Warar Dheeraad ah oo ku saabsan Qarax Ismiidaaminta ahaa oo la Doonayey in
lagu Dilo Wasiirka Arrimaha Gudaha iyo Amniga Qaranka
Wasiirka Arrimaha Gudaha oo Booqdey halkii Qaraxu ka Dhacay
Xarakadda Al-Shabaab oo sheegatey Masuuliyada Qaraxaasi
Barqanimadii Axadda ayaa Gaari Walxaha Qarxa laga soo buuxiyay waxaa lala Eegtay
Gaari siday Wafddi Turki ah oo Kulan la soo qaatay Wasiirka Arrimaha Dibadda ee
dawladda Federaalka Soomaaliya.Wararka ayaa sheegaya in Wafdiga markii uu ku soo
laabtay Kulankii ay la yeesheey ayaa Gaari sida la sheegay Kaarib ahaa lala
beegsaday gaarigii Wafdiga waday kaasoo isla goobtii ku qarxay.
Goobta uu qaraxu ka dhacay ayaa markiiba waxaa ku dhimatay illaa toban qof oo u
badnaa dad Rayid ah oo meesha marayay halka qaarkoodna ay ahaayeen Wadayaasha
Gaadiidka B.L.ka ah iyo kirishbooyadooda oo ku sugnaa meel aan sidaa uga fogeyn
goobta uu Qaraxu ka dhacay.
Mid ka mid ah Sarakiisha Ciidamada Dawladda oo halkaa ka shaqaysa ayaa
Saxaafadda u sheegay in Indhihiisu uu ku arkay illaa Sidddeed Dhimasha ah oo ay
ku jireen Dad Ganacsi ku haystay halkaa iyo Haweneey Masaakiin ahayd oo halkaa
ka tuugsanaysey.
Waxaa isaguna halkaa soo gaaray Guddoomiyaha Degmada hodan Dhabaneey oo mar uu
Saxaafadda la hadlay sheegay in iminka ay ku hawlan yihiin daad gureeynta Dadka
Dhaawaca ah iyo Asturidda kuwa halkaa ku Geeriyooday isla markaana uusan xiligaa
bixin Karin Tira koob rasmi ah inta dhimashada iyo dhaawacu ay gaarayaan.
Guddoomiye Dhabaneey ayaa sheegay in Dawladdu ogtahay wax Shacabku aanu ogeyn
markii dhawaan Waddooyinka la xirayna ay Shacabku ku qaylinayeen Maxaa
Waddooyinka loo xiray isagoona sheegay in arrimahan iyo arrimo kale oo la
filanayo ay lagaga hor tagayayay Xiritaanka Waddooyinkaas.
Guddoomiyaha ayaa shacabka Soomaaliyeed uga digay in mar kale ay dhici karto
dhacdo tanoo kale ah isla markaana ay la shaqeeyaan Ciidamada sidii looga hor
tegi lahaa falalka kuwan oo kale ah. Madaxa Caafimaadka Isbitaalka Madiina
Duniyo Cali oo Saxaafadda la hadashay ayaa sheegtay in Isbitaalka la soo
gaarsiiyay Illaa Labaatan qof oo seddax ka mid ah ay Geeryoodeen markii
Isbitaalka la keenay.
Duniyo ayaa intaa ku dartay in in laba iyo Toban ka mid ahaa Bukaanada la soo
gaarsiiyay Isbitaalka dib loo celiyay ka gadaal markii loo qabtay Adeeggii
Caafimaad ee ay u baahnaayeen. Siddeed ka mid ah dadkii dhaawacooda la soo
gaarsiiyay isbitaalka Madiina ayaa la dhigay halkaas oo iminka lagu
baxnaaninayo.
Afhayeen u Hadlay Xarakada Al-Shabaab ayaa waxaa uu sheegey in ay ka dambeeyeen
qaraxaasi isagoo Tilmaamey in Ujeedada Qaraxa ay hayd in ay ku Naafeeyaan Wax
uugu yeerey Caddowga Ilaaheey , waxaana uu intaa raaciyey in Muqdisho aysan
jirin meel ka xiran ama ka caagan,waxaana uu sheegey in Howlgalada Noocaas oo
kale ay sii wadi doonaan
Wasiirka arrimaha Gudaha iyo Amniga Qaranka ee Dawladda Federaalka Soomaaliya
Cabdikariim Xuseen Guuleed oo booqday meesha uu Qaraxu ka dhacay ayaa hadal
kooban oo uu jeediyay ku sheegay in dawladdu wax ka qaban doonto falalka
Amnidarro ee Magaalada ku soo badanaya iyadoo gaariga Wasiirka oo ah Nooca
Xabadu karin ay waxyeelo weyn ay ka soo gaartey Qaraxaasi,ayaa goor dambe laga
qaadey Km4 oo ahayd halka Mashaqadu ka dhacdey Sidoo kale Qarax kale ayaa waxaa
uu ka dhacay Degmada Dayniile ee Gobolka Banaadir halkaa oo la sheegey in uu
Booqaanayey Madaxweynaha Dowladda Federaalka waxaana ku dhaawacmey Shan Aaskari
oo ka mid ah Ciidamada Dowladda
W/D Amiin Yuusuf Khasaaro
E-Mail Amiinkhasaaro@hotmail.com
E-Mail amiinkhasaaro@yahoo.co.uk
Faafin: SomaliTalk.com | May 5, 2013
| 
Daabaco
Boggan | Print
