Suleymaan Maxamed Ibraahim “ Kenya waxay Dooneysaa in ay la Wareegto
Gobolada Jubbooyinka , kuwa u Hor-Boodayana waa Maqaarsaar oo lagu Fushanayo
Dano gaar ah”
Suleymaan
Maxamed Ibraahim oo ka mid ahaa Xildhibaanadii Hore ayaa mar uu u waramey
Warhaahinta kala duwan ee Magaalada Muqdisho ayaa Dowladda Kenya ku eedeeyey in
soo gelitaankii Ciidamada Kenya ee Gobolada Jubbooyin ay yihiin kuwa Dowladda
Kenya ay ka leedahay u jeedooyin gaar ah , isagoo sheegey in kuwa hor boodaya
Ciidamadaas Kenya ay yihiin kuwa la doonayo in dano gaar ah lagu gaaro.
“ Ciidmada Kenya ma ah kuwa doonaya in ay Nabad ku soo Dabaalaan Gobolkaa , ee
waa kuwa Doonaya in ay fuliyaan Dano gaar ah waayo Dowladda Kenya waxay weligeed
ku Hamineysey in ay la wareegto Gobolada Jubbooyinka si ay u Xalaaleysato
Arrintii Badda “ayuu yiri Suleymaan Maxamed Ibraahim oo sheegey in kuwa soo
Horkacay ay yihiin kuwo Maqaasaar ah .
Suleymaan Maxamed Ibraahim waxaa uu soo dhaweeyey in Gobolkaas la geeyo Ciidamo
Amisom ah sida Ciidamada Siiralyoon maadaama Ciidamada Kenya aysan qaadaneyn
Awaamiirta Dowladda Federaalka , wuxuuna u soo jeediyey Xildhibaanada
Baarlamaanka in ay taageeraan Mooshinkii laga keeney Joogitaanka Ciidamada Kenya
“Waxaa xaqiiqo ah in Kenya ay meesha Haysata kuwa u Sacaba Tumaya ama Kiinyaan
Noqda ama Soomaali noqda oo waxaa u Dhaarateen waa Dalka iyo Dadka marka waa in
aad Mowqif Mideysan ka qaadataan sidii Ciidamada Kenya laga saaro Dalka “ayuu
yiri Suleymaan Maxamed Ibraahim oo u soo jeediyey Xildhibaanada in ay Xooga la
saaraan sidii Ciidamada Kenya looga saari lahaa Dalka .
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | May 29, 2013
|