Madaxweynaha Soomaaliya oo lagu casuumay Xafladda Boqortooyada UK iyo Shirka
hordhaca G8
 Muqdisho, 14 June 2013 –
Madaxweynaha Jamhuuriyadda Federaalka Soomaaliya, Mudane Xasan Sheekh Maxamud oo
martiqaad rasmi ah ka helay Ra’iisul Wasaaraha UK David Cameron si uu uga
qeybgalo xafladda loo sameynayo Boqortooyada Ingiriiska ee 15ka Juun oo ku
beegan maalintii ay dhalatay iyo shirka hordhaca ee G8 ee Sabtiga 15ka Juun
2013.
Madaxweynaha iyo wafdigiisa ayaa maanta oo 14ka bisha Juun ah lagu wadaa inuu
London kula kulmo Rt Hon Justine Greening MP, oo ah Wasiiradda Horumarinta
Caalamka (DFID), kulankaas ka dibna uu ka qeybgalayo casho sharaf ay
mas’uuliyiinta UK u sameynayaan.
Madaxweynaha ayaa hoggaaminaya wafdi heer sare ah oo ay ka mid yihiin Wasiirka
Maaliyadda Maxamud Xasan Saleebaan iyo Guddoomiyaha Bankiga Dhexe Cabdisalaam
Xaaji Hadliye ayaa maalinta Jimcaha 14ka Juun 2013 ay gaarayaan magaalada
London.
Maalinta Sabtiga ah ee 15ka Juun 2013 waxuu madaxweynaha la kulmi doonaa David
Cameron Ra’iisul Wasaaraha UK, kana qeybgali doonaa xafladda Boqoradda
Ingiriiska Her Majesty Queen Elizabeth II, ka dibna waxaa qado sharaf u sameyn
doona Ra’iisul Wasaare ku xigeenka UK, ka dibna galabnimadii uu ka qeybgali
doono shirka hordhaca G8 oo ay madaxda caalamku ka soo qeybgali doonaan oo looga
hadli doono “Transparency Revolution: the G8 Tax, Trade and Extractives Event”
oo ay tahay markii ugu horreysey oo Soomaaliya lagu casuumo shirarka G8.
- DHAMAAD –
Abdirahman Omar Osman (Eng. Yarisow
Madaxweyne Xassan oo Kulamo la qaadan doono Madaxda G8 ka.
Madaxweynaha Jamhuuriyadda Federaalka Soomaaliya Mudane Xassan Sh. Maxamud uu
wehliyo Wasiirka Maaliyadda Mudane Maxamud Xassan Suleyman ayaa maanta kasoo
degay London halkaasna kulamo kula qaadan doono Madax ka tirsan G8ka. Sanadkan
ayaa shirka G8ka looga hadli doonaa “Ganacsiga, Canshuuraha iyo maamul wanaaga”.
Safarkaan ayuu Madaxweyne Xassan ku guubaabin doonaa dalalka G8ka in ay
Soomaaliya la ganacsadaan oo ay maal gelin ku sameeyaan taas oo door weyn ka
cayaari doonto sidii Soomaaliya ay nabadda ugu soo noqon laheyd. Sidoo kale
wuxuu ku wargelin doonaa in hada dalku u furan yahay gancsi iyo wada shaqeyn.
Madaxweyne Xassan ayaa wuxuu la kulmi doonaa Raisul Wasaaraha Ingiriiska oo ay
ka go’an tahay in uu taageero dowladda Soomaaliya. Ingiriiska ayaa safaaradiisii
hore Magaaladda Muqdisho dib-uga furay labaatan sanno ka dib.
“Soomaaliaya waxey ku taalaa meel muhiim u ah caalmka oo dhan. Waa dal qani ah
oo leh kheyraadka dabiiciga ah oo ku wanaagsan ganacsi iyo maal gashi. Maanta
aduunka oo dhan diyaar buu noo yahay. Waxaan ku boorinayaa dhamaan raga iyo
dumarka Soomaaliyeed in aan ka faa’ideysano fursadaan qaaliga ah.” Saa waxaa
yiri Madaxweyne Xassan
Ugu danbeyntii ayuu ku soo gaba-gabeeyay in shaqo loo abuuro dhalinyaradda waxey
ka mid tahay qaabka looga hortagi karo burcad badeeda iyo argagixisadda.
Dhalinyaradda in shaqo loo abuuro waxey muhiim u tahay nabadda iyo horumarka
Soomaaliya.
--
Communication Office
Office of the Somali President
Mogadishu, Somalia
Faafin: SomaliTalk.com | June 13, 2013
|
Daabaco
Boggan | Print
