Agaasimihii Hayadda Nabadsugida Soomaaliya oo iska Casiley Xilkii
islamarkaana Warqadii Istiqaaladda u Gudbiyey Madaxweynaha Dawlada Federaalka
Waxaa Magaalada Muqdisho Shir Jaraaid ku qabtey Agaasimhii Guud ee Ciidamada
Nabdsugida Axmed Macalin Faqi kaasoo uu kaga waramayey Istiqaalad ama iscasilaad
oo uu u Gudbiyey Madaxweynaha Dowlada Federaalka Xasan Shiikh Maxamuud ,,wuxuuna
sheegey in ay jirto Iscasilaadaasi ku aadan Xilka Agaasimaha Nabasugida.
‘Aniga ayaa Go’aansadey in aan ka tago Xilkaasi “ayuu yiri Axmed Macalin Faqi oo
sheegey in mudadii uu haye Xilka Agaasimaha Nabadsugida Soomaaliya uu qabtey
howlo Muhiim u ah Arimaha Nabadgelyada iyo isagoo sheegey in mudadii uu hayey
Xilkaasi ay wada shaqeyn wacan ka heleen Shacabka Soomaaliyed oo uu sheegey in
la’aantood aysan Nabad ku soo dabaali lahayn Goblada Dalka iyo Magaalada
Muqdisho;
Istiqaalada uu Agaasimaha Nabadsugida uu u gudbiyey Madaxweynaha Soomaaliyeed
ayaa waxay Fajaciso ku noqotey Dowlada Federaalka, waxayna iscasilaadaan ay ku
soo beegantey iyadoo maalmihii ugu dambeeyey ay Magaalada Muqdisho ku soo
kordhayeen Dilalaka iyo Qarxxyada taasoo ay ku dhinteen Dad farabadan,
Inkasoo uusan Cadeyn Agaasimaha sababaha uu isku casliey hadana warar baa
sheegeyey in Dowlada ay dooneyso in ay gabi ahaan badesho Madaxda Ciidamada kala
duwan waxaana hore loo bedeley Taliyihii Cidamada Milatariga iyo Amaanduulihii
Ciidamada Milatariga waxayna dadka qaar ay ku macneeyeen iscasilaadaan mid uu
kaha hor dagayo in Xil ka qaadis lagu sameeyo.
W/D Amiin Yuusuf Khasaaro
E-Mail amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | March 25, 2013
| 
Daabaco
Boggan | Print
