Ra'iisul Wasaaraha Xukuumadda Ethiopia oo Sheegey in ay weli jirto Cabsi
Gobolka ah oo ku Aadan Xarakadda Alshabaab.
 Haile Mariam Deselegn oo ah Ra'iisul Wasaaraha Itoobiya oo la hadlay Warbaahinta
ayaa ka Warbixiyay Ammaanka Gobolkan Geeska Afrika. Ra'iisul Wasaaraha ayaa
farta ku fiiqay in Gobolka weli ay ka jirto Cabsi laga qabo Dagaalyahanada
Xarakada Shabaab kuwaasoo uu sheegay in dhawaan Duulaan ay ku qaadeen Gudaha
Magaalada Nairobi ee Dalka kenya. Mr Deselegn oo sii hadlay ayaa sheegay inuu Diyaar u yahay inuu gacan siiyo lana
shaqeeyo Ciidamada Amisom isagoona ballan qaaday in dhinaca Tababarada Ciidamada
Amisom iyo Taakuleyntooda uu gacan ka gaysanayo si loo baajiyo Hanjabaadka ka
soo yeeraya Xarakada Shabaab. Ra'iisul Wasaare Haila Mariam ayaa soo hadal qaaday Ciidamada Dalkiisa kaga
sugan Gudaha Soomaaliya isagoona sheegey inaan marnaba Ciidamadas laga soo saari
doonin Soomaaliya isagoona ku adkaystay in Ciidamada Itoobiya ee ku sugan Gudaha
Soomaaliya in ay la Dagaalami doonin Shabaab inta ay meesha ka baxayso
Hanjabaadaha ka soo yeeraya Dagaalyahanada Shabaab. Ciidamada Itoobiya ayaa waxa ay ku sugan yihiin Gudaha Soomaaliya kuwaas oo aan
qayb ka ahayn Hawlgalka Midowga Afrika ee Amisom kuwaasoo Dagaalo la gala
Dagaalyahanada Xxarakada Shabaab. Si kasta ma Cadda Tirada guud ee Itoobiyaanka
kaga sugan Soomaaliya, waxayse si toos ah u joogaan Gobolka Hiiraan Bakool iyo
Gobolo kale. W/D Amiin Yuusuf Khasaaro E-Mail amiinkhasaaro@hotmail.co.uk E-Mail amiinkhasaaro@yahoo.co.uk
Faafin: SomaliTalk.com | Oct 5, 2013
| 
Daabaco
Boggan | Print
