|
Suuqa Alkarama:
Ma u baahantahay dukaamo iyo xafiisyo
kiro ah, la xiriir Alkarama Somali
Mall oo kuyaal xaafada Cedar ee Minneapolis, USA. GUJI... |
ERGOOYINKA SHIRKA ELDORET OO LA DHIMAYO
Gudiga farsamada Igad ayaa kulan ay xalay
la yeesheen hogaamiyayaasha soomaaliyeed ee shirka dibu heshiisiinta Eldoret
ka qayb qaadanaya la socodsiiyey in maadaama lagu guda jiro wejigii labaad
ee shirka oo ku kooban arimo farsamo oo qudha loo baahan yahay inta ay
gudiyadu hawshooda wadaan in ergooyinka la dhimo.
Waxay sheegeen in laga fursan waayey in
madaxda ururada iyo inta aysan ka maarmi Karin oo qudha laga soo reebo
ergooyinka 800 korka u dhaafay ee hoganaya daafaha magaalada Eldoret ee uu
shirku ka socdo, iyagoo caddeeyey in ergooyinka dib loogu yeedhi doono marka
la guda galo wejiga saddexaad ee shirka oo ah midka dawladdii dhexe ee
soomaaliya lagu soo dhisi doono, madaxda siyaasadda soomaalida ayaana
sheegay inay arintas ka soo tashan doonaa.
Waxaan Eldoret si rasmi ah maanta
uga socday shirarkii ay gudiyadu kaga wada hadlayeen hawsha talo bixineed ee
loo diray, iyadoo ay wakiilada dawladda ku meel gaadhka ah oo horay wax u
diidanaana ay maanta shirarka gudiyada kala qayb qaateen.
Isla maantana shir ay beesha Daarood
yeelatay ayeey xubnihii ka soo qayb galay dood dheer oo aan dagaal ka
madhnayn ka sokow lagu taageeray heshiiska ay madaxda reer Muqdisho ku
gaadheen Eldoret, waxaana shirkaa oo uu Gen. Gabyow guddoominayey uuna ka
soo qayb galay madxweeyne ku xigeenka dawlad gobooleedda Puntland Maxamed
Cabdi Xaashi la isugu sheegay inay qolo kasta oo beeshaa ka tirsani soo
dirsato shan qof oo wax ka soo qaban qaabisa shir ay isugu yimadaan guud
aahaan beesha daarood.
Xallayna wakiilada dawladda ku meel gaadhka
ah shirka ka jooga waxaa kulan la yeeshay ergeyga Maraykanka u qaabilsan
arimaha Soomaaliya, kulankaas oo ay ka soo qayb galeen Raysal wasaare Xasan
Abshir, Gudoomiye Deerow iyo xubno kale ayuu ergayga maraykanku TNG’da ugu
hambalyeeyey heshiiska ay la saxiixeen kooxaha Muqdisho oo uu ku tilmaamay
talaabo loo baahan yahay, wuxuuna ergaygu wakiilada TNG u sheegay sabata ay Moi iyo Zenawi u tegayaan maraykanka oo uu ku sheegay mid la xirrirta oo
lagaga wada hadlayo talaabooyinka argagixso ee dhowaan ka dhacay magaalada
xeebta ah ee Mombasa.
<><><>
HESHIIS IYO GO’AAN AY ELDORET KA SOO
SAAREEN HOGAAMIYAYAASHA MUQDISHO
Hogaamiye kooxeedyadii doraad baaqa ka soo saaray
magaalada Eldoret oo ay dawladda ku meel gaadhka ahi ka maqan tahay ayaa
maantana soo saaray heshiis iyo go’aan ka kooban lix qodob oo kala ah
sidan:
1- in la sugo nabad gelyada magaalo madaxda Muqdisho
2- in loo hawl galo furitaanka Dekadda iyo garoonka
diyaradaha ee caalamiga ah ee Muqdisho
3- in la soo celiyo adeega guud ee magaalo madaxda
4- in xiriir lala sameeyo bulshada caalamka sidii
cunaqabataynta looga qaadi lahaa magalo madaxda Muqdisho
5- in lala dagaalamo argagixisada nooc kasta oo ay
ahaato sida: Afduubka, Burcadda iyo kuwa isku daya inay wax u dhimaan
dawladaha aynu deriska nahay iyo bulshada caalamka
6- in si deg deg ah looga shaqeeyo qaabkii ay ku hir
geli lahayeen qodobada kor ku xusan
Heshiiskan
iyo go’aamada xusan oo ay saxiixeen madaxda kala ah: Qanyare, Muuse Suudi,
Xuseen Caydiid, Cismaan Caato, iyo Cumar Finish ayeey ragaasi dadka ku
abtirsada ururka USC iyo deegaan wadaagtooda kaga codsadeen inay heshiiskan
iyo go’aamadiisaba soo dhoweeyaan, hir gelintiisana u diyaar garoobaan.
Shir jaraa’id oo hogamiyayaashaasi ku faah
faahinayeen heshiiskan iyo go’aamadaas ayeey nimankaasi ku sheegeen sida
ay uga go’an tahay fulinta qodobada heshiiskan , Xuseen Caydiid oo
arintaas ka hadlayey ayaa sheegay inuu heshiisku ku dhashay rabitaanka dadka
iyo dadaalka madaxweyne Moi oo isu keenay dhamaan madaxda soomaaliya,
wuxuuna yidhi: “heshiiskani wuxuu muhiim u yahay horumarinta shirka
Eldoret maadaama ay Muqdisho muhiimad u leedahay fulinta wixii shirka ka soo
baxa”.
Qanyare ayaa isna sheegay inay hogaamiyayaasha
Muqdisho mustaqbalka hal hogaamiye yeelan doonaan isagoo muhiimadda arintaas
ka hadlayana wuxu yidhi: “haddii aynaan inagu kala dambayn lahayn cidda
aynu heshiiskan u samaynaynaana kala dambayn mayso”. Mr. Qanyare oo ka
hadlayey inuu heshiiskoodu uusan kuwii hore la mid ahyna wuxuu yidhi: “tani
kuwii hore waa ka duwan tahay, mahuna mahii maaha,waa inay beelaha USC isu
xilqaamaan sidii ay hawshani u hir geli lahayd”wuxuuna ku cel celiyey in
haddii uu heshiisku lumo ay danta dadku lumayso.
Ragii shirka jaraa’id ka hadlay waxaa ka mid ahaa
Muuse Suudi Yalaxow oo horay uga tirsanaa isbahysigii SRRC laakiin hadda ka
figrad duwanaaday wuxuuna sheegay inay fursad u heleen inay is waraystaan
wixii dan ahna ka wada hadlaan isla markaana ka heshiiyaana utumihii ka
dhexeeyey waxaana hadaladii Muuse ka mid ahaa isagoo yidhi: “waxaanu
markii hore isla soo qaadnay sidee baynu wax u wada qabsanaa?, cidda is
taakaynaysey annagay ahayd, waadna u jeedaan inaanu wax isla saxiixnay, USC
baan soo celinaynaa, inuu heshiisku naga dhab yahayna waxaa caddayn u ah
baaqa aanu soo wada saaray ee wad saxiixnay”.
| “waa maalintii koowaad ee la arko Hawiye
kor eegaya, kuwii ka dhabeeya Allaha idinka dhigo”.
Col.
Barre Hiiraale |
Waxaa kaloo shirkaa jaraa’id ka hadlay
Cismaan Caato oo isagoo ka hadlaya hogaanka ay inta baaqa soo saartay yeelan
karto sheegay inaysan hogaamiyaayshu isku koobi doonin hogaanka ay beesha
USC yeelan doonto balse ay gudoomiyayshu calanka iyon tooshka u sidi doonaan,
wuxuuna sheegay in arinta heshiiskan dhashay ay wada tashi ku bilabeen, Col.
Barre Hiiraale oo madasha shirka jaraa’id lagu hayey mar dambe soo galay
oo ay weriyayaashu weeydiiyeen sida uu isagu u arko heshiiskan ayaa intuu
gadhkiisa dheer gacantiisa midig ku salaaxay sheegay inuu heshiiskan u arko
talaabo soomaalinimo ah oo horay loo qaaday, waxaana hadaldiisii oo uusan
kaftan ka madhnayn ka mid ahaa: “waa maalintii koowaad ee la arko Hawiye
kor eegaya, kuwii ka dhabeeya Allaha idinka dhigo”.
Ibraahim Maxameddeeq
SomaliTalk
Eldoret
E-mail: imdeeq@hotmail.com
HALKAN
KA AKHRI WARAYSIGII MAWLIID MACAANE EE SOMALITALK ... GUJI
Baaq
ay Hogaamiya yaasha Muqdisho
Kasoo Saareen Eldoret:
iyo Mwangale oo Maanta la hadlay xubnaha
gudiyada.. Ibraahim
Maxameddeeq... 02/12
Sifaha
Siyaasiyiinta Soomaalida
iyo Siyaalaha ay u wada Hadlaan:
Ibraahim Maxameddeeq oo jawaab ka bixinaya su'aal laga weydiiyey siyaasiyiinta
Soomaaliyeed (eldoret) ayaa sheegay in.. GUJI...
... ELDORET:
Taxanaha Wararka
... Soomaaliya
iyo dhacdooyinkii 2001/2000
WARARKA
SEPTEMBER - GUJI
»
AGOOSTO | JULY
| JUNE |
MAY | APRIL
|
MARCH | FEBRAAYO
|
Janaury 2002
| Wararkii
1999-2001
com
| 
imdeeq@hotmail.com
