii
Ibraahim Maxameddeeq... 23/11
Sifaha
Siyaasiyiinta Soomaalida
iyo Siyaalaha ay u wada Hadlaan:
Ibraahim Maxameddeeq oo jawaab ka bixinaya su'aal laga weydiiyey siyaasiyiinta
Soomaaliyeed (eldoret) ayaa sheegay in.. GUJI... 23/11
DKG
oo Diidey Go'aankii Shalay iyo
Safarkii C/Laahi Yuusuf oo Dib u Dhacay:...
DKMG ah oo goor hore ku jirtey kooxaha u ololaynayey in
hab qabiil ergooyinka lagu qaybiyo ayaa hadda arintaas diidan Warbixintii
braahim Maxameddeeq 20/11
Ergooyinkii
Shirka Eldoret oo Lagu Jaan Gooyey Hab Qabiil
Ergada oo laga dhigay 400 iyo xubnaha ka mid
noqonaya gudiyada lixda ah oo tiradooda guud laga dhigay 138 qof ayaa maanta
lagu qaybiyey hab qabiil..... Warbixintii Warbixintii
Ibraahim Maxameddeeq 19/11
... ELDORET:
Taxanaha Wararka
... Soomaaliya
iyo dhacdooyinkii 2001/2000
WARARKA
SEPTEMBER - GUJI
»
AGOOSTO | JULY
| JUNE |
MAY | APRIL
|
MARCH | FEBRAAYO
|
Janaury 2002
| Wararkii
1999-2001
com
|