Dowladda Somaaliya oo 22 sano kadib, dib uga mid noqotay Heshiiska caalamiga
ee waddamada Afrika Carribean and Pacific (ACP) iyo Midowga Yurub(EU) loona
yaqaan COTONOU AGREEMENT
Shirweynihii 38aad ee golaha wasiirada waddamada Africa, Carribean and
Pacific iyo Midowga Yurub (EU-ACP) ayaa lagu qabtay 6-7 June 2013, magaalada
Brussels ee dalka Belgium, waxaana looga hadlay codsi ay dowladda Federaalka
Somaaliya ay hore u gudbisay, oo ahaa in dib loogu oggolaado ka mid noqoshada
saxiixayaasha heshiiska Cotonou agreement oo ah heshiis wadajir ah oo u dhaxeeya
wadamada saboolka ah ee Afrka- Carribean and Pacific iyo Midowga yurub oo la
saxiixay 23 kii June sanadkii 2000.
Haddaba kulankaan oo ay shir gudoominayeen Wasiirka Arrimaha dibedda iyo
iskaashiga caalamiga ah ee Dalka Botuswana Mudane Phandu SKELEMANI iyo
Wasiirudowlaha Ganacsiga iyo Horumarint Dowladda Irelend mudane Joe COSTELLO
ayaa lagu ansixiyey codsigii dowladda federaalka ah ee somaaliya ay hore u
gudbisay. ka mid noqoshada heshiiskaan waxa ay dowladda Somaaliyeed fursad u
siineysaa in ay hesho dhaqaalaha loogu talagalay mashaariicda horumarinta (
Development Projects ) oo ka baxsan deeqaha xaaladda biniaadanimo ee la siiyo
wadamada soo koraaya.
Mr Joe Costello oo shirka ka dib ka hadlay shir jaraaid ayaa waxa uu yiri "
Heshiiska maanta aan halkaan ku gaarnay ee loo oggolaaday Somaaliya ka mid
noqoshada heshiiska Cotonou, waxa uu bog cusub u furayaa Dowladda Federaalka ee
Somaaliya iyo Midowga Yurub, taasina waxa ay tilmaan cad u tahay in Dowladda
Soomaaliyeed ay si buuxda dib ugu soo noqotay kaalintii ay ku laheyd Bulshada
caalamka".
Dhanka dowladda Somaaliya waxaa kulankaas uga qeybgalay Safiirka dowladda
Somaaliya u fadhiya wadanka Belgium iyo talyaaniga ahna wakiilka DFS ee midowga
yurub Mudane Nur Hassan Hussein ( Nur Cadde), waxa uuna halkaas ka yiri erayo
mahadnaq iyo soo dhaweyn isugu jira. Ambassador Nur Cadde waxa uu yiri "
Dowladda Somaaliya waa ay soo dhaweyneysaa goáanka taariikhiga ee halkaan lagu
gaaray maanta,muddo labaatan sano ka badan ayaan ka maqneyn heshiisyada
caalamiga ah , ha yeeshee maanta wixii ka danbeeya dowladda iyo shacabka
Somaaliyeed waxa ay heystaa fursad u sahleysa dib u dhiska iyo horumarka
wadanka".
Heshiiskaan iskaashiga EU- ACP ee loo yaqaan Cotonou Agreement, waxaa saxixay in
ka badan 79 waddan oo wadamada saboolka ee Afrika, Cerribeanka iyo Pacifigga iyo
Midowga Yurb. Wadankii ugu danbeeyey ee ka mid noqda waxa uu ahaa South Africa.
Dowladda Somaaliya hore ayey uga mid ahaan jirtay heshiiskaan ka hor 1991 oo loo
aqoon jiray waagaas LOME Agreement, ha yeeshee sanadkii 2000 loo beddelay
Cotonou Agreemnet.
Mahadsanidiin
HESHIISKII COTONOU 2000 Halkan ka eeg
http://ec.europa.eu/europeaid/where/acp/overview/cotonou-agreement/
Faafin: SomaliTalk.com | June 8, 2013
|
Daabaco
Boggan | Print
