Fariin ku Socota Madaxweynaha , Gudoomiyaha Baarlamaanka iyo Raiisul
Wasaaraha oo ka Timid Dadka Deegaanka Afisyooni
Waxaa Qoraal naga soo gaarey Dadka Degen Deegaanka Affisyooni ee Xaafadda Xamar
jabajab ee Magaalada Muqdisho kuwaas oo ah Qoysaskii Ciidamadii Hore , Kuwa
Hadda Safka hore ku jira iyo Xoogaa Shacab oo halkaas ku soo Barakacay ,waxayna
fariin Cabasho ah u Dirayaan Madaxweyne Xasan Shiikh , Gudoomiyaha Baarlamanka
Maxamed Shiikh Cismaan Jawaari iyo Raiisul Wasaare Saacid Waxayna Cabashadooda u
Qorneyd Sidatan:
 Sannadkii 2010 ayaa waxaa la Damcay in dadkii halkaa Degenaa ee Affisyooni oo
qaarkood Sadex fac halkaas ku noolaa islamarkaana Dowladii hore halkaas Dejisey
ka dib markii ay Abaal gud looga dhigey Difaaca ay Difaaceen Dalkooda in la
Barakaciyo iyadoo lagu mar mar Marsiyaoonaya in ay khatar ku yihiin Amaanka
Garoonka Diyaaradaha , taasoo markii Dambe ay Beenowdey , waana la ogaa halkii
ay ku dambeysey Dhacdadaas , waxaa dadka Degaanka isku afgarteen in la Baneeyo
qaybta Kulliyada , oo Dhismaheeda ay wax ka Dhiseen Dadka Deegaanka sidaana Dib
loogu Degey Affisyooni .
Waxaa maalintii isniinta ee la soo dhaafey dadka Deegaanka lagu wargeliyey in ay
mar kale halkaas uga Guuraan muddo Todobo Cisho taasoo la yaab ku noqotey dadkii
halkaa Degenaa , waxayna Qoraalkoda cabashada ku sheegeen in ay ka dambeeyaan
Qaar ka mdi ah Saraakiisha Ciidamada ka dib markii ay si hoose ula heshiiyaan
dad ganacsato oo halkaas Dano gaar ahaaneed ka Sameystaan, waxaana haatan
Deegaanka ku nool dad Gaaraya 10 kun oo Qoys marka waxaa ay dadka Deegaanka
isweydiinayaan Dowlada ma Dhul bay rabtaa Mise Shacab hadii ay Shacab rabto
waxaan ugu baaqeynaa inay naga qabtaan dadkaas sheeganaya Saraakiisha hadii ay
Dhul Rabtana Dhulku waa uu badan yahay oo meel kasta ayey ka helayaan.
Waxaan Diyaar u nahay in aan raacno Go’aankii Madaxweyne Xasan Shiikh ee ahaa in
dadka aan laga saari Karin Deegaanada Dowladda leedahay ilaa Deegaankaas ay
Dowlada u hesho Dhaqaale ay ku dhisto ,marka waxaa muuqda in Go’aankii
Madaxweynaha laga talaabsadey iyadoo la fulinayo Dano Shaqsiyadeed , Sidoo kale
waxaa ay dadka Deegaanka ay soo dhaweynayaan hadalkii Wasiirka arrimaha Dibada
oo ahaa in dadka Barakacayaasha la Dejinayo deegaano ay Dowlada u soo xushey oo
ay ku noolaadaan.
“Dowlad waa Shacab , Shacabka haddii aysan Daryeelin Dowladaas ma noqoneyso
Dowlada u adeegta Shacabka sidaa darteed waxaan u soo jeedineynaa Madaxweynaha ,Gudoomiyaha
Baarlamaanka iyo Raiisul Wasaaraha ay ila gaar ah ku eegaan Cabashada Shacabka
iyo Ciidamada ku nool Xaafadda Affisyooni , haddii aysan Dowlada arrinkaa Deg
deg wax uga qaban waxaa arrintu ku biya Shubneysaa mid la mid ah wixii ka dhacay
Dalka Turkiga gaar ahaan Beerata Taksiin oo ilaa iyo hadda Dowladda Ordogana ay
Xal u la’ dahay”ayey ku yiraahdeen Qoraalkii ay soo saareen dad ku nool
Deegaanka Affisyooni” Waxay sii raaciyeen
“Waxaan Diyaar u nahay in aan Baneeno Deegaan waa hadii Dowlada ay baahi weyn u
qabto laakiin Shaqsiyaad Huwan Magac Dowladeed ama Saraakiil marnaba ka yeeli
meyno in si qaldan kaga faaideystaan Magaca Dowladda waayo waxay Dowladi ,
Dowlad ku tahay in ay u Damqato Shacabkeeda ,bal fiiriya Dadkii Soomaaliyeed ee
ka Qaxay Dalkooda waxay ka heleen Dalalkii ay tageen Deegaan, Nabadgeelyo , iyo
soo Dhaweeyn , ma waxaa naga Damqanaya Dowladihii Ajnabiga ahaa Dowladiina ma
sidaan bay noo Dayaceysaa ,mararka qaar waxaa Maqleysaa Madaxweyne Safarkiisii
Dibadeed joojiyey ka dib markiiuu Maqley in la Dhibaateeyey Ruux uu Madax u ahaa
marka halkee kala Joognaa Dowladna Ruux bay u Damqanysaa kuwana Shacabkoodii
Dhibaato haysta ayeysan wax Muraad ah ka lahayn sidoo kale Xubnaha Baarlmaanka
waxaan leenahay Shacabka ayaa Mataleysaan oo idiin doortey ee Deg Deg u eega
waxa ka taagan Affisyooni” waxaa sidaa lagu yiri farintii ay u direen
Madaxweynaha, Gudoomiyaha Baarlanaamka iyo Raiisul Wasaaraha
W/D Amiin Yuusuf Khasaaro
E-Mai amiinkhasaaro@hotmail.co.uk
E-Mail amiinkhasaaro@yahoo.co.uk
Faafin: SomaliTalk.com | June 27, 2013
| 
Daabaco
Boggan | Print
