QAAR KA MID KOOXIHII G 8 OO WAX LOO KORDHIYEY
Ibraahim Maxameddeeq
imdeeq@hotmail.com
SomaliTalk.com | Eldoret
Nov 18, 2002
Mr. Elijah M wangale
ayaa maanta kulan gaar ah oo uu la yeeshay hogaamiyayaasha kala ah Cismaan Caato,
Qanyare, Col. Barre Hiiraale iyo Cumar Finish ugu soo ban dhigay inay qaybsadaan
24 ergey isla berrina ay soo gudbiyaan liiska ergooyinkooda wejiga labaad ee
shirka ka qayb gelaya, isagoo madaxdaas u sheegay inay gudiga farsamada Igad ku
hawlan yihiin sidii ay Jaamac Cali Jaamac iyo Cabdillaahi Yuusuf u dhex
dhexaadin lahaayeen.
Ragga uu Mr. Elijah wax u kor dhiyey ayaa weli
ku jira wada tashi ku saabsan sida ay ka yeelayaan arinta loo soo jeediyey,
iyagoo qaarkood u arka inay xaajadani tahay mid G 8 lagu kala qaybinayo maadaama
aan weli wax la siin hogaamiyayaasha kala ah Sheekh Aadan Madoobe, Ina Isaaq
Biixi, Jaamac Cali jaamac, Axmed Cumar Jees oo dhamaantood ka tirsan kooxihii
isu bahaystay cabashada ergooyinka lagu yareeyey.
Dhinaca Gudoomiyaha ergooyinka bulshada rayidka
ah Dr. Shariif Saalax ayaa shir uu maanta u qabtay bulshada rayidka ah ugu
sheegay in laga sugayo inay gudbiyaan xubnihii lixda guddi uga qayb geli lahaa
sidaa darteedna uu go’aansaday in xubnaha loo qaybiyo afartii qolo iyo badhkii
ay soomaalidu wax ku qaybsan jirtey. Go’aankaasna waxaa dood qaylo iyo buuq
isu rogtay ka keenay Xubnaha Jareer Weyn bulshada rayidka ah kaga jira oo isla
shirkii ka sheegay inaysan marnaba wax badh la yidhaahdo aqbalayn maadaama ay
soomaalidu ka kooban tahay Shan qabiil oo is le’eg, kan shanaadna uu yahay
Jareer Weyn. Badhka oo ay jareertu si weyn u diiddey waxaa aqbalay qolooyinka
yar yar ee Soomaaliyeed oo shirkii ka sheegay inay iyagu ogol yihiin in Badh
lagu tilmaamo maadaama ay yihiin da yar.
Dr. Shariif Saalax oo aan shirka kaddib la
kulmay ayaa ii sheegay inuu isla maanta gudbin doono liiska gudiyada, wuxuu
kaloo Shariifku ii sheegay in ciddii ka tirsan bulshada rayidka ah ee ilaa iyo
hadda maqan qabiilada ay u dhasheen bedelan karaan.
Bulshada
Caalamka oo Dadaal ugu Jira sidii shirka ELdoret Caqabada looga Saari lahaa:
In kastoo aan weli si rasmi ah loo soo afjarin
is mari waagii ka dhex taagnaa madaxda kooxaha ee ku saabsanaa sida loo
qaybsanayo ergooyinka wejiga labaad... GUJI
Ibraahim Maxameddeeq
Somali Talk
Eldoret
E-mail: imdeeq@hotmail.com
![](http://www.somaliatalk.com/eldoret/ibrahim/ibrdeq.jpg)
Kooxihii
Shiray oo Codsaday in 38 Xubnood Lagudaro
Ergooyinka si loo siiyo kooxihii cabanayey.... shirar gooni-gooni ah oo u
socda kooxaha.... Mr. Mwangale oo sheegay inuu shirku ismari waa culus wajahay
.... iyo saadaal in caqabadan goor dhow laga gudbi doono .. dhammaan ka akhri
Warbixintii
Ibraahim Maxameddeeq 14/11
... ELDORET:
Taxanaha Wararka
... Soomaaliya
iyo dhacdooyinkii 2001/2000
WARARKA
SEPTEMBER - GUJI
»
AGOOSTO | JULY
| JUNE |
MAY | APRIL
|
MARCH | FEBRAAYO
|
Janaury 2002
| Wararkii
1999-2001
com
|