Midowga Daladaha Waxbarashada Dalka oo Xusey Sannad Guuradoodii 3-aad Soona
Bandhigey Muqarar Waxbarasho oo ku Hagaya Manhaj Mideysan.
Waxaa Xarunta Midowga Daladaha Waxbarashada Dalka lagu qabtey Munaasbad si heer
sare loo soo Agaasimey taasoo ku beegneyd Sannad Guuradii 3aad oo ah markii
ay Midoobeen Daladaha Waxbarashada Dalka , waxaana Munaasbadaas ka qaybgaley
Masuuliyiin ka socotey Wasaaradda Adeega Guud ee Dowladda Federaalka
Qaybeteda Waxbarashada, Madaxda Daladaha Waxbarashada , Hayadaha Samafalka ,
Jaamacadaha, Odoyaasha Dhaqanka iyo Bulshada Rayidka.
 
Waxaa ugu horeyntii halkaas laga la soo jeediyey warbxin ka hadleysa waxa u
qabsoomey Midowga Daladaha Waxbarashada , waxaaana lagu sheegey Warbixntaas
in Midowga Daladaha Sannadkii 2012-2013 ay Dugsiyadood dhigteen ilaa Saddex
Boqol oo kun oo ardey ,Dusiyada waxay ahaayeen 1300 oo Dugsi, Ardeyda Deeqha
waxbarashada ee Lacag La’aanta ah heley waxay ahaayeen ilaa Labaatan Kun oo
Ardey , iyo Macalimiinta waxay gaarayeen 11 Kun oo Macalin
Warxinta oo uu Akhrinayey Ustaad Maxamed Faarax Cali Sacaba Weyne oo ah
Xiriiriyaha Midowga Daladaha Waxbarashada Dalka waxaa kaloo lagu sheegey in
Mudadaas ay Jireen caqabado soo wajahay Dusgiyada Hoos yimaada Midowga
waxaana ka mid ahaan arrimo la xiriira Dhinaca Amaanka, sidoo kale waxaa
Caqabadahaasi ay hayeen in Maamuladii soo marey Dalka aysan wax Dhiiragelin
ah Daladaha waxbaarshada oo la xiriirta sida loogu Dhabr adeygey 22 kii
Sanno in aysan kala Go’in qaybaha Waxbarashada ee Dalka , waxaa kaloo
Warbixinta lagu sheegey in Dowlada Federaalka ay qaadato Doorka kaga aadan
Waxbarashada Dalka.
“Waxbarashada waa xoog aan la Dafiri Karin oo u baahan in gacan weyn la
siiyo si loo helo Ardey Dhinac waliba ka dhisan”Sidaa waxaa yiri Afhayeenka
Bulshada Rayidka Cabadulaahi Maxamed Shirwac oo kula Dardaarmey Midowga
Daaldaha Waxbarshada in ay Xooga Saaraan sidii loo heli lahaa Ardey haysta
Xirfad uu ku shaqeysan karo maadaama dalka haatan uu ku jiro Dib u Dhis
isagoo Midowga ku Amaaney ay il gaar ah ku eegaan caruurta aan iska bixin
Karin Kharashaadka Waxbarashada
Sidoo kale waxaa halkaas ka Hadley Duniyo Maxamed Cali oo ka socotey
Bulshada Rayidka waxayna sheegtey in ay aad ugu faraxsan tahay in Daladaha
waxbarashada ay Midoobeen taasoo ay ku tilmaantey Guul weyn , waxayna kula
Dardarantay in Midowga Daladaha Waxbarashada mar weliba iska Ilaaliyaan wax
kasta oo keeni kara aama abuuri kara Khilaaf waxayna Dalada uga Mahadcelsiey
in Caruur Fara badan oo gaaraya Laabtan Kun siiyaan Deeqo waxbaarshada oo
Lacag la’aan ah.
 
Carabow Ibraahim Nuur oo ah Agaasimaha Wasaaradda Adeega Guud ee Bulshada
Qaybteeda Waxbarashada ayaa waxaa uu sheegey in Wasaarada ay aaad ugu
Faraxsan tahay in ay ku Midoobaan Daladaha Waxbarashada Hal Muqrar taasoo uu
sheegey in uu Sahalayo in Meel loogu soo hagaago Waxbarashada Dalka , sidoo
kale waxaa uu u soo jeediyey Midowga in Dhinac kasta ka Midoobaan ha noqoto
Dhinaca Manhajka, Dharka iyo Macalimiinta , isagoo sheegey in Wasaaradda
iyana ay ka soo Dhalaali doonto Doorkeeda ku aadan Sare u qaadida Tayada
Waxbarashada iyo Aqoonta Macalimiinta
Gabagabadii ayaa waxaa halkaas lagu soo bandhigey Buug ka hadlaya Muqrarka
Waxbarashada Midowga Daladaha Waxbarashada kaasoo lagu soo koobey sida loo
wajahayo ama looga Midoobayo Manhajka iyo Sanadaha Waxbarshadu soconayaan
laga soo bilaabo Dugsi Hoose ilaa Dugsi sare,waxaana loo qaybiyey Todobada
Daladooda ee ku Midoobey Waxbarashada , waxaana Muqrarkaas si aad ah u soo
Dhaweeyey Qaybaha kala duwan ee Bulshada kuwaas oo inta Dagaalada jireen
aysan helin Muqrar lagu Mideysan yahay.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | May 19, 2013
| 
Daabaco
Boggan | Print
